Ïã¸ÛÁùºÏ²Ê¹ÒÅÆ×ÊÁÏ

Mae'r radd hon yn berffaith i chi os oes gennych ddiddordeb yn fertebratau'r môr. Byddwch yn dysgu am organebau'r môr a'u cynefinoedd, ac egwyddorion cyffredinol bioleg y môr, ecoleg, cadwraeth, ffisioleg ac ymddygiad. Mae pynciau mwy arbenigol sy'n canolbwyntio ar ecoleg a chadwraeth fertebratau môr mwy o faint, gan gynnwys siarcod a mamaliaid môr, a swyddogaeth y prif ysglyfaethwyr hynny yn ecosystem y môr. Bydd cyfleoedd hefyd i ystyried agweddau cymhwysol ar sŵoleg, megis pysgodfeydd, dyframaeth, bioleg cadwraeth ac ecodwristiaeth.

Ar y cwrs unigryw hwn byddwch yn astudio organebau’r môr, eu cynefinoedd a'r we fwyd sy'n cynnal yr ysglyfaethwyr gorau, gan gynnwys mamaliaid morol, pysgod, adar y môr, ac ymlusgiaid. Bydd y cwrs gradd yn bwrw golwg dros egwyddorion cyffredinol bioleg, bioleg y môr a gwyddorau'r môr, ynghyd â thacsonomeg, ffisioleg, ymddygiad ac ecoleg fertebratau'r môr. Byddwch yn dysgu am elfennau cymhwysol sŵoleg fel pysgodfeydd, dyframaeth, bioleg cadwraeth ac ecodwristiaeth. ÌýTrwy gydol y radd rydym yn manteisio ar ein lleoliad, ac mae pwyslais mawr ar waith maes, gan gynnwys profiad ar y môr. Ym mlwyddyn 3, byddwch yn dysgu am ecoleg siarcod ac ecoleg mamaliaid y môr, dulliau adnabod a chynnal arolygon, a fydd yn cynnwys gwaith maes ar long ac/neu ar y tir. Ìý

Pam dewis Prifysgol Ïã¸ÛÁùºÏ²Ê¹ÒÅÆ×ÊÁÏ ar gyfer y cwrs?

• Mae ein lleoliad unigryw yn hwylus iawn ar gyfer gwneud gwaith maes ar arfordir Ynys Môn ac ym Mharc Cenedlaethol Eryri.Ìý
• Mae arfordir Ynys Môn yn cynnig cyfleoedd gwych i astudio adar y môr, morloi a dolffiniaid.Ìý
• Ymhlith y cyfleusterau mae llong ymchwil, acwaria môr trofannol a thymherus, ac Amgueddfa Sŵoleg.Ìý
• Astudio ar Ynys ar gyrion Afon Menai, dyfroedd llanwol hyfryd sy'n gwahanu Ynys Môn, o'r tir mawr. Ìý
• Mae eich darlithwyr yn gwneud ymchwil ledled y byd, o riffiau cwrel trofannol i foroedd rhewedig y pegynau.

Opsiynau Cwrs Ychwanegol

Mae'r cwrs yn cynnwys hyd at 25-35 awr yr wythnos o ddarlithoedd, sesiynau ymarferol yn y labordy a gwaith maes, astudio preifat, tiwtorialau a gwaith prosiect. Yn ystod y ddwy flynedd gyntaf yn ogystal â darlithoedd a sesiynau ymarferol bydd tiwtorialau rheolaidd mewn grwpiau bach (tua 8 myfyriwr), ac yn y rheini byddwn yn datblygu eich sgiliau gwerthuso beirniadol a chyfathrebu gwyddoniaeth. Yn y drydedd flwyddyn byddwch yn gwneud traethawd hir o dan oruchwyliaeth unigol ar bwnc o'ch dewis. Asesir trwy gyfuniad o arholi ffurfiol ac asesu parhaus.

Beth fyddwch chi’n ei astudio ar y cwrs yma?

Blwyddyn 1

Ecoleg ac Esblygiad

Mae’r modiwl hwn ynghylch deall y newidiadau dynamig mewn unigolion, poblogaethau, cymunedau ac ecosystemau mewn perthynas â’i gilydd ac â’r amgylchedd ffisegol. Mae dealltwriaeth o sut mae organebau'n addasu ac yn rhyngweithio â'i gilydd a'u hamgylchedd biotig ac anfiotig yn hanfodol felly, yn ogystal â dealltwriaeth o sylfaen ymddygiadol a genetig y newidiadau hynny. Mewn cyd-destun cymhwysol, mae deall effeithiau bodau dynol ar ecosystemau yn gofyn am ddealltwriaeth sylfaenol o natur a chanlyniadau rhyngweithiadau troffig rhwng rhywogaethau (gweoedd bwyd), swyddogaeth yr amgylchedd anfiotig a'r ffactorau sy'n effeithio ar sefydlogrwydd a gwytnwch ecosystemau. Mae hyn yn darparu’r sylfeini ar gyfer rheoli systemau naturiol a lled-naturiol yn gynaliadwy.Ìý

Hanfodion EigionegÌý

Mae'r modiwl hwn yn cyflwyno ffiseg a chemeg y cefnforoedd. Cewch eich cyflwyno i’r egwyddorion sylfaenol sy’n ymwneud â sut mae'r cefnfor yn gweithio fel system ffisegol a dangosir i chi natur y cysylltiad agos rhwng ffiseg y cefnfor â Ìýhinsawdd. Mae hefyd yn ystyried dylanwad gweithgaredd biolegol a chylchrediad y cefnfor ar gemeg y cefnforoedd. Atgyfnerthir agweddau damcaniaethol â gwaith ymarferol, sydd wedi'i gynllunio i gyflwyno technegau dadansoddol a'u cymhwyso i broblemau sy'n berthnasol i'r amgylchedd.Ìý

Bioleg Môr Ymarferol 1Ìý

Mae’r modiwl hwn yn eich cyflwyno i dair elfen bwysig o Fioleg Môr: Gwyddoniaeth Maes, Gwyddoniaeth Labordy a Chyfathrebu Gwyddoniaeth. Byddwch yn cael profiad o ystod eang o bynciau ymchwil gweithredol ac yn defnyddio amrywiaeth o wahanol ddulliau a gymhwysir yn rheolaidd gan Fiolegwyr Môr gan gynnwys: dyrannu; microsgopeg; cynllunio arbrofion; adnabod rhywogaethau; casglu data; a dadansoddi data. Byddwch yn dysgu sgiliau labordy a sgiliau maes da drwy gydol y modiwl, a byddwch yn cael profiad o amrywiaeth eang o rywogaethau a chynefinoedd. Ìý

Amrywiaeth OrganebauÌý

Yn y modiwl hwn cyflwynir golwg cyffredinol ar ddosbarthiad, ffurf a swyddogaeth y prif grwpiau o organebau byw. Adolygir yr holl brif grwpiau o organebau byw, o feirysau, bacteria, protistau, algâu ac uwch blanhigion at anifeiliaid, yn infertebratau a fertebratau. Astudir tacsonomeg gyffredinol, ffurf y corff, ffisioleg a hanes bywyd i roi gwerthfawrogiad o agweddau lluosog bioamrywiaeth.Ìý

Data a Dadansoddi AmgylcheddolÌý

Mae’r modiwl hwn yn dysgu’r sgiliau sylfaenol sydd eu hangen ar wyddonwyr naturiol i ateb cwestiynau gwyddonol gyda data amgylcheddol. Rhoddir theori ar waith trwy gyfrwng sesiynau cyfrifiadurol, i gymhwyso ystod o dechnegau dadansoddi data at ddata amgylcheddol. Yn y semester cyntaf byddwn yn cyflwyno'r dull gwyddonol, sut i ddisgrifio samplau yn rhifiadol ac yn raffigol, a sut i brofi damcaniaethau'n ystadegol i nodi gwahaniaethau a chysylltiadau rhwng newidynnau. Yn yr ail semester, yn ogystal â sesiynau theori ystadegol a sesiynau ymarferol ychwanegol, cymhwysir sgiliau mewn project pwnc-benodol. Yn y project hwn, mae myfyrwyr yn cynnal ymchwiliad gwyddonol, gan gynnwys casglu a dadansoddi data; cyflwynir canlyniadau'r dadansoddiad data hwn trwy gyfrwng adroddiad gwyddonol.

Tiwtorial Sgiliau Gwyddoniaeth 

Cynhelir y modiwl hwn gan eich tiwtor personol mewn lleoliad grŵp bach, yn ystod eich blwyddyn gyntaf. Mae'n cyflwyno ystod o sgiliau sydd eu hangen ar gyfer gradd mewn gwyddor môr ac yn annog darllen ehangach ym maes gwyddor môr. Mae’r modiwl yn cynnwys darllen cyfeiriedig ac ymarfer mewn cyflwyno gwaith ar lafar ac yn ysgrifenedig. Cynhelir tiwtorialau rheolaidd (8 i 10 myfyriwr ym mhob grŵp) trwy gydol y flwyddyn lle trafodir sgiliau ysgrifennu traethodau, sgiliau cyflwyno llafar a chrynhoi gwybodaeth o lenyddiaeth wyddonol. Mae'r sgiliau a ddatblygir yn y modiwl hwn yn allweddol ar gyfer pob modiwl arall ac at eich gyrfaoedd yn y dyfodol ym maes gwyddor môr.Ìý

Blwyddyn 2

Bioleg Môr Ymarferol II Ìý

Mae'r modiwl hwn yn barhad o'r flwyddyn gyntaf. Byddwch yn datblygu ac yn hogi eich sgiliau mewn dulliau a ddefnyddir yn rheolaidd gan Fiolegwyr Môr gan gynnwys dyrannu, microsgopeg, adnabod rhywogaethau, casglu data, a dadansoddi data. Ar ddiwedd y modiwl hwn, dylech fod wedi datblygu nifer o sgiliau craidd sydd eu hangen ar gyfer eich astudiaethau a meithrin sgiliau trosglwyddadwy y gellir eu cymhwyso ar draws disgyblaethau pwnc.

Ecoleg MôrÌý

Mae'r modiwl hwn wedi'i gynllunio i roi sylfaen gadarn i chi mewn theori ecolegol fel y mae'n berthnasol i ecosystemau morol. Addysgir pynciau trwy gyfeirio at ecosystemau astudiaethau achos a gymerir o ranbarthau tymherus a rhanbarthau trofannol megis:Ìý

• Riffiau cwrelÌý
• Coedwigoedd gwymonÌý
• Glannau creigiog, aÌý
• Mangrofau.

Byddwch hefyd yn dysgu am ddulliau maes ar gyfer astudio cylchfäedd yn yr amgylchedd morol gan ddefnyddio ecosystemau glannau creigiog Ynys Môn fel astudiaeth achos enghreifftiol. Byddwch yn cael sesiwn ymarferol cyfrifiadurol lle cewch y cyfle i ddadansoddi data o ecosystem riff cwrel i archwilio am dystiolaeth o batrymau rhagweladwy mewn strwythur cymunedol benthig ar draws dyfnderoedd ac ystyried sut y gallent fod yn gysylltiedig â gyrwyr amgylcheddol a biolegol - sgiliau a gwybodaeth sy'n ofynnol wrth astudio'r ecosystemau cymhleth hyn.Ìý

Ffisioleg ac Ymddygiad Morol

Bydd y modiwl hwn yn eich cyflwyno i ecoleg ffisiolegol ac ymddygiadol organebau môr. Bydd yn ymdrin â ffisioleg algâu môr a ffisioleg gymharol ac ecoleg ymddygiadol anifeiliaid môr. Byddwch yn astudio'r ymatebion ffisiolegol sy'n caniatáu i organebau môr addasu i newidiadau amgylcheddol; y paramedrau a swyddogaethau ymddygiad sy’n galluogi anifeiliaid i ryngweithio â'i gilydd ac addasu i'w cilfachau ecolegol.Ìý

Cwrs maes ar longÌý

Cynllunnir y modiwl i gynnig profiad o waith maes amlddisgyblaethol ar y môr, ar fwrdd llong arolygu. Byddwch fel rheol yn treulio un diwrnod ar y môr, yn casglu data ac yn graddnodi offer. Yna byddwch yn prosesu'r set ddata hon mewn cyfres o sesiynau labordy a chyfrifiadur, gan archwilio cysylltiadau rhwng newidynnau.Ìý

Prosesau Morydau a Moroedd Silff

Mae David Attenborough wedi disgrifio’r moroedd tymhorol fel rhai o’r mwyaf cynhyrchiol ar y blaned. Ond mae'r moroedd hyn a'r aberoedd sy'n eu porthi dan lefelau uchel o bwysau dynol sy'n golygu bod angen offer rheoli rhagfynegol i sicrhau nad yw gweithgareddau dynol yn cyfaddawdu eu systemau. Yn y modiwl hwn byddwch yn dysgu am y prosesau ffisegol, cemegol a biolegol allweddol sy'n gweithredu yn yr ecosystemau pwysig hyn, a sut y cânt eu cynrychioli mewn modelau cyfrifiadurol y gellir eu defnyddio i'w hefelychu er mwyn cynorthwyo i’w rheoli. Byddwch hefyd yn dysgu sut mae'r systemau hyn wedi esblygu dros amser ac yn archwilio astudiaethau achos o effeithiau gweithgareddau dynol ar y systemau hyn.Ìý

Egwyddorion Cadwraeth

Rydym ar ymyl y dibyn o ran difodiant rhywogaethau lluosog. Dyma gyfle i ddeall y berthynas gywrain rhwng gweoedd cymhleth rhywogaethau a'r posibilrwydd o sefydlogi a gwrthdroi’r broses o golli rhywogaethau. Mae'r modiwl hwn yn canolbwyntio ar egwyddorion allweddol, sylfaenol cadwraeth. Mae'n ymchwilio i brif yrwyr dirywiad rhywogaethau, megis colli cynefinoedd, gor-gynaeafu, rhywogaethau ymledol, newid hinsawdd. Rydym hefyd yn archwilio atebion posibl i'r problemau niferus, felly nid yw'n ofid calon i gyd! Mae'r addysgu'n cynnwys cyfuniad o ddarlithoedd wyneb yn wyneb a theithiau maes sy'n bwrw golwg fanwl ar nifer o elfennau allweddol dirywiad rhywogaethau a mesurau lliniarol posibl rhag colledion pellach. Byddwch yn datblygu dealltwriaeth fanwl o ddiraddio ecosystemau a'i rôl ganolog o ran darparu planed a all gynnal bodau dynol a phob ffurf arall ar fywyd yn y biosffer. Erbyn diwedd y modiwl bydd eich gweledigaeth o’r amgylchedd wedi ei gweddnewid. Ìý

Y Llanw, Tonnau, Ynni MorolÌý

Mae amgylchedd y cefnfor yn cael ei ddylanwadu gan nifer o yrwyr gan gynnwys ymwthiad cyfnodol gan y llanw a'r tonnau. Mae deall beth sy'n gyrru'r ffenomenau hollbresennol hyn a sut y maent yn effeithio ar geryntau yn yr amgylchedd morol yn gefndir hanfodol i unrhyw wyddonydd môr. Bydd y modiwl hwn yn archwilio'r ffiseg sylfaenol y tu ôl i'r ffenomenau hyn, sut y gellir eu hadnabod o ddata morol go iawn sydd â chyfuniad o signalau’n bresennol, a sut y gellir defnyddio llanw a thonnau fel ffynonellau ynni adnewyddadwy. Wrth ddysgu, byddwch yn meithrin sgiliau rhifiadol, dadansoddol a rhaglennu, ac yn datblygu greddf am eigioneg ffisegol.Ìý

Bioleg Fertebratau Ìý

Mae hyn yn cynnwys y wybodaeth hanfodol sydd ei hangen i ddeall strwythur a swyddogaeth y pum dosbarth o fertebratau, h.y. y Pysgod a'r Tetrapodau (Amffibiaid, Ymlusgiaid, Adar a Mamaliaid). Caiff ei addysgu gan arbenigwyr yn eu meysydd ac mae'n cynnwys gwreiddiau ac esblygiad y prif grwpiau, ynghyd â chysyniadau a gwybodaeth am eu strategaethau atgenhedlu ac ymsymud. Mae’r modiwl hwn yn cyflwyno’r fioleg greiddiol gyffredinol sydd ei hangen cyn mynd ymlaen i arbenigo yng ngwahanol ddosbarthiadau’r fertebratau.Ìý

Cyfathrebu GwyddoniaethÌý

Mae’r modiwl hwn yn dechrau trwy ymdrin â hanes ac esblygiad gwyddoniaeth sy’n eich cyflwyno i elfennau uwch y dull gwyddonol a sefydlwyd ym Mlwyddyn 1. Y nod yma yw eich helpu i ddatblygu sgiliau ymchwil annibynnol a sgiliau meddwl yn feirniadol.Ìý
Ìý
Byddwch yn dysgu sut i asesu grym y dystiolaeth ar bwnc penodedig mewn gwyddor môr, a’r enghraifft gyntaf fydd wrth ystyried y dystiolaeth dros fywyd rhywle arall yng nghysawd yr haul. Yna byddwch yn dewis pwnc penodol y byddwch yn gwneud ymchwil annibynnol arno.Ìý

Blwyddyn 3

Bioleg Pysgod ac EcolegÌý

Bydd y modiwl hwn yn darparu cyflwyniad manwl i esblygiad, tacsonomeg ac amrywiaeth pysgod teleostaidd, crynodeb o'r amrywiadau mewn cylch bywyd, dynameg poblogaeth ac ecoleg ac adolygiad o'r bygythiadau anthropogenig sy'n wynebu'r grŵp amrywiol a gwasgaredig hwn o fertebratau.

Byddwch yn edrych ar y pynciau canlynol:Ìý

• esblygiad ac amrywiaethÌý
• ymbelydredd addasol a sŵddaearyddiaeth Ìý
• cylchoedd bywyd a deinameg poblogaeth Ìý
• ecoleg ymddygiadol Ìý
• ecoleg cadwraeth Ìý
• effeithiau anthropogenig Ìý

Project Maes RhynglanwolÌý

Mae'r modiwl hwn yn rhoi profiad ymarferol i chi o gynnal arbrofion ecolegol yn y byd go iawn. Cewch eich cyflwyno i egwyddorion datblygu arolwg maes o’r cam cyntaf un, ac wedyn byddwch yn gweithio mewn grwpiau bach i ddatblygu eich cwestiynau ymchwil a’ch arolwg eich hun yn seiliedig ar amgylchedd glannau creigiog naturiol Ynys Môn. Cefnogir pob grŵp trwy gydol y modiwl gan aelod staff sy'n cynorthwyo trwy gyfrwng cyfres o weithdai gyda datblygu syniadau, eu rhoi ar waith ac yna dadansoddiad a llunio adroddiad.Ìý

Arsylwi Mamaliaid MôrÌý

Mae'r modiwl hwn yn canolbwyntio ar dechnegau arolygu mamaliaid môr. Rhennir yr addysgu yn ddarlithoedd, gwaith maes a gweithdai. Cewch eich cyflwyno i faterion cadwraeth, gofynion data a thechnegau arolygu. Bydd gwaith maes yn rhoi profiad i chi o arolygon o gwch ac o’r glannau; yn gwneud arsylwadau gan ddefnyddio techneg systematig, yn cofnodi'r arsylwadau hyn ar ffurflenni safonol, ac yn prosesu'r arsylwadau ar gyfer dadansoddiadau. ÌýBydd arsylwyr profiadol o’r Sea Watch Foundation yn eich helpu i adnabod rhywogaethau, amcangyfrif maint grwpiau, gwahaniaethu rhwng dosbarthiadau oedran, pennu ymddygiad, ac asesu amodau’r môr. Cynhelir yr arolygon yng ngogledd Ynys Môn fel rheol; ardal a gysylltir ag achosion mynych o weld dolffiniaid trwynbwl, morloi llwyd, llamhidyddion a dolffiniaid Rissos trwy gydol y flwyddyn. Yn ei gyfanrwydd, bydd y modiwl hwn yn eich arfogi ag amrywiaeth eang iawn o sgiliau y mae llawer o gyflogwyr yn chwilio amdanynt.

Gwyddor Mamaliaid MôrÌý

Byddwch yn datblygu gwerthfawrogiad o famaliaid môr a'r heriau rheoli a chadwraeth a wynebir â’r anifeiliaid hyn. Cyflawnir hyn trwy eich addysgu am eu hesblygiad a'u haddasiadau i amgylchedd y môr, y swyddogaethau ecolegol pwysig y maent yn eu cyflawni yn ogystal â'r heriau sylweddol a wynebwn wrth astudio'r anifeiliaid hyn. Byddwch yn dysgu ynglŷn â sut mae nodweddion hanes eu bywyd yn arwain at gyfraddau twf araf yn y boblogaeth ac mewn rhai achosion at ddifodiant, yn ogystal â phynciau cyfamserol trwy gyfrwng datblygiadau technolegol sy’n ein helpu i ddysgu mwy am eu hecoleg gan gynnwys astudiaethau tracio a bioacwsteg. Un o nodau allweddol y modiwl yw datblygu sgiliau meintiol gan eu bod yn bwysig ar gyfer gyrfaoedd yn y maes hwn. Cyflawnir hyn trwy asesiadau sy'n cynnwys modelu poblogaethau â matrics a dadansoddi a mapio data tracio.

Siarcod a'u PerthnasauÌý

Yn y modiwl hwn, byddwch yn dod i wybod mwy am siarcod - gan ddechrau trwy ymchwilio i'w hanes esblygiadol. Byddwch yn dysgu am y gwahaniaethau rhwng yr ysglyfaethwyr apig hyn a'u perthnasau megis cathod môr. Ar ôl dysgu am eu galluoedd synhwyraidd soffistigedig, byddwch yn mynd ymlaen i ganfod sut y byddwn yn defnyddio technoleg fodern i'w tracio. Trwy gyfrwng sesiynau ymarferol, byddwch yn dysgu am eu ffisioleg ac, mewn darlithoedd, byddwch yn dysgu am ecoleg poblogaethau. Mae siarcod yn dioddef gwasgedd amgylcheddol sylweddol, y rhan fwyaf ohono’n deillio o weithgaredd dynol. Felly rydym hefyd yn ymdrin â materion sy'n ymwneud â'r effeithiau anthropogenig hyn megis sgil-ddaliadau, canfod siarcod, llygredd, a dinistrio cynefinoedd.Ìý

Gwarchod ac Ecsbloetio’r MôrÌý

Gellid dweud bod cadwraeth y môr ynghyd â’i ecsbloetio mewn modd reoledig ymysg meysydd pwnc pwysicaf gwyddor y môr. Daw’r modiwl hwn â gwyddoniaeth i ddehongli’r ddwy her fyd-eang yma. Yn y modiwl cynhwysfawr hwn, cewch gyflwyniad i faterion sy'n ymwneud â bioamrywiaeth forol, cynefinoedd hanfodol a bygythiadau amgylcheddol, ecsbloetio pysgodfeydd a'i effaith ar rywogaethau targed a’u hecosystemau, rheoli parthau arfordirol ac ardaloedd morol gwarchodedig, yn ogystal â dyframaethu a gwella stoc.Ìý
Ìý
Erbyn diwedd y modiwl, bydd gennych ddealltwriaeth dda o'r angen am gadwraeth forol a datblygu cynaliadwy; byddwch yn gallu gwerthuso bygythiadau i rywogaethau, cynefinoedd a phrosesau ecosystemau; a byddwch yn gallu gwerthuso'n feirniadol effeithiolrwydd technegau ac offer diogelu. O ran ecsbloetio, byddwch yn dod i wybod am bysgota a thueddiadau cyfredol mewn pysgodfeydd yn fyd-eang; byddwch yn gwerthuso effeithiau pysgota ar rywogaethau targed ac ar lefel yr ecosystem; a byddwch yn dod i ddeall y gwahanol ddulliau o reoli stoc pysgod a'r gwrthdaro rhwng ecsbloetio a chadwraeth. Yn olaf, trafodir dyframaeth fel dull o gynhyrchu bwyd morol, gan gwmpasu egwyddorion cyffredinol, ffermio grwpiau o’r prif rywogaethau, yn ogystal ag ystyried materion amgylcheddol a chynaliadwyedd.Ìý

Ecosystemau a Phrosesau MorolÌý

Mae'r modiwl hwn yn rhoi cipolwg cyffrous i chi ar bwysigrwydd systemau arfordirol a dŵr agored i'r blaned. Ein ffocws yma yw’r hyn sy'n gwneud i ecosystemau weithio a’r hyn sy'n gwneud iddynt fethu. Byddwch yn dysgu pa mor hanfodol yw bioamrywiaeth i weithrediad a gwytnwch ecosystemau naturiol ac i'r buddion a gawn o'r môr, megis rheoleiddio’r hinsawdd yn naturiol a bwyd. Cewch y cyfle i ystyried sut mae anifeiliaid a phlanhigion yn addasu neu'n rhyngweithio â'u hamgylchedd. Byddwn yn archwilio sut mae twrio am fwyd gan adar môr yn cael ei reoli gan dirweddau gwely’r môr a cheryntau a byddwn yn gweld sut mae plancton yn y cefnfor deheuol yn gysylltiedig â hinsawdd fyd-eang a’r cylchred carbon. Mewn cyfres o bedair sesiwn ymarferol, byddwch yn defnyddio set ddata fawr i archwilio p’un a fo cannu riffiau cwrel yn cymedroli poblogaethau pysgod. Byddwch yn cynhyrchu allbynnau graffigol a dadansoddol o'r gwaith hwn i lunio eich poster gwyddonol eich hun, a byddwch yn ei gyflwyno yn y pen draw mewn 'cynhadledd fach posteri'. Ìý

Traethawd hirÌý

Mae eich traethawd hir yn un project mawr hunan-gyfeiriedig. Byddwch yn defnyddio data sydd eisoes ar gael. Byddwn yn hwyluso eich project trwy diwtorialau un-i-un, sesiynau ymarferol, darlithoedd, a swmp o ddeunydd wedi'i recordio a fydd ar gael ar-lein. Bydd gofyn i chi wneud gwaith sylweddol yn annibynnol, ond gall y project fod yn un sy’n adlewyrchu eich diddordebau personol chi. Dyma gyfle i ddefnyddio’ch holl sgiliau mewn maes sydd o ddiddordeb i chi, ac yn y pen draw feddu ar ddogfen gaboledig y gallech ei dangos i ddarpar gyflogwyr. Ìý

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cadwraeth Fertebratau'r Môr BSc (Anrh).

Mae cynnwys y cwrs wedi’i nodi i’ch arwain yn unig ac fe all newid.

• Mae gennym gyfleusterau rhagorol gan gynnwys acwaria môr trofannol a môr tymherus, labordai dadansoddi, efelychwyr cludo gronynnau a llif a systemau cyfrifiadurol o'r safon uchaf.
• Mae’r cefnfor wrth law ac mae mynediad heb ei ail ato a nifer o gynefinoedd rhynglanwol i wneud gwaith arbrofol, gan gynnwys glannau creigiog, glannau tywod a morfeydd heli. Mae nifer o gytrefi adar y môr o amgylch arfordir Môn yn ogystal â digonedd o famaliaid y môr gan gynnwys dolffiniaid trwyn potel, dolffiniaid Risso, llamhidyddion, morloi llwyd a rhywogaethau eraill y môr.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Mae'r cwrs yn baratoad delfrydol ar gyfer gyrfaoedd mewn ymchwil, rheoli adnoddau môr, cadwraeth, asesu effaith amgylcheddol, pysgodfeydd, awdurdodau arfordirol, cyrff cynghori'r llywodraeth, y cyfryngau gwyddonol, ecodwristiaeth a diwydiannau hamdden eraill a grwpiau dwyn pwysau.Ìý

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Ïã¸ÛÁùºÏ²Ê¹ÒÅÆ×ÊÁÏ

Mae Prifysgol Ïã¸ÛÁùºÏ²Ê¹ÒÅÆ×ÊÁÏ yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Bioleg Môr (gyda Blwyddyn Sylfaen).