Ïã¸ÛÁùºÏ²Ê¹ÒÅÆ×ÊÁÏ

Mae’r cwrs hwn wedi'i achredu gan Sefydliad y Coedwigwyr Siartredig ac mae’n cyflawni gofynion mynediad i Aelodaeth Broffesiynol yn rhannol.

Rhaglen integredig o'r radd flaenaf dros gyfnod o ddwy flynedd yw’r cwrs sydd â'r nod o gymhwyso graddedigion i ymdrin â'r heriau enfawr sy'n wynebu coedwigoedd trofannol. Mae'r staff addysgu yn ymchwilwyr brwd a bydd y myfyrwyr yn elwa o'n cysylltiadau niferus ledled y byd.

Cynigir y cwrs gan gonsortiwm o bum prifysgol yn Ewrop:

• Cyfadran Gwyddorau Bywyd, Prifysgol Copenhagen, Denmarc
• Ysgol yr Amgylchedd, Adnoddau Naturiol a Daearyddiaeth, Prifysgol Ïã¸ÛÁùºÏ²Ê¹ÒÅÆ×ÊÁÏ, Ïã¸ÛÁùºÏ²Ê¹ÒÅÆ×ÊÁÏ, Gwynedd.
• Prifysgol Technoleg Dresden, Sefydliad Cynnyrch Coedwigaeth a Choedwigoedd Rhyngwladol, Tharandt, yr Almaen
• AgroParisTech (Sefydliad Technoleg Bywyd, Bwyd a Gwyddorau’r Amgylchedd Paris), Montpellier, Ffrainc
• Coleg Amaethyddiaeth, Prifysgol Padova, Padova, yr Eidal.

Caiff blwyddyn gyntaf y cwrs ei threulio yn astudio yn un o dri sefydliad (Ïã¸ÛÁùºÏ²Ê¹ÒÅÆ×ÊÁÏ, Copenhagen, Dresden) a chaiff yr ail flwyddyn ei threulio yn arbenigo mewn pynciau gwahanol a gynigir gan y pum sefydliad. Mae'n ofynnol i'r myfyrwyr dreulio'r ail flwyddyn mewn prifysgol wahanol i’r flwyddyn gyntaf. Nod y flwyddyn gyntaf yw cynnig cyflwyniad trylwyr ac eang i goedwigaeth drofannol gynaliadwy. Mae'r deilliannau dysgu yn debyg ar gyfer y tri sefydliad yn y flwyddyn gyntaf ac yn caniatáu i fyfyrwyr ddewis fel y mynnant o blith y pum opsiwn arbenigol yn yr ail flwyddyn. Daw’r flwyddyn gyntaf gyda Modiwl ar y Cyd yr Haf sy’n cynnwys gwaith maes mewn gwlad drofannol.

Yr opsiynau ar gyfer arbenigo yn yr ail flwyddyn yw:

• Systemau amaethgoedwigaeth (Ïã¸ÛÁùºÏ²Ê¹ÒÅÆ×ÊÁÏ)
• Economeg gymdeithasol coedwigaeth drofannol (Copenhagen)
• Rheoli coedwigoedd trofannol (Dresden)
• Rheolaeth amgylcheddol a pholisïau ar gyfer coedwigoedd trofannol (Montpellier)
• Moeseg mewn coedwigaeth a masnach gyfrifol yng nghynhyrchion a gwasanaethau coedwigoedd trofannol (Padova).

I gael gradd ddwbl mewn Coedwigaeth Drofannol Gynaliadwy ynghyd â Diploma Ychwanegol bydd y myfyrwyr yn gwneud 120 o gredydau drwy astudio mewn dau o sefydliadau’r Consortiwm gan wneud o leiaf 60 credyd ym mhob un. Gellir cwblhau holl weithgareddau modiwlaidd y rhaglen yn Saesneg, ac eithrio'r ail flwyddyn ym Montpellier sydd ar gael yn Ffrangeg yn unig.

Dyfernir y graddau canlynol: MSc mewn Coedwigoedd a Bywoliaethau yn Copenhagen, MSc mewn Coedwigaeth Drofannol Gynaliadwy ym Mangor, MSc mewn Coedwigaeth Drofannol yn Dresden, MSc mewn Gwyddorau Amaethyddol, gan arbenigo mewn Rheolaeth Amgylcheddol dros Ecosystemau a Choedwigoedd Trofannol ym Montpellier, ac MSc mewn Coedwigaeth a Gwyddorau’r Amgylchedd yn Padova.

Cliciwch i gael gwybodaeth fanwl am y Radd Meistr mewn Coedwigaeth Drofannol Gynaliadwy.

Pam dewis Prifysgol Ïã¸ÛÁùºÏ²Ê¹ÒÅÆ×ÊÁÏ ar gyfer y cwrs hwn?

• Yn y 5 uchaf am Amaethyddiaeth a Choedwigaeth (Tabl Cynghrair The Complete University Guide 2021).
• Mae'r ysgol yn 7ed yn y Deyrnas Unedig am ansawdd ymchwil (Amaethyddiaeth a Choedwigaeth - The Complete University Guide 2021).

Cyllid

Disgwylir y bydd tua 20 o ysgoloriaethau Erasmus Mundus ar gael i fyfyrwyr yr Undeb Ewropeaidd a thrydydd gwledydd

Beth fyddwch chi’n ei astudio ar y cwrs yma?

Modiwlau Gorfodol Ïã¸ÛÁùºÏ²Ê¹ÒÅÆ×ÊÁÏ:

Asesu Adnoddau Coedwigoedd: Mae'r modiwl hwn yn rhoi cyflwyniad i adnoddau a pholisi coedwigoedd ledled y byd.

Coedwriaeth: Mae'r modiwl hwn yn datblygu dealltwriaeth o goedwriaeth a rheoli coedwigoedd a rhyngweithiad systemau rheoli â'r amgylchedd ffisegol. Elfen gyffredin yw archwilio'r systemau a’r ymyriadau coedwriaethol a ddefnyddir i wireddu cyflwr dymunol y goedwig yn y dyfodol.

Cyfathrebu a Chynllunio Ymchwil: Amcan y modiwl hwn yw cefnogi’r gwaith o gynllunio traethawd hir ac annog myfyrwyr i feddwl yn feirniadol am y broses ymchwil.

Newid yn yr Hinsawdd a Choedwigaeth Drofannol -ÌýMonitro a Pholisïau: Mae'r modiwl hwn yn canolbwyntio ar drafodaethau poblogaidd am y berthynas rhwng newid yn yr hinsawdd, coedwigoedd a bywoliaeth.

Paratoi Gwaith Maes yn y Trofannau: Mae'r modiwl hwn yn datblygu gwybodaeth ffeithiol, fanwl, lleoliad-benodol sy'n berthnasol i faterion coedwigaeth yn y trofannau.

Ysgol Haf Coedwigaeth Drofannol Gynaliadwy: Mae'r modiwl hwn yn cymhwyso dulliau casglu a gwerthuso data yn y maes.

Systemau ac Ymarfer Amaethgoedwigaeth: Mae'r modiwl yn cyflwyno'r cysyniadau y tu ôl i'r system defnydd tir hon, a'r ffyrdd y mae'n cael ei defnyddio ar draws y byd. Y pynciau sy’n cael sylw yw egwyddorion rhyngweithiadau ecolegol a bioffisegol, a'r manteision cymdeithasol ac economaidd a’r manteision i’r ecosystem.

Rheoli Adnoddau Naturiol: Pwrpas y modiwl hwn yw rhoi dealltwriaeth ddamcaniaethol i fyfyrwyr o'r dull systemau o reoli adnoddau naturiol i ddarparu gwasanaethau ecosystemau amrywiol, yn ogystal â gwybodaeth ymarferol o'r ffyrdd y gall rheolwyr adnoddau naturiol dynnu ar amrywiaeth o ffynonellau gwybodaeth iddynt hwythau ac eraill gael gwybod am effeithiau ymyriadau rheoli tir.

Modiwlau Dewisol:

Mae’r dewis o fodiwlau dewisol yn dibynnu ar ble y dewisir treulio’r ail flwyddyn. Mae manylion modiwl llawn y sefydliadau partner ar gael trwy ddilyn y cysylltiadau canlynol: Prifysgol Copenhagen, Denmarc; AgroParisTech-ENGREF, Ffrainc; Prifysgol Dechnoleg Dresden, yr Almaen; Prifysgol Padova, yr Eidal.

Y prif feini prawf ar gyfer dewis myfyrwyr yw: gradd israddedig dda; CV yr ymgeisydd; dogfennaeth yn dangos hyfedredd mewn Saesneg (a Ffrangeg os yw'n dewis Montpellier); datganiad cymhelliant personol yr ymgeisydd; dau eirda, ac un ohonynt o leiaf yn un academydd.

Gwnewch gais drwy wefanÌý