Ïã¸ÛÁùºÏ²Ê¹ÒÅÆ×ÊÁÏ

Mae’r cwrs hwn yn caniatáu i chi gyfuno astudio'r gorffennol, gyda'r llenyddiaeth y mae cymdeithasau’r gorffennol wedi'i gynhyrchu. Mae'r ddarpariaeth yn y ddau bwnc ym Mangor yn rhychwantu o'r cyfnod canoloesol cynnar, hyd at y byd cyfoes; ac yn cynnwys astudio ystod o ffynonellau a dulliau o agweddau gwleidyddol, diwylliannol a chymdeithasol mewn hanes, i ystod eang o genres mewn Saesneg (er enghraifft llên Saesneg Cymru, llenyddiaeth ddystopaidd, neu lenyddiaeth plant). Yn y drydedd flwyddyn mae cyfle i ddatblygu eich pwnc eich hun ar gyfer traethawd hir yn eich prif bwnc a all gyfuno agweddau o'r ddwy ddisgyblaeth.

Pam dewis Prifysgol Ïã¸ÛÁùºÏ²Ê¹ÒÅÆ×ÊÁÏ ar gyfer y cwrs?

• Astudio mewn ardal sy’n ysbrydoli sy’n llawn hanes ac yn gyfoethog yn y celfyddydau a diwylliant.
• Strwythur cwrs hyblyg - sy'n caniatáu i chi archwilio a datblygu eich diddordebau eich hun.
• Daliadau llyfrgell rhagorol ac archifau a chasgliadau arbennig y brifysgol ar y safle.
• Mae’r ardal leol yn llawn hanes (gan gynnwysÌýÌýac yn darparu adnodd ar gyfer gwaith maes a lleoliad gwych i astudio.
• Ein cysylltiadau agos â Pontio, canolfan celfyddydau’r Brifysgol, cymdeithasau myfyrwyr a theatrau ac amgueddfeydd lleol.

Opsiynau Cwrs Ychwanegol

Yn ystod eich gradd byddwch yn dysgu drwy amrywiaeth o ddosbarthiadau bach ar ffurf grŵp seminar, teithiau maes, gweithdai ymarferol, hyfforddiant un-i-un, a darlithoedd ar gyfer rhwng 10 a 50 o fyfyrwyr. Mae safleoedd hanesyddol a safleoedd treftadaeth byd allweddol i’w cael yma, ac mae ein lleoliad yn golygu y bydd gennych fynediad at adnoddau cyfoethog o ran safleoedd treftadaeth, henebion ac amgueddfeydd lleol. Ymhlith yr adnoddau hynny mae tomenni claddu cynhanesyddol, plastai urddasol a chestyll, ac maent yn rhan annatod o'r cwrs gan ein bod yn eu defnyddio fel rhan o'r addysgu trwy gynnal teithiau maes, gweithdai ymarferol a chynnig profiadau cloddio.

Ym mlwyddyn gyntaf eich gradd Hanes a Llenyddiaeth Saesneg byddwch yn dewis o ddetholiad o fodiwlau sydd â'r bwriad o ddarparu blas o'r ddwy ddisgyblaeth i chi. Yn yr ail a'r drydedd flwyddyn bydd gennych ddewis eang o fodiwlau mwy arbenigol a thematig. Bydd hyn yn eich galluogi i deilwra eich gradd o amgylch eich diddordebau eich hun. Bydd gennych hefyd opsiwn i ymchwilio ac ysgrifennu traethawd hir ar bwnc o'ch dewis ym Mlwyddyn 3.Ìý

Ochr yn ochr ag addysgu yn yr ystafell ddosbarth a gweithgareddau maes, byddwch hefyd yn elwa ar amrywiaeth o weithgareddau academaidd a chymdeithasol eraill yn y ddwy Ysgol. Mae'r rhain yn cynnwys cynadleddau myfyrwyr a chyfnodolion, cwisiau, achlysuron cymdeithasol, teithiau a sgyrsiau dan arweiniad myfyrwyr wedi eu trefnu gan yr Ysgol. Mae ein myfyrwyr hefyd yn gallu elwa o gynlluniau'r Brifysgol megis 'Ieithoedd i Bawb' a 'Chymraeg i Oedolion' (sef dosbarthiadau ieithoedd am ddim mewn Ffrangeg, Almaeneg, Eidaleg, Tsieinëeg Mandarin, Sbaeneg a Chymraeg) a chynlluniau'r Ganolfan Sgiliau Astudio.

Pan na fyddwch yn gwneud hynny byddwch yn paratoi ar gyfer seminarau, yn gwneud ymchwil ac yn cwblhau aseiniadau. Asesir y cwrs trwy gymysgedd o draethodau, projectau, cyflwyniadau ac arholiadau. Trwy gydol y cwrs fe'ch cefnogir gan staff addysgu arbenigol a brwdfrydig.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Hanes a Llenyddiaeth Saesneg BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Mae graddau cydanrhydedd yn amlbwrpas iawn. Bydd y radd hon yn eich galluogi i fynd i'r afael ag amrywiaeth o opsiynau gyrfa ym maes gweinyddiaeth, masnach, rheoli a phroffesiynau eraill. Yn ystod y blynyddoedd diwethaf, mae graddedigion wedi cael gyrfaoedd mewn gwaith amgueddfa, y gyfraith, addysgu a'r diwydiannau diwylliannol. Mae llawer o gyn-fyfyrwyr y graddau hyn wedi mynd yn eu blaenau i astudiaethau ôl-radd mewn Hanes neu Lenyddiaeth Saesneg, ac mae cyfleoedd i chi ddilyn eich diddordebau ymchwil ym Mangor.

Drwy astudio ar gyfer gradd mewn Hanes a Llenyddiaeth Saesneg byddwch yn caffael ystod eang o sgiliau trosglwyddadwy, boed hynny yn sgiliau academaidd neu sgiliau personol. Mae graddedigion Hanes a Llenyddiaeth Saesneg yn weithwyr y mae ar gyflogwyr eu heisiau oherwydd yr amrywiaeth o sgiliau y maent yn eu datblygu yn ystod eu gradd.Ìý

Rhoddir cyfle i fyfyrwyr Blwyddyn 2 a 3 gwblhau modiwlau lleoliad gwaith, y gellir eu cynnal yn y brifysgol neu drwy sefydliadau allanol. Asesir y rhain fel rhan o'r radd derfynol. Mae'r rhaglen yn gwella rhagolygon cyflogadwyedd ac yn rhoi syniad o'r math o gyfleoedd cyflogaeth y mae gradd mewn hanes yn eu cynnig. Mae myfyrwyr wedi ymgymryd â lleoliadau mewn ystod eang o weithleoedd, gan gynnwys archifdai a chanolfannau treftadaeth.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Ïã¸ÛÁùºÏ²Ê¹ÒÅÆ×ÊÁÏ

Mae Prifysgol Ïã¸ÛÁùºÏ²Ê¹ÒÅÆ×ÊÁÏ yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiynau ‘gyda Blwyddyn Sylfaen’ ar gael ar gyfer y cwrs hwn. Gwnewch gais am Hanes (gyda Blwyddyn Sylfaen) neu Iaith Saesneg a Llenyddiaeth Saesneg (gyda Blwyddyn Sylfaen).