Ïã¸ÛÁùºÏ²Ê¹ÒÅÆ×ÊÁÏ

Mae llawer o bobl yn byw, yn gweithio ac yn perfformio mewn amgylcheddau sy’n naturiol straenus fel anialwch cras, jyngl llaith, moroedd garw, mynyddoedd uchel a gwyntog a thwndra rhewllyd. Mae gan ein hymchwilwyr hanes o ddatblygu gwybodaeth a dealltwriaeth am berfformiad dynol, iechyd, ac addasu i achosion straen amgylcheddol naturiol ac artiffisial fel gwres, oerfel, hypocsia, a golau'r haul.

Mae ein hymchwilwyr yn cymryd rhan mewn ymchwiliadau sy’n defnyddio siambrau hypocsia a thermol pwrpasol ac alldeithiau ymchwil rheolaidd i'r Alpau Ewropeaidd, mynyddoedd yr Himalaya, a mynyddoedd yr Andes yn Ne America. Hyd yma, rydym wedi ymchwilio i sylfaen ffisiolegol ymatebion i straen amgylcheddol yn y tymor byr a’r tymor hir a dulliau newydd o sicrhau perfformiad ac iechyd ar y lefel orau bosib i bobl. Mae’r canfyddiadau ymchwil hyn wedi eu rhoi ar waith gan sefydliadau sy’n cynnwys y Weinyddiaeth Amddiffyn (Fyddin), y GIG, y British Mountain Guides a Mountain Rescue England and Wales, a busnesau gan gynnwys Outlook Expeditions, Blizzard Survival, a Camps International.

Yn y dyfodol, bydd straen amgylcheddol yn effeithio ar gymdeithas yn barhaol oherwydd heriau newid yn yr hinsawdd, gan gynnwys cynnydd mewn tymheredd byd-eang, a digwyddiadau tywydd eithafol, fel cyfnodau o wres mawr a chyfnodau oer. Ar wahân i newid yn yr hinsawdd, efallai y bydd modd defnyddio gwell dealltwriaeth o'r rhyngweithio rhwng yr amgylchedd a phobl i wella iechyd, lles a chynhyrchiant cymdeithas. Mae ymchwil y Sefydliad Ffisioleg Ddynol Gymhwysol mewn sefyllfa dda i wneud cyfraniad pwysig at bobl a chymdeithas yn y dyfodol. Ìý

Ìý