Ïã¸ÛÁùºÏ²Ê¹ÒÅÆ×ÊÁÏ

Mae'r rhaglen hon gyda’i phwyslais ar weithio’n broffesiynol wedi'i chynllunio i'ch arfogi â'r sgiliau, yr wybodaeth a'r hyder sy'n allweddol i lwyddo ym myd deinamig cwmnïau rhyngwladol a marchnadoedd ariannol rhyngwladol. Fel arall, efallai y byddwch chi'n dewis defnyddio'r sgiliau a'r profiad i weithio yn y sector cyhoeddus neu sefydlu'ch busnes eich hun. Mae ein rhaglen wedi'i hachredu gan yr holl brif gyrff cyfrifeg, sy’n eithrio graddedigion rhag sefyll arholiadau craidd llawer o'r cyrff hyn. Mae hon yn fantais enfawr oherwydd bydd yr eithriadau yn hwyluso'r broses o gymhwyso yn broffesiynol, gan ganiatáu mwy o amser ichi ganolbwyntio ar ddatblygu eich gyrfa.Ìý
Ìý
Mae Cyfrifeg a Chyllid yn rhan hanfodol o redeg sefydliad llwyddiannus a chyfrannu at dwf economaidd. Mae angen cyfrifwyr a gweithwyr cyllid proffesiynol i asesu refeniw a gwariant, cydymffurfio â rheoliadau a darparu gwybodaeth allweddol i reolwyr, buddsoddwyr, y llywodraeth a rhanddeiliaid eraill at ddibenion gwneud penderfyniadau strategol. Byddwch yn ennill sylfaen gadarn wrth ddeall swyddogaeth gwybodaeth ariannol a chyfrifyddu mewn sefydliadau, a sut i gymhwyso'r wybodaeth hon fel ei bod yn cael effaith wirioneddol ar benderfyniadau rheoli ac ar gyfleu gwybodaeth berthnasol i bartïon allanol. Ìý
Ìý
Yn Ysgol Busnes Ïã¸ÛÁùºÏ²Ê¹ÒÅÆ×ÊÁÏ, mae gennym ni dîm cymwys iawn o academyddion blaenllaw gyda phrofiad a diddordebau proffesiynol mewn ystod eang o bynciau cyfrifyddu a chyllid gan gynnwys: cyfrifeg ryngwladol ac adrodd ariannol, trethiant, cyllid corfforaethol, cyfathrebu corfforaethol, marchnadoedd ariannol, a statws credyd. Mae ein tîm academaidd yn ymwneud ag ymchwil o'r radd flaenaf ym maes cyfrifeg a chyllid, gyda’r aelodau’n gweithio'n rheolaidd gyda llunwyr polisi yn y llywodraeth, rheoleiddwyr a melinau trafod. Maent yn ymroddedig i gyfrannu o’u dirnadaeth o fyd polisi, ymchwil ac ymarfer proffesiynol i'ch helpu chi i ddatblygu eich gwybodaeth a'ch dealltwriaeth ac i wireddu'ch potensial fel gweithiwr proffesiynol cyfrifyddu a chyllid. Ìý

Pam dewis Prifysgol Ïã¸ÛÁùºÏ²Ê¹ÒÅÆ×ÊÁÏ ar gyfer y cwrs?

• Eithriadau o arholiadau craidd a gynigir gan gyrff cyfrifeg proffesiynol.
• Pwyslais ar faterion a datblygiadau cyfredol mewn marchnadoedd ariannol, cyfrifyddu a chyllid corfforaethol.
• Cyfunir cynnwys academaidd trylwyr â phwyslais ymarferol go iawn sy'n arwain at ragolygon gyrfa rhagorol.
• 2il am Ansawdd y Addysgu o fewn Cyfrifeg a Chyllid (Times & Sunday Times: Good University Guide 2023).
• Fe'ch addysgir mewn sawl ffordd wahanol gan ymchwilwyr ac academyddion blaenllaw sydd wedi gweithio'n broffesiynol yn y diwydiant cyfrifyddu.
• Ymhlith y 10 Uchaf ar gyfer Cyfrifeg a Chyllid (Guardian University Guide 2023).
• Ymhlith 10 Uchaf ar gyfer Boddhad Myfyrwyr o fewn Cyfrifeg a Chyllid (Complete University Guide 2023).

Opsiynau Cwrs Ychwanegol

Bydd modd ichi ddefnyddio cyfleusterau rhagorol, cronfeydd data ariannol a ffynonellau technoleg gwybodaeth helaeth i gefnogi'ch taith ddysgu. Fe'ch addysgir gan ddefnyddio amrywiaeth o ddulliau gan ymchwilwyr ac academyddion blaenllaw sydd wedi gweithio'n broffesiynol yn y diwydiant cyfrifyddu a chyllid. Ar ben hynny, gwahoddir gweithwyr proffesiynol Ìýallanol o fyd cyfrifyddu a chyllid i gyflwyno sesiynau i ddatblygu eich gwybodaeth a'ch cysylltiadau ehangach yn y byd go iawn. O ddiwrnod cyntaf eich cwrs gradd, fe'ch anogir i feddwl yn feirniadol, gan ganiatáu ichi ddadansoddi materion busnes y byd go iawn er mwyn darparu'r atebion gorau posibl. Fe’ch cefnogir yn drwyadl hefyd i sicrhau lleoliad gwaith dewisol 12 mis i ddatblygu eich proffil cyflogadwyedd trwy roi’r hyn rydych chi wedi'i ddysgu ar waith mewn lleoliad busnes yn y byd go iawn.Ìý
Ìý
Cyflwynir y cwrs yn bennaf trwy gyfuniad o ddarlithoedd, gweithdai a seminarau. Gallwch ddisgwyl cael o leiaf 12 awr o amser cyswllt gyda staff academaidd yn ystod pob wythnos addysgu. Disgwylir i chi hefyd ymgymryd ag astudio annibynnol a gwaith grŵp, a chymryd rhan mewn gweithgareddau a thrafodaethau ar-lein gan ddefnyddio ein hamgylchedd dysgu rhithwir. Ìý

Beth fyddwch chi’n ei astudio ar y cwrs yma?

Ym Mlwyddyn 1, bydd myfyrwyr yn cymryd 80 credyd o’r pynciau canlynol,ÌýDarganfod economeg, Egwyddorion rheolaeth a seflydiad, Dulliau dadansoddi busnes, Egwyddrion cyfrifeg ariannol ac Egwyddorion cyfrifeg rheolaeth. Mae modiwlau dewisol hefyd ar gael mewn pynciau felÌýTechnegau a Dadansoddi Cyllidol aÌýCyllid personol a bancio. Gall myfyrwyr hefyd ddewis modiwlau dewisol o fodiwlau lefel 4 eraill yr Ysgol Busnes neu o rywle arall yn y Brifysgol, yn amodol ar gyfyngiadau amserlen.

Ym Mlwyddyn 2, bydd myfyrwyr yn cymryd 80 credyd o'r pynciau canlynol,ÌýCyllid Corfforaethol, y Gyfraith ar gyfer busnes, Rheolaeth cyfrifeg ac Adrodd ariannol.ÌýMae modiwlau dewisol hefyd ar gael mewn pynciau felÌýYmwybyddiaeth fasnachol a mewnwelediad o waith, Econometreg, Cyfrifeg ariannol a Buddsoddi a rheoli portffolio. Gall myfyrwyr hefyd ddewis modiwlau dewisol o fodiwlau lefel 5 eraill yr Ysgol Busnes neu o rywle arall yn y Brifysgol, yn amodol ar gyfyngiadau amserlen a rhagofynion.

Ym Mlwyddyn 3, bydd myfyrwyr yn cymryd 80 credyd o bynciau felÌýTheori ac Ymarfer Cyfrifeg a Threthiant. Mae modiwlau dewisol hefyd ar gael mewn pynciau felÌýLlywodraethu Corfforaethol.ÌýGall myfyrwyr hefyd ddewis modiwlau dewisol o fodiwlau lefel 6 eraill yr Ysgol Busnes neu o rywle arall yn y Brifysgol, yn amodol ar gyfyngiadau amserlen a rhagofynion.

Mae cynnwys y cwrs wedi'i nodi i’ch arwain yn unig ac fe all newid.Ìý

Mae gennym ddewis eang o fodiwlau a dulliau i chi allu astudio yn y Gymraeg, ond efallai nid fydd pob un o'r pynciau uchod ar gael drwy Gyfrwng y Gymraeg.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Y radd hon gyda’i phwyslais ar waith proffesiynol yw'r dewis cyntaf i unrhyw un sy'n ystyried amrywiaeth eang o yrfaoedd ym maes cyfrifeg a rheolaeth ariannol. Caiff ein gradd ei chydnabod fel gradd drylwyr sy’n cynnig sylfaen gadarn yn y sgiliau trosglwyddadwy sydd eu hangen ar bob sefydliad. O’i gwneud, cewch eich eithrio rhag gorfod gwneud arholiadau proffesiynol a chyfle i roi eich gyrfa ar lwybr carlam ar ôl graddio. Mae galw am gyfrifwyr proffesiynol ym mhob sector. Fe allech weithio i un o'r pedwar cwmni cyfrifeg mawr neu ddewis datblygu eich gyrfa gyda chwmni bach neu ganolig ei faint. Dros amser, efallai yr hoffech sefydlu eich practis proffesiynol eich hun. Mae cyfrifeg yn y sector cyhoeddus yn cynnig gyrfaoedd gwerth chweil a diddorol ledled y Deyrnas Unedig ac yn fyd-eang. Mae adrannau'r llywodraeth ac awdurdodau lleol i gyd yn cyflogi cyfrifwyr, gan gynnig cyfleoedd datblygu a dilyniant gyrfa. Cefndir mewn cyfrifeg oedd man cychwyn llawer o Brif Weithredwyr cwmnïau a restrir yn gyhoeddus.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Ïã¸ÛÁùºÏ²Ê¹ÒÅÆ×ÊÁÏ

Mae Prifysgol Ïã¸ÛÁùºÏ²Ê¹ÒÅÆ×ÊÁÏ yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Cyfrifeg a Chyllid (gyda Blwyddyn Sylfaen).