Ïã¸ÛÁùºÏ²Ê¹ÒÅÆ×ÊÁÏ

Mae hwn yn gwrs byr dysgu cyfunol lefel 7 mewn Presgripsiynu Annibynnol, ac mae’n agored i nyrsys cofrestredig, bydwragedd, ffisiotherapyddion a pharafeddygon.Ìý

Os oes gennych ddiddordeb yn y cwrs Presgripsiynu Annibynnol Lefel 6, cliciwch yma:ÌýPresgripsiynu AnnibynnolÌý(NHS-3212).Ìý

Bydd y cwrs yn dechrau ar 19 Medi, 2024.

Bydd agweddau o’r addysgu yn cael eu cyflwyno ar y cyd â’r cwrs Presgripsiynu i Fferyllwyr. Mae natur aml-broffesiynol y cwrs byr hwn yn rhoi cyfle gwerthfawr i weithwyr proffesiynol profiadol rannu eu gwybodaeth a'u sgiliau a datblygu gwahanol safbwyntiau ar arfer presgripsiynu. Bydd dysgu rhyngbroffesiynol yn annog ymagwedd gydweithredol tuag at ddysgu a gweithio sy'n canolbwyntio ar dîm. Yn seiliedig ar hyn, bydd disgwyl i chi chwarae rhan weithredol mewn dysgu rhyngbroffesiynol yn ystod y rhaglen trwy rannu eich arbenigedd a'ch safbwynt proffesiynol.Ìý

Bydd y cwrs yn sicrhau eich bod yn gyfarwydd ag egwyddorion cyffredinol arfer presgripsiynu y mae'n rhaid i chi eu defnyddio yn eich maes arbenigedd clinigol eich hun, a’ch bod yn gallu eu defnyddio yn eich gwaith. Bydd testunau'n cael eu cyflwyno mewn arddull generig a bydd y siaradwyr yn cyfeirio at eu profiad clinigol eu hunain i ddarparu enghreifftiau clinigol, fodd bynnag gellir cymhwyso'r egwyddorion a drafodir i bob maes ymarfer. Bydd y cwrs yn eich galluogi i ehangu ar eich gwybodaeth bresennol a chymhwyso'r rhain i egwyddorion presgripsiynu. Bydd hyn yn darparu sylfaen gref ar gyfer eich datblygiad fel presgripsiynydd annibynnol/atodol newydd gymhwyso.Ìý

I bwy mae’r cwrs hwn yn addas?

Mae'r cwrs byr presgripsiynu lefel 7 hwn wedi'i anelu at nyrsys cofrestredig, bydwragedd, ffisiotherapyddion a pharafeddygon sydd â thystiolaeth ddiweddar o astudiaeth academaidd lefel 7, ac sy'n dymuno dod yn brescripsiynwyr annibynnol. Ìý

Mae'r cwrs byr hwn yn addas ar gyfer gweithwyr gofal iechyd proffesiynol sy’n cydnabod y byddai cymhwyso fel presgripsiynydd annibynnol o fudd i ofal cleifion.Ìý

Pam astudio’r cwrs?

Bydd y cwrs byr heriol ond gwerth chweil hwn yn galluogi dealltwriaeth o gyfrifoldebau clinigol, cyfreithiol a moesegol presgripsiynwyr annibynnol. Ìý

Bydd y wybodaeth a’r sgiliau a ddysgir ar y cwrs yn eich grymuso i fabwysiadu dull o bresgripsiynu sy’n canolbwyntio ar yr unigolyn o fewn eich cwmpas ymarfer a nodwyd.Ìý

Trwy ddysgu gyda, a chan, weithwyr gofal iechyd proffesiynol eraill megis nyrsys, bydwragedd, ffisiotherapyddion, parafeddygon a fferyllwyr, byddwch yn cael eich grymuso i hwyluso ymagwedd aml-broffesiynol at arfer presgripsiynu er mwyn gwella gofal cleifion.Ìý

Pa mor hir mae'n ei gymryd i gwblhau'r cwrs hwn?

Mae'r cwrs rhan-amser hwn yn ymestyn dros 7 mis.Ìý

Bydd y dysgu yn cael ei gyflwyno bob dydd Iau ar ein campws ym Mangor rhwng Medi 19 - Tachwedd 28, 2024.Ìý

Fodd bynnag, bydd yr wythnosau canlynol yn ddiwrnodau astudio hunan-gyfeiriedig (h.y. nid ar y campws):

• Dydd Iau, 3 Hydref 2024Ìý
• Dydd Iau, 31 Hydref 2024Ìý
• Dydd Iau, 21 Tachwedd 2024Ìý

Bydd 11 wythnos pellach o astudio hunan-gyfeiriedig er mwyn paratoi ar gyfer aseiniadau, cyn dychwelyd i’r campws ar 20 Chwefror 2025 am ddiwrnod astudio. Ìý

Bydd yr aseiniad terfynol yn cael ei gyflwyno ym mis Ebrill 2025.Ìý

Mae hefyd yn ofynnol i fyfyrwyr gwblhau o leiaf 90 awr mewn ymarfer clinigol dan oruchwyliaeth Ymarferydd Presgripsiynu Dynodedig (DPP).Ìý

Noder y gallai’r uchod newid o ganlyniad i’r broses ail ddilysu.Ìý

Tiwtor

Ffion SimcoxÌý

Ffion yw arweinydd y cyrsiau presgripsiynu ym Mhrifysgol Ïã¸ÛÁùºÏ²Ê¹ÒÅÆ×ÊÁÏ, yn ogystal ag arweinydd yr MSc mewn Ymarfer Clinigol Uwch.Ìý

Mae Ffion hefyd yn ddirprwy gadeirydd o Rhwydwaith Addysgwyr Ymarfer Uwch Cymru (WAPEN).Ìý

Cymhwysodd Ffion fel nyrs gofrestredig yn 1996 ac fel presgripsiynydd annibynnol yn 2011. Cwblhaodd ei MSc mewn Ymarfer Clinigol Uwch yn 2012 a gweithiodd fel ACP mewn meddygaeth acíwt am 6 mlynedd cyn ymuno â'r Brifysgol.Ìý

Beth fyddwch chi’n ei astudio ar y cwrs yma?

Mae’r cwrs byr heriol, ond gwerth chweil hwn wedi ei seilio ar y ÌýRoyal Pharmaceutical Society's A Competency Framework for all Prescribers (2021) er mwyn eich paratoi i ddod yn bresgripsiynydd annibynnol cymwys a hyderus.Ìý

Beth fydd y dysgwr yn ei gael allan o’r cwrs?

Cewch eich addysgu gan bersgripsiynwyr annibynnol a meddygol profiadol o wahanol gefndiroedd proffesiynol. Cefnogir yr addysgu gan glinigwyr arbenigol i sicrhau bod y cynnwys yn berthnasol ac yn cyd-fynd a ymarfer clinigol.Ìý

Erbyn diwedd y cwrs, bydd dysgwyr yn gallu gwerthfawrogi, deall ac arddangos y wybodaeth a’r sgiliau sydd eu hangen i ddod yn bresgripsiynydd annibynnol, diogel ac effeithiol, gyda phwyslais ar ofal unigol, fel yr amlinellir yn gan y Royal Pharmaceutical Society.Ìý

Ar ôl cwblhau'r cwrs byr hwn yn llwyddiannus, bydd myfyrwyr yn gallu cofrestru eu statws presgripsiynu annibynnol/atodol gyda'u corff rheoleiddio.Ìý

Ar gyfer y rhan fwyaf o staff sy'n gweithio yng Nghymru, yn amodol ar feini prawf mynediad, bydd y cwrs yn cael ei ariannu'n llawn gan Addysg a Gwella Iechyd Cymru (AaGIC). Os ydych yn gweithio yng Ngogledd Cymru, waeth beth fo'ch cyflogwr, cysylltwch â BCU.EducationACP@wales.nhs.uk Ìýgan mai BIPBC sy'n gweinyddu'r cyllid ar gyfer y cwrs. Dylech wneud cais am gyllid ac absenoldeb astudio ochr yn ochr â'ch cais prifysgol.Ìý

• Bydd angen mynediad at gyfrifiadur a chysylltiad rhyngrwyd ynghyd â chyfrifiannell a chopi cyfredol o’r British National Formulary (BNF).Ìý
• Bydd angen gwiriad DBS uwch ar bob myfyriwr (yn cynnwys gwiriadau rhyngwladol lle bo hynny'n briodol) a ariennir fel arfer gan eu cyflogwr.Ìý

Ìý

Ymarferwyr sydd wedi cofrestru gyda’r Cyngor Nyrsio a Bydwreigiaeth (NMC):Ìý

Nyrs, bydwraig, neu nyrs iechyd cyhoeddus cymunedol arbenigol cofrestredig.Ìý

Wedi cofrestru gyda'r Cyngor Nyrsio a Bydwreigiaeth ers o leiaf blwyddyn cyn gwneud cais.

Bydd angen nodi enw Asesydd Ymarfer a Goruchwyliwr Ymarfer addas i gyflawni rolau'r Ymarferydd Presgripsiynu Dynodedig (DPP) wrth gyflwyno’r cais.Ìý

Wedi cofrestru gyda’r Cyngor Proffesiynau Iechyd a Gofal (HCPC):Ìý

• Wedi cofrestru gyda'r Cyngor Proffesiynau Iechyd a Gofal ac yn meddu ar o leiaf 3 blynedd o brofiad ôl-gymhwyso yn y maes clinigol yr ydych yn bwriadu rhoi presgripsiynau ynddo.
• Ymarfer mewn amgylchedd lle mae angen defnyddio presgripsiynu annibynnol neu bresgripsiynu atodol yn rheolaiddÌý
• Yn meddu ar gymhwyster mewn ymarfer uwch neu'n gweithio ar lefel gyfatebol.Ìý
• Gallu dangos sut rydych yn adfyfyrio ar eich perfformiad eich hun ac yn cymryd cyfrifoldeb am eich datblygiad proffesiynol parhaus eich hun gan gynnwys datblygu rhwydweithiau ar gyfer cefnogaeth, adfyfyrio a dysgu.Ìý
• Wedi nodi datblygiad proffesiynol parhaus addas.Ìý
• Bydd angen nodi enw’r Addysgwr Ymarfer a fydd yn cyflawni’r rôl Ymarferydd Presgripsiynu Dynodedig (DPP) wrth gyflwyno’r cais.Ìý

Wrth gyflwyno’r cais, bydd rhaid cwblhau a chyflwyno ffurflen atodol sy'n benodol i'r cwrs Presgripsiynu Annibynnol.Ìý

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.