Ïã¸ÛÁùºÏ²Ê¹ÒÅÆ×ÊÁÏ

Mae Cynhadledd Wolpertinger wedi bod yn cael ei threfnu gan glwb Wolpertinger ers 1987. Eleni, croesawodd y gynhadledd academyddion, ymarferwyr, a llunwyr polisi blaenllaw, a bu trafodaethau ynglÅ·n ag ymchwil empirig a damcaniaethol amserol, materion polisi a datblygiadau cyfoes ym maes bancio a phynciau cysylltiedig eraill ym maes cyllid.

Cyflwynodd Rasha, sy'n arwain y grŵp cynllunio ymchwil Risg Credyd o fewn y Sefydliad Cyllid Ewropeaidd (IEF) ym Mangor, bapur ymchwil newydd o'r enw ‘The Impact of Uncertainty on Monetary Policy Transmission -A Dynamic Structural Estimation of Heterogeneous Banks’, a ysgrifennwyd ar y cyd â Dr Laurence Jones (Prifysgol Ïã¸ÛÁùºÏ²Ê¹ÒÅÆ×ÊÁÏ) a Dr Noemi Mantovan (Prifysgol Lerpwl).

Mae pandemig Covid-19, Brexit, y gwrthdaro rhwng Wcráin a Rwsia, a chyfraddau chwyddiant cynyddol wedi taro sectorau bancio gwledydd Ardal yr Ewro ar adeg pan fo diwygiadau rheoleiddiol newydd wedi newid y ffordd y maent yn gweithredu. Mae'r digwyddiadau alldarddol hyn wedi achosi ansicrwydd cynyddol ynghylch cyfeiriad y sector bancio yn y dyfodol ac amodau ariannol a macro-economaidd y gwledydd. Mae'r papur yn datblygu model Amcangyfrif Strwythurol Deinamig (DSE) newydd i archwilio effaith ansicrwydd economaidd newidiol ar awydd banciau i gymryd risg ac ar eu hymddygiad benthyca, a sut y maent yn cyfryngu trosglwyddiad polisïau ariannol. Mae'n canolbwyntio ar fanciau yng ngwledydd Ardal yr Ewro dros y cyfnod 2013 i 2023, sy'n galluogi archwilio dylanwad polisi cyfradd llog negyddol (NIRP - Mehefin 2014-Gorffennaf 2021) Banc Canolog Ewrop, yn ogystal â'r codiadau diweddar mewn cyfraddau llog.

Mae dadansoddiad deinamig yn fwy addas ar gyfer disgrifio ymddygiad y systemau bancio cymhleth gan fod dynameg a dolenni adborth y banciau wedi'u cynnwys yn benodol yn ein model. Mae'r model yn caniatáu dadorchuddio'r mecanweithiau sy'n sail i ymatebion banciau i ddigwyddiadau alldarddol yn ystod ansicrwydd cynyddol. Felly, gallwn arsylwi canlyniadau nifer o newidiadau mewn polisi ariannol a wneir gan un banc canolog, a weithredir ar yr un pryd ar draws nifer o wahanol wledydd yr Undeb Ewropeaidd gydag amodau economaidd amrywiol. Yr astudiaeth hon felly yw'r gyntaf i ganfod sut mae amodau macro-economaidd ar lefel gwlad a heterogenedd yn dylanwadu ar bolisi ariannol.

Un wedi ei amcangyfrif yw’r model, yn cyfateb llu o fomentau o'n set ddata i sicrhau bod y banciau'n ymddwyn mewn modd cyffelyb. Yna, cynhelir tair set o efelychiadau gwrthffeithiol, ac maent yn dangos y canlynol:

• Mae ansicrwydd cynyddol yn lliniaru effeithiau argyfwng wrth i fanciau fenthyca llai ac wrth iddynt fod â chronfeydd wrth gefn a chyfalaf uwch.
• Mae mesurau tynhau ariannol confensiynol yn lleihau benthyca gan fanciau gan gynyddu proffidioldeb, tra bo llacio polisi ariannol o dan y polisi cyfradd llog negyddol yn rhoi hwb i fenthyca trwy wasgariadau is.
• Mae tynhau polisïau yn lleihau benthyca yn ystod cyfnodau o ansicrwydd mawr oherwydd effeithiau’r farchnad gyfalaf, galw is am fenthyciadau, a sianel bŵer wannach yn y farchnad fenthyciadau, tra bod lleddfu polisïau’n cynyddu’r ddarpariaeth benthyciadau.

Mae'r astudiaeth yn cyfrannu tystiolaeth newydd a phwysig am drosglwyddiad polisïau ariannol, trwy ddangos sut mae disgwyliadau macro-economaidd banciau yn dylanwadu ar sianeli trosglwyddiad polisïau ariannol. Mae gan ein canlyniadau oblygiadau pwysig i lunwyr polisi, rheoleiddwyr ariannol, y diwydiant bancio a bancwyr canolog.

Cafodd y papur groeso brwd iawn yng nghynhadledd Wolpertinger. Mae cyfranogiad Rasha wedi adlewyrchu'n dda ar Ysgol Busnes Ïã¸ÛÁùºÏ²Ê¹ÒÅÆ×ÊÁÏ ac wedi cyfrannu'n ystyrlon at y corff ymchwil yn y maes hwn.

Hoffai Rasha a Laurence ddiolch i'r Academi Brydeinig am eu cefnogaeth ariannol.