Ïã¸ÛÁùºÏ²Ê¹ÒÅÆ×ÊÁÏ

Yn y farchnad swyddi gystadleuol sydd ohoni mae angen i raddedigion sefyll allan o blith y gweddill. Mae ein rhaglenni gradd wedi'u cynllunio i roi'r wybodaeth ddamcaniaethol, y ddealltwriaeth ymarferol, a'r sgiliau amrywiol i chi wneud hynny. Mae’r cyrsiau’n seiliedig ar ymchwil ac yn rhoi cyfoeth o fewnwelediad i'r tueddiadau a'r heriau sy'n effeithio ar fusnes, rheolaeth a marchnata heddiw.

Byddwch yn dysgu sut i gymhwyso'r wybodaeth a gewch mewn ffordd sy’n effeithiol mewn senarios busnes o’r byd go iawn, yn ogystal â chael profiad ymarferol o fynd i'r afael â phroblemau o’r byd busnes, sgiliau sy’n cael eu gwerthfawrogi’n fawr gan gyflogwyr. Bydd y rhaglenni yn eich helpu i ddatblygu sgiliau strategol allweddol a sgiliau rheoli pobl, ac yn eich annog i feddwl yn greadigol, yn arloesol ac yn entrepreneuraidd, sy'n hanfodol i arweinwyr y dyfodol.

Bydd yr amgylchedd dysgu ysgogol a'r dulliau asesu amrywiol yn eich cefnogi i adeiladu sgiliau allweddol yn effeithiol ac yn gosod sail i'ch gyrfa. Rydym yn cynnig ystod eang o gyfleoedd i bersonoli eich cwrs a datblygu sgiliau i weddu i'ch diddordebau a'ch nodau gyrfa. Rydym yn cynnig sgyrsiau gan weithwyr busnes proffesiynol yn ogystal ag amrywiaeth o weithdai i wella eich cyflogadwyedd, megis sgyrsiau am fenter, hunangyflogaeth, rhwydweithio, ysgrifennu CV, a thechnegau cyfweld. Gall ein myfyrwyr hefyd ennill cydnabyddiaeth am feithrin sgiliau trosglwyddadwy trwy gwblhau Gwobr Cyflogadwyedd Ïã¸ÛÁùºÏ²Ê¹ÒÅÆ×ÊÁÏ. Mae'r cyfleoedd hyn yn galluogi ein graddedigion i ddilyn amrywiaeth eang o lwybrau gyrfa.

Rydym yn cynnig ystod eang o gyfleoedd cyffrous i fyfyrwyr gael profiad ymarferol sy'n ymwneud â busnes. Mae’r rhaglen Enactus yn cefnogi myfyrwyr i gymryd rhan mewn gweithredu cymdeithasol a menter gymdeithasol, gan roi'r cyfle i chi weithio ar syniad sy'n bodoli eisoes neu ddatblygu eich syniad eich hun gyda chymorth ein harbenigwyr cyflogadwyedd. Gall ein myfyrwyr ddewis cymryd rhan mewn cystadlaethau cenedlaethol megis Her Fusnes IBM a 'The Pitch', sef her farchnata a llunio cynllun busnes a gynhelir ledled y Deyrnas Unedig.

Rydym yn annog entrepreneuriaeth ac yn y drydedd flwyddyn gallwch ddewis datblygu eich cynllun busnes eich hun gyda chefnogaeth eich tiwtor personol. Mae yna gyfleoedd i ddefnyddio canolfannau deor i dyfu eich busnes trwy ein partner, Parc Gwyddoniaeth Menai. Rydym hefyd yn cynnig amrywiaeth o weithdai, mentoriaethau, a chyfleoedd i raddedigion os oes gennych ddiddordeb mewn dechrau eich busnes eich hun.

Ar y rhan fwyaf o gyrsiau gallwch ddewis ymgymryd â modiwl Lleoliad Gwaith lle byddwch yn gweithio mewn diwydiant, gan gymhwyso'r sgiliau rydych wedi'u dysgu yn yr ystafell ddosbarth. Mae’r rhan fwyaf o’r cyrsiau hefyd yn cynnig y cyfle i ymgymryd â Blwyddyn Lleoliad Gwaith, gan gynnig cyfle gwych i chi ehangu eich gorwelion a datblygu sgiliau a chysylltiadau gwerthfawr.

Bydd gradd mewn Busnes a Rheolaeth yn eich dysgu i fod yn graff o ran busnes a byddwch yn meithrin gwybodaeth am arferion a phrosesau rheoli, theori sefydliadau a’r amgylchedd busnes byd-eang. Cewch ddysgu sgiliau ym maes arweinyddiaeth, cyfathrebu, arloesi, marchnata, gweithrediadau, rheoli adnoddau dynol, strategaeth, creu mentrau newydd, rheoli ariannol a risg, addasu i newid ac e-fusnes.

Yn Ysgol Busnes Ïã¸ÛÁùºÏ²Ê¹ÒÅÆ×ÊÁÏ rydym yn deall fod myfyrwyr yn perfformio ar eu gorau pan fyddant yn derbyn y gefnogaeth gywir ar hyd y ffordd. Rydym yn ymroddedig i ddarparu amgylchedd dysgu rhagorol a chefnogol a chaiff hyn ei adlewyrchu yn y sgôr Boddhad Myfyrwyr o 97% ar gyfer Astudiaethau Rheolaeth (Arolwg Cenedlaethol Myfyrwyr 2022).

Yn ystod eich astudiaethau byddwch yn dod i adnabod ein darlithwyr cyfeillgar ac agos-atoch yn dda. Bydd y darlithwyr yn darparu digonedd o gyfleoedd i gael cefnogaeth bersonol, yn y dosbarth a thu allan iddo. Mae pob un o'n darlithwyr yn gweithredu polisi 'drws agored' lle gall myfyrwyr drefnu cyfarfod gyda staff academaidd lle bo angen, ac maent hefyd yn cynnal sesiynau galw heibio rheolaidd i fyfyrwyr ddod draw i ofyn cwestiynau.

Wrth astudio gyda ni byddwch yn derbyn cefnogaeth fugeiliol gan eich tiwtor personol dynodedig yn rheolaidd. Bydd eich tiwtor personol yn eich helpu i wneud y mwyaf o’ch amser yn y brifysgol drwy roi arweiniad ar faterion academaidd a phersonol, megis creu cynllun astudio, gwneud ffrindiau, a chael mynediad at ein hystod eang o wasanaethau cefnogi. Pan fyddwch yn cyrraedd Ïã¸ÛÁùºÏ²Ê¹ÒÅÆ×ÊÁÏ byddwch hefyd yn cael Arweinydd Cyfoed i'ch helpu i ymgartrefu a gwneud ffrindiau.