Bydd Prifysgol Ïã¸ÛÁùºÏ²Ê¹ÒÅÆ×ÊÁÏ yn cynnal Diwrnod Cymunedol yn yr hydref, ar Ddydd Sadwrn 14 Hydref rhwng 11am a 3pm.
Bydd y brifysgol yn agor ei drysau i'r gymuned leol, gan roi cyfle i bawb gamu mewn i'r Prif Adeilad a gwahanol lefelau Pontio er mwyn darganfod mwy am yr hyn sy’n mynd ymlaen yn y ‘Coleg ar y Bryn’.
Bydd adrannau academaidd a gwasanaethau’r Brifysgol i gyd yn cymryd rhan, a bydd yn ddiwrnod llawn hwyl i’r teulu cyfan yn cynnwys arddangosfeydd, teithiau, gweithdai a pherfformiadau, i gyd am ddim.
Bydd bwyd a diod hefyd ar gael ym mannau bwyd a diod amrywiol y Brifysgol, gan gynnwys caffi a bar Teras a Pontio.
Ìý
Bydd y pwyslais ar greu awyrgylch anffurfiol a chyfeillgar sy’n cynnwys pawb. Rydym wrthi’n trefnu digwyddiad sy’n cyflwyno’r holl ffyrdd gwahanol mae’r Brifysgol yn gwneud cyfraniad i’r ardal leol a thrwy gydol y byd, nid ond trwy ein gwaith addysgu ac ymchwil, ond hefyd cyfleusterau sydd ar agor i’r cyhoedd fel Canolfan Gelfyddydau ac Arloesi Pontio a Chanolfan chwaraeon Brailsford.
Ìý
Mae’ Diwrnod Cymunedol yn cynnig cyfle gwych i’r cyhoedd ddysgu rhagor am fywyd y Brifysgol a rhannu ein hanes, ein hymchwil, sut brofiad mae myfyrwyr yn ei gael yma a'r holl waith amrwyiol amrywiol sy'n cael ei wneud i ymestyn allan i gymunedau lleol a byd-eang.
“Bydd y diwrnod yn addysgiadol ond hefyd yn hwyl, a gobeithiwn weld ffrindiau o bob oed yn ymuno â ni am ddiwrnod hamddenol o ddarganfod. Daeth llawer o aelodau’r gymuned leol i’r Brifysgol am eu brechiadau yn ystod y pandemig Covid cwpl o flynyddoedd yn ôl, a bydd yn wych croesawu pawb yn ôl drwy ein drysau o dan amgylchiadau hapusach.
Bydd y digwyddiad yn rhad ac am ddim ac nid oes angen archebu tocynnau.
Ewch i /cy/digwyddiadau/diwrnodcymunedol
a chadwch lygad ar y cyfryngau cymdeithasol am ragor o wybodaeth am y rhaglen dros yr wythnosau nesaf.