Mae gardd a enillodd wobr Aur yn Sioe Flodau Chelsea eleni bellach wedi’i throsglwyddo i Ardd Fotaneg Treborth, Prifysgol Ïã¸ÛÁùºÏ²Ê¹ÒÅÆ×ÊÁÏ.
Agorwyd ‘Gardd Maint Cymru’ yn swyddogol ddydd Gwener yma (12 Gorffennaf, 10.30am) ym mhresenoldeb ysgolion cynradd lleol, gwleidyddion, gwirfoddolwyr Cyfeillion Treborth a chynrychiolwyr Prifysgol Ïã¸ÛÁùºÏ²Ê¹ÒÅÆ×ÊÁÏ, y dylunwyr gerddi Studio Bristow a’r partner elusennol, .
Bydd yr ardd ar agor saith diwrnod yr wythnos i’r cyhoedd ei mwynhau.
Fe'i lleolir ar y prif lawntiau yng Ngardd Fotaneg Treborth gyda'r coetir yn gefndir.
Ìý
Cafodd yr ardd groeso mawr yn y sioe, gan ennill Aur a’r gorau yn y categori ‘Planhigion Gorau’, felly mae dod â’r ardd yn ôl i Dreborth yn arbennig iawn. Mae wedi bod yn broses gyffrous i weithio gyda’r dylunydd gerddi Dan Bristow a’r tîm ar ailadeiladu’r ardd ar dir Treborth, gan ail-greu hanfod yr ardd gyda rhai newidiadau a syniadau newydd i sicrhau ei bod yn ffynnu yn ei chartref newydd yma yng Nghymru.
Ìý
Cydweithiodd Dan Bristow ag elusen newid hinsawdd Cymru Maint Cymru ar yr ardd fioamrywiol, hudolus i ddod â bioamrywiaeth gyfoethog bywyd planhigion mewn coedwigoedd trofannol i’r amlwg, wrth dynnu sylw at ganlyniadau dinistriol datgoedwigo - collwyd ardal o goedwig sy’n fwy na dwywaith maint Cymru yn 2022. Derbyniodd y prosiect arian gan Project Giving Back, yr elusen grantiau unigryw sy’n cefnogi gerddi at achosion da yn RHS Chelsea.
Mae’r ardd yn cynnwys tua 313 o rywogaethau o blanhigion, sy’n adlewyrchu nifer y rhywogaethau coed y gellir darganfod mewn dim ond un hectar o goedwig drofannol.
Ìý
Mae Gardd Maint Cymru yn trochi ymwelwyr mewn tirwedd gyfoethog sy’n cynrychioli coedwigoedd trofannol, ond mae’n cynnwys rhywogaethau o blanhigion sy’n ffynnu yn ein hecosystemau hanfodol ein hunain yma yn y Deyrnas Unedig. Y gobaith yw y bydd hyn yn herio ymwelwyr i gydnabod bod tirweddau ein cartref annwyl ninnau hefyd dan fygythiad.
Ìý
Mae’r ardd yn trosglwyddo neges gadwraeth gref, gan godi ymwybyddiaeth am fater hollbwysig datgoedwigo a’i effaith ar fioamrywiaeth fyd-eang. Nid yn unig y mae’n addysgu ymwelwyr am ein heffaith ni ar newid hinsawdd, ond mae bod yn gartref i ardd Maint Cymru yn amlygu ymhellach werth Treborth fel gofod i bawb ddysgu am, a chael mynediad i, ardd fydd llawer ddim wedi ei gweld yn y sioe ei hun.
Dathlu Agoriad Swyddogol Gardd Maint Cymru yng Ngardd Fotaneg Treborth
