������ϲʹ�������

Bydd yr MSc Caffael a Datblygu Iaith ym Mhrifysgol ������ϲʹ������� yn datblygu eich dealltwriaeth o sut mae iaith yn cael ei chaffael yn ystod plentyndod a sut mae'n newid wrth i ni heneiddio. Byddwch yn cael y sgiliau damcaniaethol ac ymarferol i archwilio datblygiad iaith plant ac oedolion, gan gynnwys mewn pobl amlieithog a phobl sydd â chyflyrau datblygiadol a chyflyrau caffaeledig, megis dementia neu syndrom Down. Mae'r cwrs yn cynnwys astudiaethau achos o amrywiaeth o ieithoedd ac yn croesawu myfyrwyr o'r Deyrnas Unedig a ledled y byd.

Bydd y rhaglen yn eich gwneud yn gyflogadwy iawn mewn amrywiaeth o sectorau yn y Deyrnas Unedig ac yn rhyngwladol, gan gynnwys ym meysydd addysg, iechyd a gofal cymdeithasol, gwaith cymunedol ac elusennol, a’r byd academaidd.

Bydd gennych fynediad at gyfleusterau dysgu o’r radd flaenaf a’r cyfle i gyfrannu at ymchwil arloesol, er enghraifft trwy ymuno â Lab Dwyieithrwydd Plant Prifysgol ������ϲʹ�������, y mae eu hymchwil wedi gwneud gwahaniaeth cadarnhaol i fywydau llawer o bobl. Mae enghreifftiau o ymchwil diweddar yn cynnwys y canlynol:

• Yr astudiaeth gyntaf o ddwyieithrwydd mewn unigolion â syndrom Down yn y Deyrnas Unedig

Yn ogystal â'n diwylliant ymchwil cryf, mae dosbarthiadau llai a chymuned gref yn golygu y gallwch gael rhagor o gefnogaeth. Byddwch yn meithrin perthynas waith agos ag arbenigwyr blaenllaw yn y maes er mwyn datblygu eich ymchwil arloesol eich hun.

Beth fyddwch chi’n ei astudio ar y cwrs yma?

Byddwch yn dysgu’n fanwl sut mae plant ac oedolion yn caffael iaith, ac yn datblygu’r sgiliau ymarferol sydd eu hangen i asesu datblygiad iaith. Byddwch hefyd yn dysgu am y rhwystrau a wynebir gan y rhai sydd â chyflyrau datblygiadol a'r hyn y gallwn ni fel cymdeithas ei wneud i'w goresgyn.

Yn dilyn yr addysgu mewn grwpiau bach, byddwch yn cwblhau traethawd hir ymchwil unigol ar bwnc o'ch dewis, a byddwch yn cael goruchwyliaeth bersonol ar ei gyfer. Er enghraifft, mae myfyrwyr diweddar wedi cwblhau ymchwil arloesol ar addysg y blynyddoedd cynnar ac addysg ddwyieithog yn y Deyrnas Unedig ac mewn mannau eraill, iaith mewn pobl amlieithog â dementia, plant awtistig sy'n siarad Arabeg, a syndromau genetig.

Gall myfyrwyr ar ein cwrs MSc Caffael a Datblygu Iaith ddefnyddio’r cyfleusterau a’r offer dysgu diweddaraf, megis profion iaith a phrofion seicometrig safonol, labordy lleferydd a stiwdio sain / stiwdio recordio broffesiynol, ac amrywiaeth eang o feddalwedd arbenigol.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Caffael a Datblygu Iaith.

Mae cynnwys y cwrs wedi’i nodi i’ch arwain yn unig ac fe all newid.

Gradd israddedig 2.ii neu gyfwerth mewn ieithyddiaeth neu faes cysylltiedig (e.e. Ieithoedd Modern, Cyfieithu, Seicoleg, Iaith/ Llenyddiaeth Saesneg, Addysg Saesneg/ Addysg Iaith Saesneg).

Bydd ymgeiswyr sydd â chymwysterau neu brofiad cyfwerth a cheisiadau gan weithwyr proffesiynol nad oes ganddynt radd yn cael eu hystyried fesul un. Mae croeso i chi gysylltu â ni am fwy o wybodaeth.

Yn achos y myfyrwyr hynny nad yw Saesneg yn iaith gyntaf iddynt, bydd arnynt angen sgôr IELTS o 6.0 o leiaf (heb i unrhyw elfen fod yn is na 5.5).

Bydd astudio’r MSc Caffael a Datblygu Iaith yn eich paratoi ar gyfer nifer o lwybrau gyrfa. Bydd eich sgiliau newydd yn amhrisiadwy mewn meysydd gyrfa sy’n cynnwys y canlynol:

• Addysgu (ysgol gynradd, ysgol uwchradd, addysg bellach, addysg uwch ac addysg oedolion)
• Sectorau iechyd a gofal
• Gwaith cymunedol (e.e. yn ymwneud ag ymgysylltu ag iaith)
• Y sector elusennol
• Y ⁠cyfryngau
• Y gwasanaeth sifil

Ar ôl cwblhau gradd MSc Caffael a Datblygu Iaith, byddwch hefyd wedi mireinio’r galluoedd sydd eu hangen i wneud ymchwil pellach, naill ai yn y sector cyhoeddus/sector preifat, neu drwy weithio tuag at PhD mewn Ieithyddiaeth, Addysg, Seicoleg, neu bwnc cysylltiedig.