Ïã¸ÛÁùºÏ²Ê¹ÒÅÆ×ÊÁÏ

Cewch eich dysgu gan staff o'r Ysgol Gwyddorau Naturiol sy'n arbenigwyr yn eu maes. Mae ein myfyrwyr yn mwynhau bod yma ac rydym yn ymfalchïo yn ansawdd y dysgu a'r gofal bugeiliol a gynigiwn. Mae gennym draddodiad hir o ddysgu ac ymchwil ym maes gwyddorau biolegol. Mae ymchwil a gyflwynwyd gan ein staff wedi ei gydnabod o fod ymhlith yr 20 uchaf yn y DU (Fframwaith Rhagoriaeth Ymchwil, 2014).

Mae gennym adnoddau rhagorol ar y campws ar gyfer astudio planhigion ac anifeiliaid. Mae'r rhain yn cynnwys ein hamgueddfa byd natur ein hunain, gardd fotaneg, acwaria dŵr croyw a môr, casgliad o nadroedd gwenwynig, labordy pridd tanddaearol mwyaf Ewrop, adardai, llong ymchwil sy'n mynd ar deithiau ymchwil pell a fferm ymchwil. Defnyddir y rhain i gyd yn gyson at ddibenion dysgu ac ymchwilio.

Mae cyfnod ôl-genomeg yr unfed ganrif ar hugain yn cynnig ystod eang o gyfleoedd gwaith yn y meysydd amaethyddol, meddygol, fferyllol, dyframaethu, fforensig a gwyddor yr amgylchedd. Mae economïau Tsieina ac India, sy'n datblygu'n gyflym, yn benodol wedi sylweddoli'r cyfleoedd enfawr y mae biotechnoleg yn eu cynnig.  Mae swyddi ym meysydd gwerthu a marchnata gyda chwmnïau gwyddonol eu natur hefyd yn gyffredin. Bydd rhai graddedigion hefyd yn dewis helaethu a dyfnhau eu gwybodaeth trwy gyflawni rhaglenni PhD mewn meysydd perthnasol.

Mae ein graddedigion yn awr yn mwynhau gyrfaoedd mewn ymchwil (yn y byd academaidd ac mewn sefydliadau ymchwil) yn ogystal ag mewn swyddi ymgynghorol amgylcheddol masnachol, DEFRA, awdurdodau dŵr, cyhoeddi gwyddonol, penseiri tirwedd a llawer mwy.

Rydym yn cefnogi ymchwil helaeth a thrwyadl mewn nifer o feysydd, yn cynnwys: ecoleg foleciwlaidd, geneteg pysgodfeydd, DNA hynafol, bioleg esblygiadol a chadwraeth, biogeocemeg, biohydrofeteleg, biocemeg cynhyrchu planhigion a ffisioleg straen (planhigion), biogeocemeg gwlypdiroedd, niwroffisioleg anifeiliaid cramennog, ymatebion anifeiliaid i straen a microbioleg gymhwysol.