Ïã¸ÛÁùºÏ²Ê¹ÒÅÆ×ÊÁÏ

Noder os gwelwch yn dda: mae'r cwrs hwn yn dechrau ym Medi 2025.

Mae nyrsys oedolion yn asesu, gwneud diagnosis, cynllunio, gweithredu a gwerthuso gofal sy'n cefnogi adferiad y claf neu eu gallu i fyw cystal â phosib gyda'u cyflwr.Ìý

Bydd y rhaglen Nyrsio Oedolion (Dysgu o Bell) gyffrous hon yn rhoi'r wybodaeth a'r sgiliau i chi raddio’n llwyddiannus fel nyrs oedolion gofrestredig, a byddwch yn ymgymryd â lleoliadau ymarfer mewn lleoliadau cymunedol ac ysbytai gyda'n sefydliadau partner yng Nghymru, ac yn cael profiadau mewn amrywiaeth o feysydd sy'n gysylltiedig â gofal iechyd oedolion. Mae nyrsio yn cynnig llawer iawn o gyfleoedd o ran gyrfa mewn meysydd yn cynnwys gofal sylfaenol, neu ofal eilaidd, e.e. adrannau brys, meysydd meddygol a llawfeddygol arbenigol, neu ofal dwys. Cefnogir dysgu nyrsys cofrestredig trwy gydol eu gyrfaoedd trwy breceptoriaeth yn y lle cyntaf, sy'n cynnig y gefnogaeth strwythuredig sydd ei hangen i drosglwyddo eich gwybodaeth yn llwyddiannus i ymarfer bob dydd, a thrwy ddatblygiad proffesiynol parhaus.

Y gair allweddol y gellid ei ddefnyddio i ddisgrifio swydd nyrsys sydd wedi cofrestru ym maes oedolion yw amrywiaeth - mae disgwyl i nyrsys cofrestredig sydd wedi cofrestru ym maes oedolion (ac yn meddu ar gymwysterau cofrestradwy ychwanegol, er enghraifft rhagnodi neu addysgu) ofalu am anghenion pobl gydol oes, yn cynnwys diogelu iechyd mamau a babanod. Cewch brofiad o’r amrywiaeth hon yn ystod lleoliadau mewn meysydd clinigol y mae nyrsys oedolion yn ymarfer ynddynt a allai gynnwys:

• Gofal Cychwynnol
• Nyrsio meddygol a llawfeddygol cyffredinol ac arbenigol yn y sector acíwt
• Nyrsio gofal critigol (gofal dwys a dibyniaeth uchel, adran frys, theatrau ac adferiad)
• Nyrsio cymunedol yn y cartref
• Cartrefi gofalÌý

Mae gan nyrsys oedolion gyfle i ddatblygu eu hymarfer ar ôl cofrestru. Gall hynny arwain at yrfaoedd fel uwch ymarferwyr nyrsio, nyrsio arbenigol clinigol, nyrsio ymgynghorol, wardiau (unedau therapi dwys, uned gofal cardiaidd, uned dibyniaeth fawr) yn ogystal ag amrywiol arbenigeddau cymunedol, nyrsio ymarfer a nyrsio ymchwil.Ìý
Mae'r cyfleoedd a'r dewis yn ddiddiwedd ac maent yn cynnig gyrfaoedd gwerth chweil a llawer o opsiynau i ddatblygu gyda chefnogaeth.Ìý

Mae Ïã¸ÛÁùºÏ²Ê¹ÒÅÆ×ÊÁÏ yn derbyn ceisiadau drwy gydol y flwyddyn i ddilyn cyrsiau nyrsio, tra bod llefydd ar gael. Gan fod galw mawr am y llwybr hwn, rydym yn argymell eich bod yn cyflwyno eich cais cyn gynted â phosib.

Mae'n hanfodol ar gyfer y cwrs Nyrsio Oedolion (Dysgu o Bell) BN bod gennych fynediad i'r rhyngrwyd a lle pwrpasol i astudio a defnyddio'r adnoddau yn eich amser eich hun yn ystod y rhaglen 3 blynedd.

Bydd yn orfodol i chi wneud astudiaethau damcaniaethol a lleoliadau clinigol mewn ysbytai a lleoliadau cymunedol a/neu breswyl yng Nghymru. Mae lleoliadau yn darparu profiadau dysgu rhagorol yn seiliedig ar ymarfer ar draws Cymru i fyfyrwyr sy’n dilyn y rhaglen ddysgu. Mae'r lleoliadau dan oruchwyliaeth hyn yn eich galluogi i arsylwi gweithwyr proffesiynol yn y gwaith, arsylwi gwaith tîm o ansawdd uchel, a’ch galluogi i gyfrannu at ddarparu gofal nyrsio gyda chefnogaeth, wrth ddatblygu eich hyder a'ch sgiliau mewn sawl maes o ymarfer nyrsio.

Cewch gefnogaeth ragorol gan diwtor personol sy'n nyrs gofrestredig ac yn aelod staff academaidd. Ar gyfer y rhaglen hon byddwch yn cael cyfarfodydd rheolaidd trwy lwyfannau technolegol sy'n caniatáu trafod a chefnogi sawl agwedd ar ddysgu damcaniaethol a chlinigol.

Yn ystod lleoliadau, byddwch yn cael eich goruchwylio a'ch asesu gan nyrsys cofrestredig a phrofiadol sy’n ymarfer a gweithwyr proffesiynol eraill. Caiff gwaith theori a gwaith ymarferol ei asesu trwy aseiniadau, arholiadau, cyflwyniadau a thrwy asesu portffolio Ymarfer Clinigol Cymru Gyfan.

Ble byddaf yn astudio?Ìý

Cyflwynir elfennau hyfforddedig y cwrs hwn o bell gan ddefnyddio amrywiaeth o lwyfannau ar-lein a rhithiol. Caiff lleoliadau ymarferol eu dyrannu i bob myfyriwr yn unigol ac mor agos i'w cartref â phosib.

Beth fyddwch chi’n ei astudio ar y cwrs yma?

Mae'r gallu i astudio wrth eich pwysau gan ddefnyddio deunyddiau ac adnoddau a ddatblygwyd yn arbennig ac a ddarperir trwy gyfryngau lluosog yn rhan allweddol o ddysgu yn y rhaglen hon. Mae'n hanfodol bod gennych le i astudio gyda mynediad i'r rhyngrwyd.

Athroniaeth sylfaenol Prifysgol Ïã¸ÛÁùºÏ²Ê¹ÒÅÆ×ÊÁÏ yw hyrwyddo caredigrwydd deallus ac arweinyddiaeth dosturiol, ac mae'r rhain yn rhan annatod o’r cwricwlwm i gyd. Mae modiwlau rhyngbroffesiynol yn hyrwyddo dull sy’n canolbwyntio ar y myfyriwr ac yn cydnabod gwerth dysgu o brofiadau'r gorffennol a'r presennol, yn ogystal â dysgu o brofiad defnyddwyr gwasanaeth a thrwy gyflwyno gwybodaeth newydd. Mae'r strategaethau dysgu, addysgu ac asesu wedi eu llunio i gynorthwyo'r myfyrwyr i fod yn ddysgwr annibynnol a datblygu i fod yn ymarferydd cofrestredig.Ìý

Cynlluniwyd y strategaeth asesu ar draws y rhaglen i fod yn flaengar a bydd yn eich annog i ddatblygu sgiliau dadansoddi a meddwl yn feirniadol. Mae'r modiwlau'n meithrin dysgu adfyfyriol; gall dysgwyr adfyfyriol gymryd rhan mewn adfyfyrio annibynnol er mwyn cyflawni dysgu personol ac er mwyn mynd ar drywydd rhagoriaeth wrth ymarfer. Fel prifysgol sy’n cael ei harwain gan ymchwil, rydym wedi ymgorffori egwyddorion a sgiliau ymchwilio ac ymholi i’r modiwlau hyn mewn modd blaengar gan alluogi'r myfyriwr i ddatblygu o ddod o hyd i dystiolaeth (blwyddyn un) i werthuso tystiolaeth (blwyddyn dau) ac yn olaf i gymhwyso tystiolaeth (blwyddyn tri).Ìý

Yn y rhaglen nyrsio dysgu o bell, bydd addysg ryngbroffesiynol yn rhan allweddol o ddysgu ymarfer gofal iechyd; ei nod yw paratoi myfyrwyr trwy ddarparu’r wybodaeth, y sgiliau a'r agweddau sy'n angenrheidiol at ymarfer cydweithredol sy'n canolbwyntio ar y claf. Bydd y rhaglen ddysgu wasgaredig yn cynnwys addysg ryngbroffesiynol sy'n ddull dysgu rhyngweithiol penodol sy'n annog cydweithredu gweithredol rhwng proffesiynau.

Wrth ddefnyddio'r fethodoleg hon ar y rhaglen, bydd gennych y gallu i ddatblygu'r wybodaeth, y sgiliau a'r cymhwysedd mewn perthynas â gwerthoedd, moeseg, swyddogaethau, cyfrifoldebau a chyfathrebu rhyngbroffesiynol. Mae addysg ryngbroffesiynol yn rhoi cyfle i chi brofi sut mae disgyblaethau eraill yn rhoi pwyslais gwahanol ar feysydd fel moeseg broffesiynol a chydweithio i ddarparu gofal cynhwysfawr i gleifion.

Mewn lleoliadau ymarfer, cewch gyfleoedd i gydweithio â gweithwyr proffesiynol fel ffisiotherapyddion, radiograffwyr, bydwragedd a gweithwyr cymdeithasol. Mae Prifysgol Ïã¸ÛÁùºÏ²Ê¹ÒÅÆ×ÊÁÏ yn datblygu modelau ar gyfer lleoliadau rhithiol o fewn safonau’r Cyngor Nyrsio a Bydwreigiaeth ac yn datblygu defnydd o rithrealiti yn ei rhaglenni cyfredol er mwyn rhoi’r sgiliau a'r wybodaeth i fyfyrwyr fod yn ymarferwyr hyfedr mewn gweithlu rhyngbroffesiynol, o fewn canllawiau ymarfer gorau, ac er budd gofal cleifion yn y dyfodol.

Ar gyfer y cwrs sy’n dechrau yn 2022 mae'r rhaglen Baglor mewn Nyrsio (dysgu o bell) wedi ei llunio yn unol â Safonau Hyfedredd ar gyfer Nyrsys Cofrestredig 2018 y Cyngor Nyrsio a Bydwreigiaeth a Nyrs y Dyfodol: Safonau hyfedredd. ÌýMae'r rhaglen newydd yn sicrhau fod gan nyrsys well dealltwriaeth o anghenion cleifion/cleientiaid ym mhob un o'r pedwar maes ymarfer nyrsio, ond gan barhau i ganolbwyntio ar faes penodol. ÌýMae'r rhaglen yn darparu nyrsys cofrestredig y dyfodol gyda sgiliau gweithio mewn tîm a sgiliau arweinyddiaeth a chyda rhagor o wybodaeth am iechyd y cyhoedd, sydd ei angen i ddarparu gofal mewn gwahanol leoliadau i gefnogi iechyd a lles y bobl byddwch yn gofalu amdanynt. Ìý
Ìý

• Mae Blackboard, sefÌýamgylchedd dysgu ar-lein Prifysgol Ïã¸ÛÁùºÏ²Ê¹ÒÅÆ×ÊÁÏ, ynÌýcaniatáu i chi gyrchu cynnwys modiwl, deunydd cwrs wedi ei recordio ymlaen llaw, seminarau, byrddau trafod a mynediad at ddarlithoedd byw os oes angen. Gellir cyrchu'r cynnwys ar unrhyw adeg sy'n gyfleus i chi, ac mae modd rhyngweithio gyda myfyrwyr eraill mewn ystafell gyffredin rithwir.
• Mae ein dull o ddysgu yn eich rhoi chi yn y canol, rydym yn defnyddio llawer o wahanol lwyfannau meddalwedd - fel Teams, OneDrive a Microsoft SWAY ac ati.
• Bydd sgiliau clinigol yn cael eu cyflwyno mewn amgylchedd rhithwir deinamig a rhyngweithiol i efelychu'r profiad dysgu ymarfer a’ch galluogi i ddatblygu sgiliau clinigol. Rydym yn defnyddio meddalwedd Laerdal vSim sy'n system efelychu rhithwir ar y we fydd yn helpu i fagu eich hyder a chymhwysedd wrth ddarparu gofal i gleifion gan ei fod yn caniatáu i fyfyrwyr ryngweithio â chleifion ar-lein mewn amgylchedd diogel a realistig ac mae’n darparu adborth unigol. Rydym hefyd yn defnyddio llwyfan sgiliau clinigol ar-lein i gefnogi ein haddysgu sgiliau clinigol ac i fyfyrwyr roi arfer gorau ar waith.Ìý
• Yn ystod y lleoliad bydd gennych gefnogaeth tiwtor cyswllt o'r brifysgol ac mae gennym hefyd hwyluswyr addysg ymarfer/hwyluswyr addysg ysbyty cymunedol sydd hefyd yn cefnogi myfyrwyr trwy gydol y lleoliad.

Byrddau iechyd ledled Cymru yw prif gyflogwr llawer o'n graddedigion. Yn y GIG a lleoliadau iechyd a gofal eraill, ceir strwythur gyrfa clir yn cefnogi nyrsys yn eu datblygiad o nyrs staff sy'n gweithio ar ward, er enghraifft, i nyrsys ymgynghorol annibynnol sy'n rheoli baich achosion o gleifion yn y gymuned. Yn ogystal â hyn, bydd cyfleoedd i ddefnyddio eich cymwysterau dramor.

Mae nyrsio yn broffesiwn arloesol sy'n tyfu'n barhaus ac mae nyrsys yn gweithio mewn timau aml-broffesiynol ar draws lleoliadau iechyd a gofal. Mae swyddi nyrsio wedi eu rhannu'n wahanol fandiau sydd â chyflogau gwahanol.Ìý

Mae nyrsys mewn sefyllfa unigryw i ddarparu gofal mewn partneriaeth â phobl a gofalwyr, i bwy bynnag sydd angen gofal. Yn gyffredinol yn y system iechyd a gofal ceir mwy o bwyslais ar atal afiechyd, galluogi pobl i ofalu am eu hunain, bod yn bartneriaid yn eu gofal a chael gwell ansawdd bywyd. Mae cyflymder y datblygiadau mewn gofal meddygol a gofal nyrsio, ac o ran triniaethau a thechnoleg, yn creu cyfleoedd newydd o ran gyrfa i nyrsys gyda datblygiadau mewn gwahanol agweddau ar wasanaethau a gwahanol ffyrdd o weithio. Gall y cyfleoedd a'r swyddogaethau amrywio ac maent yn cynnwys swyddi staff rheng flaen, swyddi arwain neu swyddi nyrsys arbenigol neu nyrsys ymgynghorol.

Mae cyfleoedd i nyrsys oedolion yn amrywio o ofalu am gleifion i fod yn arbenigwyr. Mae gyrfa i raddedigion mewn nyrsio oedolion yn cynnwys gofalu am agweddau corfforol oedolion a datblygu eich sgiliau a'ch cynnydd, rheoli pobl ynghyd ag adnoddau. Mae hyn yn cynnwys monitro ac asesu pobl ac ymateb yn gyflym i newidiadau.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Ïã¸ÛÁùºÏ²Ê¹ÒÅÆ×ÊÁÏ

Mae Prifysgol Ïã¸ÛÁùºÏ²Ê¹ÒÅÆ×ÊÁÏ yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.