������ϲʹ�������

Steve Jones, (cefn, ail o'r chwith) rheolwr gyfarwyddwr Bee Robotics Ltd Caernarfon gyda graddedigion Prifysgol ������ϲʹ������� - o'r chwith: Paula Noon, Shailaja Bakshi (yn y blaen) a Llifon Jones. Mae cwmni biotechnoleg a phrifysgol yn dathlu mwy na dau ddegawd o bartneriaeth a arweiniodd at nifer o gyfleoedd cyflogaeth i raddedigion.

Dechreuodd Bee Robotics a Phrifysgol ������ϲʹ������� weithio gyda'i gilydd gyntaf ym 1998 a bu'r berthynas yn allweddol i'r ddau sefydliad.

Yn ogystal â sicrhau swyddi gyda chyflogwr lleol arloesol, mae'r myfyrwyr wedi elwa o leoliadau gwaith ac adborth i'w gwaith a'u sgiliau mewn digwyddiadau cwrdd â'r cyflogwr.

I Bee Robotics, bu'n fodd i ddod ag adnoddau ychwanegol i mewn i helpu canolbwyntio ar feysydd a gweithgareddau newydd i gefnogi twf.

Mae'r gwneuthurwr o Gaernarfon wedi gwneud enw da iddo'i hun ledled y byd fel arweinydd ym maes datrysiadau robotig trin hylif datblygedig ar gyfer awtomeiddio'r labordy yn y diwydiant biotechnoleg. Ac mae graddedigion Prifysgol ������ϲʹ������� yn chwarae rhan bwysig yn llwyddiant rhyngwladol y busnes.

Dywedodd Steve Jones, rheolwr gyfarwyddwr Bee Robotics: “Mae'n wych o beth gweld y myfyrwyr yn dychwelyd flwyddyn neu ddwy'n ddiweddarach fel gweithwyr.

“Fel rheol mae gennym ni un lleoliad y flwyddyn a byddwn hefyd yn mynd i'r brifysgol i gwrdd â'r myfyrwyr a’u helpu gyda’u projectau sy’n gyfle inni fwrw golwg ar eu sgiliau a’u gwybodaeth a meithrin cysylltiadau.”

Ymunodd Llifon Jones â'r cwmni yn 2014 ar ôl bod ar leoliad â thâl am ddau fis yn ystod ei radd meistr mewn systemau cyfrifiadurol ac mae wedi dringo'r ysgol yrfaol o fod yn ddatblygwr meddalwedd i fod yn uwch bensaer meddalwedd.

Dywedodd: “Er mai bach yw'r busnes, mae yna lawer o gyfleoedd i ddatblygu.

“Does dim rhaid i chi fynd i ddinas fawr i ddod o hyd i leoliad sy'n addas i chi; os ydych chi'n rhagweithiol gallwch ddod o hyd i rai ar stepen eich drws ac mae llawer ohonyn nhw yma yn y gogledd."

Dywedodd Paula Noon, a fu'n astudio dylunio cynnyrch yn y brifysgol ac sydd bellach yn beiriannydd ansawdd gyda Bee Robotics: “Roeddwn yn poeni na fyddwn yn dod o hyd i gyflogaeth ar ôl gorffen fy astudiaethau, ond ar ôl mynd i Sioe Dylunio Israddedigion y Brifysgol ac arddangos fy sgiliau a phrototeipiau i ddarpar gyflogwyr, cefais swydd gyda Bee.”

Nid yw pob myfyriwr sy'n ennill cyflogaeth wedi bod ar gyrsiau dylunio a thechnoleg, sy'n dyst i ymddiriedaeth Bee yng nghyn-fyfyrwyr y brifysgol.

Dywedodd Shailaja Bakshi, myfyriwr rhyngwladol o India sydd ar hyn o bryd yn astudio ar gyfer PhD mewn ieithyddiaeth: “Ymunais â Bee fel gweinyddwr cynhyrchu ac rwyf wedi dod iddi'n dda iawn oherwydd bod gen i gysylltiad yn gyffredin â llawer o'r gweithwyr eraill yma.”

Meddai'r Athro Paul Spencer, Dirprwy Is-ganghellor gyda chyfrifoldeb dros gyflogadwyedd ac ymgysylltu a phartneriaethu â chwmnïau "Mae'n bwerus dros ben medru dangos i gyflogwyr a myfyrwyr fod creu cysylltiadau drwy brofiad gwaith yn gallu arwain at lwyddiant ysgubol.

"Mae'n wych fod ein graddedigion yn cael y cyfleoedd yma i dderbyn swyddi'n lleol yma yng ngogledd Cymru gyda ystod eang o gwmnïau sy'n arwain y byd yn eu maes fel Bee Robotics.

"Mae gennym bartneriaeth hir dymor gyda Bee, sy'n esiampl berffaith o'r buddion sy'n dod o greu perthynas agos rhwng cyflogwyr a Phrifysgol ������ϲʹ�������."