Ïã¸ÛÁùºÏ²Ê¹ÒÅÆ×ÊÁÏ

Gall gyrfa mewn Cymdeithaseg a Pholisi Cymdeithasol roi llawer o foddhad. Trwy gymhwyso'r wybodaeth a'r ddealltwriaeth y byddwch yn eu methrin wrth astudio, gallwch fynd i'r afael â materion cymdeithasol a gwella ansawdd bywyd unigolion.

Byddwch yn datblygu eich sgiliau meddwl yn feirniadol a’ch sgiliau datrys problemau, gan eich paratoi at yrfa mewn amrywiaeth eang o sectorau. Efallai y byddwch yn dewis gweithio yn y maes tai cyhoeddus, y gwasanaeth sifil, gweinyddiaeth y llywodraeth neu wasanaethau iechyd. Beth bynnag a ddewiswch, bydd y sgiliau a gewch wrth astudio gradd mewn Cymdeithaseg a Pholisi Cymdeithasol yn rhoi gwybodaeth i chi am bobl a phroblemau cymdeithasol.

Mae Polisi Cymdeithasol yn canolbwyntio ar wella lles cymdeithas ar raddfa eang. Byddwch yn dysgu sut mae'r llywodraeth a chymdeithas yn mynd i'r afael â materion sy’n ymwneud â lles, a sut y gall eich gyrfa eich galluogi i gael effaith gadarnhaol yn y byd.

Gallwch archwilio pynciau megis yr argyfwng tai, yr anghydraddoldebau a wynebir gan deithwyr sipsi, cam-drin domestig, profiadau cymunedau LHDT, effaith Covid ar gymdeithas, ac effaith yr argyfwng costau byw, i enwi dim ond rhai.

O dlodi plant i anghydraddoldeb incwm, mae digon o gyfle i gymryd rhan mewn dadleuon adeiladol gyda staff a chyd-fyfyrwyr am faterion sydd o bwys i chi. Byddwch yn dod i ddeall yr hyn sy'n arwain pobl i deimlo'n wahanol, ac yn archwilio achosion ac atebion problemau cymdeithasol, yn fyd-eang ac yn lleol, mewn meysydd megis tlodi, anghydraddoldeb, tai ac iechyd.

Yma ym Mhrifysgol Ïã¸ÛÁùºÏ²Ê¹ÒÅÆ×ÊÁÏ, mae gennym gysylltiadau agos ag elusennau, sefydliadau gofal cymdeithasol, asiantaethau cyfiawnder troseddol a llywodraethau lleol/cenedlaethol, sy'n galluogi cynnal teithiau maes a digonedd o gyfleoedd i rwydweithio. Yn ddiweddar mae ein myfyrwyr wedi mwynhau teithiau i Senedd Cymru a Senedd y Deyrnas Unedig, ac i’r Goruchaf Lys.

Mae ein rhaglenni gradd Cymdeithaseg a Pholisi Cymdeithasol yn cael eu haddysgu gan arbenigwyr yn eu meysydd. Mae’r staff academaidd yn ymchwilwyr o fri rhyngwladol sy’n ymchwilio i effeithiau arloesi, newidiadau cymdeithasol, datblygiadau gwleidyddol a datblygiadau polisi ar iechyd, iechyd meddwl, tlodi, gofal cymdeithasol, lles a llesiant.