������ϲʹ�������

Nod elfen academaidd y rhaglen yw eich cael i gymryd rhan weithredol yn y broses ddysgu.�� Un cymorth mawr yw bod pob grŵp blwyddyn yn gymharol fach, sy’n caniatáu digon o le i drafod a datblygu syniadau a sgiliau.�� Disgwylir i chi gymryd rhan lawn yn yr addysgu trwy ddod â'ch deunyddiau a'ch profiadau clinigol eich hun i’w trafod, a thrwy gymryd rhan mewn gweithgareddau chwarae rôl i ddatblygu eich sgiliau. Mae'r cwricwlwm academaidd yn rhoi pwyslais ar bersbectif rhychwant oes. Mae hyn yn golygu y caiff meysydd pwnc eu dysgu gan glinigwyr o nifer o arbenigeddau, gan sicrhau y cewch olwg datblygiadol o’r meysydd hynny a’ch bod yn gwerthfawrogi sut mae'r un modelau damcaniaethol a’r un dulliau gweithredu yn cael eu defnyddio gyda gwahanol grwpiau o gleientiaid o oedrannau gwahanol.

Yn dilyn model gymhwysedd y rhaglen, mae'r rhan fwyaf o'n haddysgu yn cyfateb i'r cymwyseddau a ddatblygwyd ym mhob un o'r pum lleoliad. Ar ddechrau blwyddyn un, darperir addysg sylfaen i chi sy'n berthnasol i waith cyffredinol seicolegwyr clinigol mewn lleoliadau amrywiol. Mae hyn yn cynnwys sgiliau creiddiol ymgysylltu ac asesu a sgiliau therapiwtig, yn ogystal â chodau moeseg ac ymddygiad proffesiynol a fframweithiau cyfreithiol perthnasol. Tra byddwch ar leoliad, un o nodau'r addysgu yw eich arfogi â'r wybodaeth a'r sgiliau damcaniaethol i wneud gwaith asesu a chysyniadoli seicolegol gadarn. Hanner ffordd drwy'r lleoliad hwn byddwch hefyd yn cymryd rhan mewn cwrs ymwybyddiaeth ofalgar am 8 wythnos yn rhan o'ch addysgu, i osod y sylfeini ar gyfer dysgu mwy am ddulliau trydedd don ac am wneud defnydd ohonoch chi eich hun i helpu rheoli gofynion yr hyfforddiant. Yn ystod yr ail a'r trydydd lleoliad, (ymyriad I ac ymyriad II) bydd yr addysgu yn canolbwyntio mwy ar fodelau therapiwtig a datblygu sgiliau, gan gynnwys Therapi Ymddygiad Gwybyddol, Therapi Derbyn ac Ymrwymo a Therapi Ymddygiad��Dialectig. Cyflwynir modelau therapiwtig eraill hefyd wrth i'r hyfforddiant fynd rhagddo gan gynnwys Therapi Sgema a Therapi sy'n Canolbwyntio ar Dosturi. Yn ystod eich pedwerydd lleoliad, mae i’r dysgu mwy o bwyslais ar ddamcaniaethau ac ymarfer sy’n ymwneud â gweithio systemig ac arweinyddiaeth.

Rydym yn gweithio’n gyson i ddatblygu ein haddysgu er mwyn iddo gyfrannu at ofynion achredu cymwysterau proffesiynol eraill, megis Cymdeithas Seicotherapïau Ymddygiadol a Gwybyddol Prydain (BABCP), achrediad therapyddion ymddygiad gwybyddol, hyfforddiant lefel sylfaen y Gymdeithas Therapi Teuluol ac Ymarfer Systemig (AFT) a chymhwyster Cymdeithas Seicolegol Prydain mewn niwroseicoleg glinigol. Mae ein haddysgu ym maes therapi ymddygiad dialectig (a'r profiad clinigol cysylltiedig) wedi'i ehangu fel y gall hyfforddeion gaffael yr holl gymwyseddau sy'n seiliedig ar wybodaeth a'r rhan fwyaf o'r cymwyseddau sy’n seiliedig ar ymarfer y byddai eu hangen i gael achrediad fel therapydd ymddygiad dialectig gan Gymdeithas Therapi Ymddygiad Dialectig y Deyrnas Unedig ac Iwerddon, sy'n gweithredu’r safonau achredu rhyngwladol ym maes therapi ymddygiad dialectig.

- Cyn pob lleoliad bydd bloc o addysgu a fydd yn para rhwng pythefnos a phum wythnos. Unwaith y byddwch ar leoliad, bydd dyddiau addysgu wythnosol yn parhau i gael eu cynnal am ran helaeth o'r flwyddyn, sy'n golygu y cewch gadw mewn cysylltiad parhaus â'r rhaglen a chyd-aelodau eich carfan blwyddyn. Cynhelir dau ddiwrnod addysgu arall hefyd bob blwyddyn academaidd, pan ddaw'r tair carfan at ei gilydd, a chaiff pynciau arbenigol a chyfredol eu cyflwyno a'u trafod. Y teitlau ar gyfer diwrnodau addysgu diweddar pob carfan yw 'Seicoleg Glinigol - Deall a Mynd i'r Afael ag Anghyfiawnder, Hiliaeth a Gwahaniaethu Epistemig' a 'Chyfweld Cymhellol a Gweithio gyda Phobl sy'n Camddefnyddio Sylweddau'.

Cewch eich dysgu yn yr ystafelloedd addysgu pwrpasol ym Mhrifysgol ������ϲʹ�������, yn agos at swyddfeydd y tîm staff ac mae cegin a lle bwyta helaeth i’w rannu. Mae gennych hefyd fynediad i ystafell adnoddau helaeth i hyfforddeion i wneud gwaith academaidd ar sawl un o gyfrifiaduron y Brifysgol a'r Bwrdd Iechyd.

Er mai seicolegwyr clinigol ac academaidd o ogledd Cymru sy’n gwneud y rhan fwyaf o’r addysgu, gwahoddir seicolegwyr o’r tu hwnt i’r ardal a gweithwyr proffesiynol eraill hefyd i gyfrannu lle bo’n briodol. Mae aelodau o ‘Panel y Bobl’ a defnyddwyr gwasanaeth a gofalwyr eraill yn cymryd rhan amlwg mewn nifer o sesiynau addysgu trwy gydol y tair blynedd. Mae’r hyfforddeion yn gwerthfawrogi eu persbectif yn arw ac mae'r adborth yn gyson dda. Byddwch yn rhoi adborth ar yr holl sesiynau academaidd, ac mae hynny’n galluogi’r rhaglen i barhau i wella’r safonau addysgu.

Aseiniadau Academaidd - Mae tri aseiniad academaidd i'w cwblhau dros y tair blynedd.

• Rydych chi'n dechrau gydag aseiniad dysgu sy'n seiliedig ar broblemau, y byddwch chi'n ei ddatblygu gyda'ch cyd-hyfforddeion.
• Ym mlwyddyn 2 rydych chi'n rhoi cyflwyniad ar fater proffesiynol sy'n codi o'ch lleoliad systemig ac arweinyddiaeth.
• Ar ôl cyflwyno'r traethawd ymchwil, byddwch yn ysgrifennu aseiniad adfyfyriol ar eich dysgu a gaiff ei asesu'n ffurfiannol.

Er bod diwyg yr aseiniadau wedi'i bennu, chi fydd yn dewis eich pynciau clinigol-berthnasol eich hun ar eu cyfer. Gall siaradwyr Cymraeg gyflwyno eu gwaith yn Gymraeg.

Mae dysgu yn parhau wrth i chi gymhwyso damcaniaethau a gyflwynwyd yn yr ystafell ddosbarth, drwy astudio annibynnol, a thrwy weithio gyda'ch cleientiaid ar leoliad. Bydd y profiad clinigol yn dechrau tua diwedd mis Hydref yn y flwyddyn gyntaf ac yn para dros dair blynedd y rhaglen.�� Bydd y lleoliadau yn eich cynorthwyo i ddatblygu sgiliau asesu, cysyniadoli ac ymyrraeth (Lleoliad Sylfaen) cyn symud ymlaen i ddatblygu sgiliau mewn ymyriadau therapiwtig a therapïau seicolegol penodol (Ymyrraeth I a II). Bydd lleoliadau diweddarach yn canolbwyntio ar ddatblygu eich sgiliau mewn cymwyseddau systemig ac arweinyddiaeth a byddwch yn gorffen eich hyfforddiant gyda lleoliad atodol neu ddethol o'ch dewis.

Mae’r lleoliadau fel a ganlyn:

• Blwyddyn 1: Sylfeini Asesu, Cysyniadoli ac Ymyrraeth (Tachwedd - Ebrill)
• Blwyddyn 1: Ymyrraeth I (Mai - Hydref).
• Blwyddyn 2: Ymyrraeth II (Tachwedd - Mehefin).
• Blwyddyn 2/3 Gweithio gyda Systemau ac Arweinyddiaeth (Gorffennaf - Rhagfyr).
• Blwyddyn 3: Dethol/Atodol (Rhagfyr - Medi).

Bydd pob lleoliad clinigol yng ngogledd Cymru a gogledd Powys, sy’n ardal ddaearyddol fawr sy'n ymestyn o Wrecsam i Bwllheli ac o Gaergybi i'r Drenewydd a Dolgellau, lle ceir trefi a dinasoedd ôl-ddiwydiannol a chymunedau gwledig.

Mae’r lleoliadau sydd ar gael ar hyn o bryd yn cynnwys:

• Iechyd Meddwl Oedolion: gan gynnwys gwasanaethau iechyd meddwl gofal eilaidd, gwasanaeth gofal fesul cam, gwasanaethau cleifion mewnol, gwasanaeth anhwylderau bwyta, iechyd meddwl amenedigol, gwasanaethau camddefnyddio sylweddau a gwasanaethau seicosis cynnar.
• Oedolion Hŷn: gan gynnwys clinigau cof a thimau cymunedol.
• Gwasanaethau Plant a Phobl Ifanc: gan gynnwys CAHMS, gwasanaethau mewnol i bobl ifanc a gwasanaethau niwroddatblygiadol.
• Anableddau Deallusol: gwasanaethau oedolion a phlant.
• Gwasanaethau fforensig: uned a charchar diogelwch canolig.
• Gwasanaethau anafiadau i’r ymennydd: gwasanaethau oedolion a phlant.
• Seicoleg Glinigol Iechyd: gan gynnwys gofal arennol, rheoli poen, diabetes, gwasanaethau blinder cronig, oncoleg a gofal lliniarol, gwasanaethau pediatrig, gofal critigol, anhwylderau gwaedu etifeddol, gwasanaeth breichiau artiffisial a gwasanaeth cyhyrysgerbydol.
• Gwasanaethau Cefnogi a Lles Staff.
• Mae'r Dulliau Therapiwtig a ddefnyddir yn cynnwys: Therapi Ymddygiad Gwybyddol, Therapi Ymddygiad Gwybyddol ar gyfer Seicosis, Therapi Ymddygiad Dialectig, Therapi Derbyn ac Ymrwymiad, Therapi Sgema a Therapi sy'n canolbwyntio ar Dosturi.

Caiff cytundebau lleoliad eu trafod rhyngoch chi a’r goruchwyliwr, ar y cyd â staff y rhaglen.�� Adolygir y cytundebau hynny hanner ffordd trwy’r lleoliad.�� Caiff pob lleoliad ei werthuso gan eich goruchwyliwr clinigol, a fydd yn asesu ystod lawn o gymwyseddau clinigol a phroffesiynol. Byddwch yn rhoi adborth ar yr holl leoliadau fel rhan o’n hymdrech i sicrhau ein bod yn cynnal ac yn gwella ansawdd uchel y profiad clinigol.

Yn aml, dyrennir lleoliadau i hyfforddeion sy'n siarad Cymraeg lle gallwch ddefnyddio'r Gymraeg wrth eich gwaith yn eich ymarfer clinigol a lle bo hynny'n bosibl gyda'ch goruchwyliwr.

Aseiniadau Clinigol -

• Byddwch yn cwblhau adroddiad ar weithgarwch clinigol (RCA) yn eich lleoliad Sylfaen.
• Byddwch yn cwblhau adroddiad ar weithgarwch clinigol (RCA) yn ymwneud â’ch lleoliad Ymyrraeth 1.
• Byddwch yn cwblhau dau adroddiad ar weithgarwch clinigol o'ch lleoliad Ymyrraeth II hirach lle byddwch yn llunio darn o waith o ddau safbwynt damcaniaethol neu therapiwtig gwahanol a byddwch yn cyflwyno un arall o'ch darnau gwaith clinigol.
• Rhaid i un o'ch adroddiadau ar weithgarwch clinigol fod ynghylch therapi ymddygiad gwybyddol.

Mae angen i chi gyflwyno recordiad o sesiwn lle rydych yn defnyddio therapi ymddygiad gwybyddol, sy'n cael ei raddio gan ddefnyddio'r CTS-R, neu offeryn asesu perthnasol arall.����

��

Nod y cwricwlwm ymchwil yw sicrhau bod hyfforddeion yn meithrin profiad o ddefnyddio amrywiaeth o ddulliau ymchwil, ac yn cael dealltwriaeth fanwl o'r dystiolaeth sydd wrth wraidd ymarfer clinigol.�� Mae hyfforddiant mewn sgiliau ymchwil yn digwydd trwy gydol y tair blynedd.

Aseiniadau Ymchwil -

Mae tri phroject ymchwil i'w cwblhau dros y tair blynedd.

• Byddwch yn dechrau gyda phroject dadansoddi data, gan ddefnyddio setiau data mawr sydd ar gael i'r cyhoedd i ateb cwestiynau gosod.��
• Mae'r project ymchwil sy'n gysylltiedig â gwasanaeth yn ddarn o ymchwil hynod gymhwysol, fel archwiliad neu werthusiad o wasanaeth, a gwblheir yn ystod ail flwyddyn y rhaglen.
• Yn olaf, mae gennych eich project ymchwil mawr, a dyna fydd hanfod traethawd ymchwil eich doethuriaeth, y byddwch yn gweithio arno drwy gydol y rhaglen. Mae'r traethawd ymchwil yn cynnwys adolygiad systematig neu feta-ddadansoddiad, astudiaeth empirig a phapur ar oblygiadau ymchwil a chlinigol eich gwaith. Disgwylir i'r gwaith hwn fod o safon y gellid ei gyhoeddi, ac yn ystod y pum mlynedd ddiwethaf yn unig mae dros 30 o bapurau hyfforddeion wedi'u cyhoeddi mewn cyfnodolion academaidd. Yn eich blwyddyn olaf bydd gennych arholiad llafar, neu viva, ble byddwch yn amddiffyn eich traethawd ymchwil.

Mae'r rhaglen yn cynnal ffair ymchwil flynyddol, lle mae seicolegwyr clinigol lleol a chynrychiolwyr o ‘Banel y Bobl’ yn cyflwyno ac yn rhannu eu syniadau ymchwil. Anogir hyfforddeion i gysylltu â goruchwylwyr lleol (neu gydweithwyr eraill yn y DU) i drafod a datblygu eu project ymchwil ar raddfa fawr.�� Mae'r rhaglen yn cefnogi ac yn goruchwylio ymchwil ansoddol a meintiol yn ogystal â phrojectau dadansoddi data eilaidd. Mae'r tîm ymchwil yn ymdrechu i'ch cefnogi i wneud projectau yn eich meysydd diddordeb, yn hytrach na chael eich neilltuo i brojectau o restr.

Meysydd diweddar lle mae hyfforddeion wedi cynnal ymchwil -

• Exploring the Challenges of Intercultural Qualitative Health Research and the Experiences of Doctors in Lesotho.
• ��Recovery Factors in Type 1 Diabetes Disordered Eating.
• A Thematic Analysis of the Function of Sleep-wake Inversion among Adults with Psychosis.
• Developing Systemic Approaches to Tic Disorders in Education and Healthcare Settings.
• Exploring Healthcare Professionals' Experiences of Providing Care for People with Dementia across the Lifespan.
• The Ghost in Care: Mothers' Experiences of Mental Health and Involvement with Services following Separation from their Child(ren).
• Should it come with the Territory? Experiences and Discourses of two groups of Professionals.
• An Exploration of the role Social Class has in Clinical Psychology Training and for Adults Engaging with Psychological Therapies in the UK.
• An Exploration of Homelessness and Mental Health.

�� ����

Darperir goruchwyliaeth ymchwil gan dîm y rhaglen, seicolegwyr clinigol lleol a chydweithwyr yn y brifysgol. Mae ymchwil mewn seicoleg glinigol a seicoleg iechyd glinigol yn un o���� gryfderau’r Ysgol Seicoleg. Mae’r rhaglen yn cefnogi projectau ymchwil o bob cwr o’r traddodiad ymarferwr gwyddonol, gan ddefnyddio methodolegau meintiol ac ansoddol.

Rydym yn cynnal cynhadledd ymchwil flynyddol lle bydd yr hyfforddeion yn cyflwyno eu projectau ymchwil trwy gyfrwng cyflwyniadau neu bosteri. Rydym yn gwahodd hyfforddeion sydd newydd eu derbyn i'r gynhadledd hon cyn iddynt ddechrau ar y rhaglen.��

Meysydd diweddar ymchwil hyfforddeion -

Teitlau ymchwil 2017-2020

Dyma deitlau’r projectau ymchwil a wnaed gan ein hyfforddeion o’r tair carfan olaf i gymhwyso. Maent wedi eu dosbarthu dan y categorïau mwyaf perthnasol ond mae meysydd clinigol rhai ohonynt yn gorgyffwrdd.

Mae teitlau’r traethodau ymchwil yn ymdrin â’r adolygiad systematig a’r papur empirig, ac nid ydynt bob amser yn adlewyrchu’r amrywiaeth o ddulliau ansoddol a meintiol a ddefnyddiwyd.

Seicoleg amenedigol

• How do women in North Wales experience accessing a specialist perinatal mental health service?

• Seeing both sides: wellbeing in maternity services post COVID-19.

Plant/pobl ifanc

• Children in crisis: Trends in the mental health and well-being of children and young people in Wales from 2009-2015.
• Exploration of the mechanisms of change in video feedback sessions during Pre-School Autism Communication Therapy: The parents perspective.��
• Developing systemic approaches to tic disorders in education and healthcare settings.

Seicoleg oedolion

• Serious mental illness and wellbeing: An exploration of the impact of the Covid-19 pandemic and interventions to improve social functioning.
• Why now? What did an autism assessment and diagnosis in middle age add to someone’s life? A thematic analysis of experiences of individuals seeking an HFA diagnosis in adulthood.
• The ripple effect of sexual trauma: A qualitative exploration of direct effects on women survivors’ romantic relationships.
• Sleep-wake reversal among people with psychosis: A functional contextualist interpretation
• Eating Disorder Recovery: An exploration of the influence of sociocultural factors.
• I can’t get no sleep:����An exploration of sleep quality in stigmatised groups.��
• The ghost in care: Mothers' experiences of mental health and involvement with services following separation from their child(ren).
• An Exploration of Homelessness and Mental Health.
• Similar yet different: experiences and perceptions of frequently overlooked groups within mental health contexts.

Seicoleg oedolion hŷn

• The experience of mental health problems in later life.��
• Exploring healthcare professionals' experiences of providing care for people with dementia across the lifespan.

Rhywedd

• Where voices are heard: An exploration of transgender and gender non-conforming (TGNC) identity in the UK.
• Turning to face difficulty: Overcoming the barriers to men’s mental health.��

Dulliau therapiwtig

• Exploring the effectiveness of Dialectical Behavioural Therapy in university students.��
• A narrative analysis of an adventure therapy programme in early intervention psychosis services.
• .��

Niwroseicoleg

• Which came first, playing chicken or the egg on the head? Evidence for a causal relationship between paediatric traumatic brain injury and antisocial behaviour from a prospective national cohort study.

Seicoleg fforensig

• Women sent away:����The needs and experiences of women in prison and forensic inpatient services.
• Offenders charged with indecent images of children offences: experiences of police contact, accessing support, and consequences for future offending.
• An exploration of female violence and anger.��
• Care and compassion: An exploration of care experiences and compassion focused approaches in forensic and inpatient mental health services.

Seicoleg iechyd

• Renal patients' lived experiences and perspectives on conservative kidney management and kidney transplantation.
• The impact of involving young people with chronic health conditions as EBEs, an exploration.
• Young patients’ experiences of adhering to type 1 diabetes treatment.
• Psychological wellbeing and quality of life in multiple sclerosis.
• Exploring the role of social capital in psychological wellbeing and physical health.

Defnyddio sylweddau

• A qualitative exploration of the process and experience of change throughout ‘Moving on in my recovery’: a psychological group intervention promoting recovery from addiction.
• “Two different sides to it”: an exploration of psychotic experiences and cannabis use in young adults.����

Staff/GIG

• Staff perspectives on challenges of working within the contemporary NHS.
• Creating more compassionate mental health teams: compassion-based intervention for staff working in inpatient mental health services. A feasibility study.
• Keep quiet and carry on: Living and working (during Covid - 19) in an inpatient unit.����
• Exploring the challenges of intercultural qualitative health research and the experiences of doctors in Lesotho.
• Should it come with the territory? Experiences and discourses of two groups of professionals.
• An exploration of the role social class has in clinical psychology training and for adults engaging with psychological therapies in the UK.

��

Nid oes unrhyw arholiadau ysgrifenedig nas gwelwyd o’r blaen ar y rhaglen, ond byddwch yn cwblhau cyfanswm o 10 aseiniad, gan gynnwys traethawd ymchwil terfynol.��

Caiff cymwyseddau mewn agweddau damcaniaethol ar seicoleg glinigol, sgiliau clinigol a materion proffesiynol eu gwerthuso trwy asesu parhaus trwy gyfrwng amrywiaeth o aseiniadau academaidd, cyflwyniadau, gwerthusiadau o gymwyseddau clinigol a phroffesiynol, adroddiadau ar weithgarwch clinigol (gan gynnwys un yn defnyddio therapi ymddygiad gwybyddol), darn o waith adfyfyriol, project dadansoddi cronfa ddata, project ymchwil sy’n gysylltiedig â gwasanaeth a phroject ymchwil mawr (y traethawd ymchwil).�� Er bod ffurf yr asesiadau wedi eu pennu, chi sy'n penderfynu ar y maes pwnc clinigol y mae arnoch eisiau rhoi sylw iddo.�� ��

Mae arholwyr allanol a chanddynt brofiad helaeth o raglenni hyfforddi seicoleg glinigol yn chwarae rhan amlwg yn y gwaith o feincnodi ein system farcio. �� Ar ddiwedd y drydedd flwyddyn, caiff y traethawd ymchwil ei werthuso trwy gyfrwng arholiad llafar (viva voce).

Gall hyfforddeion sy'n siarad Cymraeg wneud eu haseiniadau yn Gymraeg os dymunant. �� Mae'r rhaglen yn trefnu gwasanaethau cyfieithu.

Cafodd Grŵp Cyswllt Defnyddwyr Gwasanaeth a Gofalwyr ein rhaglen ei enwi yn 'Panel y Bobl' gan ei aelodau.�� Sefydlwyd Panel y Bobl yn 2008 gyda'r nod penodol o gryfhau’r modd mae hyfforddeion yn dysgu o safbwynt Defnyddwyr Gwasanaeth/Gofalwyr.�� Mae gennym gynrychiolwyr dan hyfforddiant o bob blwyddyn carfan ar Banel y Bobl, gan felly ddarparu cyfleoedd rheolaidd i hyfforddeion a defnyddwyr gwasanaeth a gofalwyr ymgynghori â'i gilydd ar ystod eang o bynciau clinigol a meysydd datblygu perthnasol.

Ar hyn o bryd mae Panel y Bobl yn cynnwys unigolion sydd wedi ymwneud â seicoleg glinigol mewn amryw feysydd fel maes iechyd meddwl oedolion, seicoleg iechyd clinigol, oedolion hŷn, a gwasanaethau anabledd deallusol plant ac oedolion.�� Mae’r gynrychiolaeth ar y Panel y Bobl yn newid yn rheolaidd gydag aelodau newydd yn ymuno ac aelodau hŷn yn gadael, naill ai pan fyddant yn teimlo bod eu hymwneud wedi cyrraedd ei ddiwedd naturiol neu ar ôl cyfnod o dair blynedd.

Mae aelodau Panel y Bobl yn ymwneud ag ystod o wahanol agweddau ar y rhaglen hyfforddi.�� Mae ganddynt gynrychiolaeth ar bob pwyllgor rhaglen a rhan allweddol yn ein gweithdrefnau o ddethol hyfforddeion a staff.�� Mae aelodau Panel y Bobl yn cyd-hwyluso gweithdai therapi ymddygiad gwybyddol lle rhoddir adborth yn uniongyrchol i hyfforddeion ar eu perfformiad o safbwynt defnyddwyr gwasanaeth a gofalwyr ac maent yn cyfrannu’n frwd at nifer o sesiynau addysgu ar y rhaglen. Mae aelodau Panel y Bobl hefyd yn gweithredu fel ymgynghorwyr ar gyfer yr aseiniad Dysgu Seiliedig ar Broblemau. Mae hyfforddeion yn ystyried y profiad hwn yn un cadarnhaol ac yn dweud eu bod yn gwerthfawrogi eu cyngor, eu harweiniad a'u hadborth.�� Mae hyfforddeion yn gofyn yn rheolaidd i aelodau Panel y Bobl am adborth ynghylch agweddau ar eu projectau ymchwil, fel syniadau o gynlluniau cynnar, taflenni gwybodaeth a ffurflenni cydsynio i gyfranogwyr, a chyflwyno projectau ymchwil ar wahanol gamau datblygu i gael cyngor ac adborth.�� Ceir trafodaethau bywiog yng nghyfarfodydd Panel y Bobl, lle dadleuir a gwyntyllir meysydd o ddiddordebau cyffelyb. Yn aml dywed hyfforddeion bod y cyfnewidiadau hyn wedi eu helpu i ddatblygu eu syniadau a'u meddylfryd ymhellach. Mae aelodau Panel y Bobl yn mynd i’r ffair ymchwil flynyddol, lle maen nhw a seicolegwyr clinigol BIPBC yn rhannu syniadau gyda’r hyfforddeion am aseiniadau ymchwil ac academaidd. Mae aelodau Panel y Bobl yn awyddus i fod yn fwy cysylltiedig ag ymchwil ac mae'r agwedd hon ar gyfranogiad defnyddwyr gwasanaeth a gofalwyr yn cael ei datblygu ar hyn o bryd i sicrhau'r cydweithredu a'r cyd-gynhyrchu gorau posibl yn y dyfodol.�� Mae Panel y Bobl hefyd wedi cynorthwyo i ddatblygu canllawiau cydsynio i gleientiaid ar gyfer hyfforddeion ar leoliad, a ffurflenni ar gyfer adborth defnyddwyr gwasanaeth i'w llenwi ar ddiwedd ymwneud yr hyfforddai.

Yn ymweliad achredu Cymdeithas Seicolegol Prydain â Phrifysgol ������ϲʹ������� yn 2019, canmolwyd Panel y Bobl y rhaglen fel hyn:��mae ymwneud grŵp amrywiol, ymroddedig ac angerddol ar Banel y Pobl (grŵp Defnyddwyr Gwasanaeth a Gofalwyr), yn cyfrannu’n gadarnhaol i’r rhaglen yn faes o arfer da.

Rhown anogaeth gref i siaradwyr Cymraeg ymgeisio am le ar ein rhaglen gan fod canran helaeth o boblogaeth Gogledd Cymru yn siarad Cymraeg fel iaith gyntaf.��

Wrth lunio rhestr fer rydym yn dyfarnu pwyntiau ychwanegol am eich gallu i siarad Cymraeg (gan gynnwys dysgwyr).�� Nodwch ar eich cais pa mor hyfedr ydych chi yn y Gymraeg. Sylwch: gan fod nifer yr ymgeiswyr dwyieithog Cymraeg-Saesneg yn parhau'n isel (1% o'r holl ymgeiswyr yn y deyrnas unedig, yn unol â data cyfle cyfartal y tŷ clirio), mae mwyafrif yr hyfforddeion ym mhob carfan yn siarad Saesneg.

Mae ein hymrwymiad i hyfforddi seicolegwyr clinigol sy'n siarad Cymraeg a all gwrdd â’r anghenion clinigol ar hyn o bryd ac yn y dyfodol yng Nghymru yn cynnig cyfleoedd unigryw i gynnwys agweddau ymarferol ar amrywiaeth ddiwylliannol yn ein hyfforddiant, a fydd yn ddeniadol i’n holl hyfforddeion. Mae cyllid ar gael i'r rhai hynny sy’n dymuno dysgu Cymraeg neu a hoffai ddilyn cwrs gloywi i fagu mwy o hyder. �� Cynhelir dosbarthiadau gan Brifysgol ������ϲʹ������� yn ogystal â Bwrdd Iechyd Prifysgol Betsi Cadwaladr mewn gwahanol leoliadau ar draws Gogledd Cymru.�� Gall hyfforddeion hefyd fynd i wythnos ddwys o ddysgu Cymraeg sylfaenol cyn dechrau'r rhaglen.�� Dyma wybodaeth am yr hyn y gall y brifysgol ei gynnig:��/cio/index.php.cy

Gall ymgeiswyr Cymraeg eu hiaith gael cyfweliad Cymraeg a darperir gwasanaeth cyfieithu ar y pryd. Gall hyfforddeion sy'n siarad Cymraeg gwblhau eu haseiniadau academaidd yn Gymraeg os dymunant. �� Mae'r rhaglen yn trefnu gwasanaeth cyfieithu i waith ysgrifenedig a chyfieithu ar yr un pryd i gyflwyniadau llafar. Gallwn ddarparu ystod o gyfleusterau i gefnogi hyfforddeion Cymraeg eu hiaith i ddatblygu eu sgiliau ymarfer clinigol yn yr iaith Gymraeg, gan gynnwys lleoliadau a, lle bo’n ymarferol, goruchwyliaeth.��

Rydym yn awyddus i gefnogi ymgeiswyr sy’n siarad Cymraeg drwy gynnig chwech i wyth o sesiynau mentora iddynt gyda naill ai seicolegydd clinigol cymwys neu dan hyfforddiant. Nod y sesiynau hyn yw cynnig dewis i’r unigolyn gael gwybodaeth am waith seicolegydd clinigol, trafod ei werthoedd a'i syniadau am seicoleg (clinigol), ac archwilio llwybrau i hyfforddiant. Cysylltwch â Carolien Lamers��(Cyfarwyddwr Recriwtio a Dewis)��c.lamers@bangor.ac.uk i wybod mwy am y cynllun mentora.

Mae'r rhaglen yn gyflogwr cyfle cyfartal ac mae’n croesawu ymgeiswyr o bob cefndir ac o bob oed. Mae'r rhaglen hefyd yn gweithredu'r .

Cysylltwch â Carolien Lamers (Cyfarwyddwr Recriwtio a Dewis) ��c.lamers@bangor.ac.uk i wybod mwy ac i drafod y gefnogaeth a all fod ar gael i chi yn ystod y broses ddewis ac unrhyw addasiadau rhesymol y gallech fod eu hangen wrth hyfforddi. Gallwch nodi ar y ffurflen gais (Cynllun Hyderus o ran Anabledd) eich bod yn dymuno i’ch cais gael ei ystyried dan y cynllun. Bydd y meini prawf gofynnol a nodir o dan y gofynion mynediad gyda * yn cael eu cymhwyso i'ch cais.

Gallwch hefyd gysylltu â'n Swyddfa Myfyrwyr Anabl am ragor o wybodaeth a chefnogaeth sydd ar gael i ymgeiswyr.

Mae dau gynrychiolydd dan hyfforddiant fesul carfan ar holl bwyllgorau'r rhaglen a Phanel y Bobl. Gofynnir hefyd i hyfforddeion roi sylwadau ar yr holl sesiynau addysgu ac mae gofyn iddynt lenwi ffurflen adborth ar bob lleoliad yr ânt iddo.

Mae ceir les ar gael i hyfforddeion ar y rhaglen ac mae llawer o hyfforddeion yn manteisio ar hyn.

Yn ogystal â llyfrgell y rhaglen ei hun sydd o fewn Llyfrgell Deiniol, caiff hyfforddeion ddefnyddio'r ystod eang o gyfleusterau yn llyfrgell y brifysgol ac yn yr Ysgol Seicoleg, (e.e. labordai seicoleg a chyfrifiadurol).�� Gall hyfforddeion hefyd gael mynediad i lyfrgelloedd y GIG ym mhrif ysbytai’r ardal.�� Mae yna ystafell adnoddau bwrpasol i hyfforddeion sy'n cynnwys cyfrifiaduron y brifysgol a'r GIG.�� Mae gennym ni hefyd lyfrgell brawf gydag asesiadau, y gall hyfforddeion eu benthyca ar gyfer eu gwaith clinigol ac i ymarfer ar gyfer eu hasesiadau cymhwysedd yn rhan o'u lleoliadau.

Caiff pob hyfforddai ei gofrestru gyda llyfrgell Prifysgol ������ϲʹ�������, sy'n cymryd rhan mewn cynllun ledled y DU o'r enw SCONUL Research Extra.�� Mae hyn yn rhoi cyfle ichi ymuno a benthyca o lyfrgelloedd prifysgolion eraill a allai fod mewn lleoliad mwy cyfleus i chi.�� Gallwch fenthyca hyd at 20 eitem o lyfrgell arall y flwyddyn, sy'n eich galluogi i gael gafael ar gyfnodolion, llyfrau a thraethodau ymchwil.

Canolfan Brailsfordyw canolfan chwaraeon y brifysgol ac mae'n darparu cyfleusterau chwaraeon a hamdden i staff a myfyrwyr Prifysgol ������ϲʹ������� ac i'r cyhoedd.�� Ceir cyfleusterau dan do ar gyfer amrywiaeth eang o chwaraeon a gweithgareddau cadw’n heini, yn cynnwys hyfforddiant pwysau, criced dan do, sboncen, trampolinio a llawer mwy.

Mae cyfleusterau awyr agored helaeth ar gael ar ddau safle, sef Canolfan Brailsford��a safle'r Normal.�� Mae'r ddau o fewn pellter cerdded i'n hystafelloedd dysgu ym Mangor.

Ceir nifer o werthwyr tai ac asiantau gosod tai yn ardal ������ϲʹ������� a fydd yn eich helpu i ddod o hyd i rywle i fyw os bydd rhaid i chi symud dros dro neu'n barhaol yn ystod eich hyfforddiant.

Dyma rai dolenni:

www.reedsrains.co.uk
www.dafyddhardy.co.uk
www.rightmove.co.uk

Mae trefniadau gofal plant ar gael yn y brifysgol neu drwy eich awdurdod lleol, yn dibynnu ble rydych yn byw.

Tir Na n-Ogyn feithrinfa ddi-elw a gyllidir gan y brifysgol ac mae'n agored i bob sector o'r gymuned gyda 50 o leoedd gofal plant ar gael, 20 i fabanod o 3 mis oed a 30 i blant bach nad ydynt yn yr ysgol.�� Yn ogystal, ar gyfer plant 5 – 11 oed mae'r cyfadeilad yn cynnwys canolfan ar ôl ysgol a chynllun chwarae yn ystod gwyliau tymor ysgol.��

Mae swydd-ddisgrifiad a gofynion personol Seicolegydd Clinigol dan hyfforddiant ar Raglen Seicoleg Glinigol Gogledd Cymry��

Defnyddir yr holl feini prawf isod yn y broses o greu rhestr fer. Ceir y wybodaeth angenrheidiol o ffurflen gais y Tŷ Clirio a'ch trawsgrifiad academaidd. Mae'r meini prawf a nodir gyda * yn cyfeirio at y meini prawf sylfaenol y mae'n rhaid i bob ymgeisydd eu cyflawni. Asesir y meini prawf hyn gan Seicolegwyr Clinigol y GIG a staff y rhaglen.��Sylwch:��Oherwydd trefniadau cyllido Addysg a Gwella Iechyd Cymru ar gyfer lleoedd ar y rhaglen, ni allwn ystyried ceisiadau nad ydynt yn gymwys ar gyfer statws ffioedd cartref.��

Dim ond y wybodaeth a grybwyllir isod sy'n cael ei lawrlwytho o'ch cais yn ystod y broses o lunio rhestr fer, nid ydym yn gwybod eich enw, oedran, cyfeiriad ac ati. Ni fyddwn yn lawrlwytho’r ffurflen gais gyfan hyd nes y byddwn wedi penderfynu pwy i'w gwahodd am gyfweliad, pan fyddwn yn adolygu'r cais yn ei gyfanrwydd gan ddefnyddio egwyddorion recriwtio diogel.

• Cyn gwneud cais, dylech eisoes feddu ar radd anrhydedd sengl neu gydanrhydedd ddosbarth I neu II(i) mewn Seicoleg (neu radd drosi)* a dylech fod yn�� gymwys ar gyfer Aelodaeth Siartredig ar Sail Raddedig. Byddwn, ar y cyd â Chymdeithas Seicolegol Prydain, yn cymhwyso meini prawf tebyg i feini prawf gradd israddedig mewn seicoleg yn achos gradd drosi seicoleg (www.bps.org.uk/membership/eligibility).

• Rydym angen trawsgrifiad o'ch gradd israddedig neu gymwysterau eraill sy'n rhoi cymhwysedd i chi ar gyfer aelodaeth siartredig ar sail raddedig.

• Rydym yn adolygu marciau modiwlau eich blwyddyn olaf ar eich trawsgrifiad ac yn cyfrifo cyfartaledd, heb gymhwyso unrhyw bwysoliad. Mae angen i'ch sgôr cyfartalog fod yn 60% neu'n uwch. Ar gyfer cyrsiau sy'n defnyddio systemau marcio gwahanol, rydym yn cymhwyso'r arweiniad a ddarparwyd i ni gan y Tŷ Clirio ar sut i ddehongli dosbarthiadau gradd eraill. Ar gyfer cwrs trosi, bydd eich holl fodiwlau yn cael eu defnyddio i gyfrifo'r cyfartaledd hwn.

• Dim ond os ydynt wedi cwblhau PhD y caiff ymgeiswyr â gradd israddedig seicoleg 2.2 eu hystyried. Nid ydym yn dyfarnu pwyntiau i raddau nad ydynt mewn seicoleg.

• Mae angen i chi fod wedi cwblhau'r radd sy'n rhoi cymhwysedd i chi ar gyfer aelodaeth siartredig ar sail raddedig pan fyddwch yn gwneud cais, sef eich gradd israddedig neu drosi.

• Disgwylir y byddwch wedi cael blwyddyn o leiaf o brofiad clinigol cyflogedig/profiad ymchwil*. Dylai profiad clinigol perthnasol roi'r cyfle i chi ryngweithio'n helaeth â phobl ag anawsterau iechyd neu seicolegol sylweddol, yn ddelfrydol dan oruchwyliaeth seicolegydd clinigol. Bydd profiad a gafwyd mewn swyddi cyflogedig eraill yn gweithio gyda phoblogaeth glinigol yn berthnasol hefyd (e.e. gweithiwr iechyd meddwl, cynorthwyydd gofal, eiriolwr).�� Dylai profiad ymchwil gynnwys ymchwilio i ffenomena seicolegol o fewn poblogaeth glinigol. Byddwn yn cydnabod uchafswm cyfwerth â dwy flynedd llawn amser o brofiad perthnasol cyflogedig.

• Nid yw profiad clinigol a gafwyd ac sydd ei angen fel rhan o hyfforddiant/addysg arall, yn hytrach na chyflogaeth â thâl, yn cael ei ystyried yn brofiad clinigol perthnasol.

• Er nad yw gwaith gwirfoddol yn cael ei ystyried yn brofiad clinigol cyflogedig perthnasol, dyfernir pwyntiau am hyn.

• Yn ychwanegol i'r uchod mae disgwyl i chi gyflwyno ffurflen gais* o ansawdd da, a gaiff ei hasesu gan ddau seicolegydd clinigol. Byddant yn edrych ar ramadeg a sillafu, yn ogystal â'ch crebwyll seicolegol a'ch sylfaen gwerthoedd. Er mwyn arddangos y nodweddion hyn, mae'n ofynnol eich bod yn sicrhau eich bod yn rhoi atebion llawn i’r cwestiynau penagored.

• Rhaid i’ch cais gynnwys dau ddatganiad boddhaol o addasrwydd. Disgwylir i ymgeiswyr gyflwyno datganiadau o addasrwydd academaidd a chlinigol da a chefnogol*. Mae angen i un datganiad o addasrwydd fod gan unigolyn sy'n gallu rhoi sylwadau ar eich galluoedd academaidd ac ymchwil. Darlithydd neu diwtor prifysgol yw'r unigolyn hwn fel rheol. Mae'r datganiad addasrwydd arall yn ymwneud â'ch sgiliau clinigol ac yn ddelfrydol fe'i darperir gan y cyflogwr neu'r goruchwyliwr o'ch swydd ddiweddaraf, oni bai eich bod wedi bod yn gweithio gyda'r canolwr am gyfnod cymharol fyr yn unig. Yn yr achos hwnnw gallech ystyried gofyn i'r sawl y buoch yn gweithio gydag ef/gyda hi cyn hynny ac sydd wedi eich adnabod am gyfnod hirach.�� Mae dau seicolegydd clinigol yn asesu'r datganiad. Os ydynt yn ystyried nad yw'r datganiad yn gefnogol, ni fydd eich cais yn mynd rhagddo. Rydym yn argymell yn gryf eich bod yn siarad â'r bobl sy'n darparu eich datganiad addasrwydd i sicrhau y gallant gefnogi'ch cais yn llwyr.

• Rydym hefyd yn cydnabod eich cymhelliant a'ch ymrwymiad trwy ddyfarnu pwyntiau am unrhyw gyflwyniadau mewn cynadleddau, cyhoeddiadau mewn cyfnodolion neu newyddlenni a gwaith gwirfoddol yr ydych wedi'i wneud. Nid oes unrhyw feini prawf isaf ynghlwm â'r adran hon.

• Rydym wedi ymrwymo i gynyddu amrywiaeth y proffesiwn ac rydym yn defnyddio gwybodaeth gyd-destunol yn ein proses ddethol. Gweler yr adran Dethol Cyd-destunol am ragor o fanylion.

Rydym yn annog siaradwyr Cymraeg yn gryf i wneud cais am y rhaglen hon ac rydym yn dyfarnu pwyntiau ychwanegol yn y cyfnod llunio rhestr fer, am eich gallu i siarad Cymraeg: naill ai’n rhugl neu fel dysgwr. Mae statws cyfreithiol y Gymraeg ym mhob maes o fywyd yng Nghymru (gan gynnwys iechyd), a’r gyfran sylweddol iawn o boblogaeth gogledd Cymru a gorllewin Cymru sy’n siarad Cymraeg fel eu hiaith gyntaf, yn golygu bod y rhaglen yn croesawu’r cyfle i hyfforddi pobl. i ddiwallu angen gwirioneddol am ddarparu gofal seicolegol o’r ansawdd gorau yn y Gymraeg. Cydnabuwyd yr ymrwymiad hwn yn ystod ymweliad ail-ddilysu Prifysgol ������ϲʹ������� yn 2019.�� Nodwch ar y ffurflen gais lefel eich hyfedredd yn y Gymraeg.

Gallwn ddarparu ystod o gyfleusterau i gefnogi hyfforddeion Cymraeg eu hiaith i ddatblygu eu sgiliau ymarfer clinigol yn yr iaith Gymraeg, gan gynnwys lleoliadau a, lle bo’n ymarferol, goruchwyliaeth, yn ogystal â chyflwyno gwaith ysgrifenedig a gwaith arall yn Gymraeg. Gallwn hefyd gefnogi hyfforddeion sydd eisiau dysgu Cymraeg, sy’n dymuno gloywi eu sgiliau, neu ddatblygu mwy o hyder i ddefnyddio eu sgiliau Cymraeg yn ymarferol.

Gan fod nifer yr ymgeiswyr dwyieithog Cymraeg-Saesneg yn parhau'n isel (1% o'r holl ymgeiswyr yn y Deyrnas Unedig, yn unol â data cyfle cyfartal y Tŷ Clirio), mae mwyafrif yr hyfforddeion ym mhob carfan yn siarad Saesneg.�� Rydym yn cynnig sesiynau mentora i ymgeiswyr Cymraeg eu hiaith. Am fwy o wybodaeth, gweler yr��Adran Amrywiaeth a Chynhwysiant Cymdeithasol ar ein gwefan, neu fel arall cysylltwch â Carolien Lamers��(Cyfarwyddwr Recriwtio a Dewis)��c.lamers@bangor.ac.uk

Mae hyfforddiant mewn carfan a chymuned ddwyieithog, sy'n aml yn wledig, yn rhoi cyfleoedd gwych i chi wella'ch gwerthfawrogiad diwylliannol a'ch sgiliau o fewn ymarfer clinigol.

Os nad yw Saesneg yn iaith gyntaf i chi, gofynnir i chi roi tystiolaeth eich bod yn medru Saesneg yn ddigonol. Rhaid i chi fod wedi cael lefel 8 yn y cynllun IELTS, heb unrhyw elfennau o dan 7.5.�� Nid yw hyn yn berthnasol i ymgeiswyr dwyieithog Cymraeg/Saesneg. Bydd wedi cwblhau rhaglen seicoleg academaidd yn y Deyrnas Unedig trwy gyfrwng Saesneg, yn cael ei ystyried yn dystiolaeth o’ch gafael ar yr iaith Saesneg.

Mae'r rhaglen yn gyflogwr cyfle cyfartal ac mae’n croesawu ymgeiswyr o bob cefndir ac o bob oed. Mae'r rhaglen yn gweithredu'r .

Ni fydd prifysgolion fel rheol yn caniatáu i chi gofrestru am Ddoethuriaeth mewn Seicoleg Glinigol os ydych wedi cofrestru am unrhyw radd arall ar hyn o bryd, e.e. PhD neu raglen Meistr. Os oes gennych unrhyw ofynion sy'n weddill o raglen arall, efallai y bydd gofyn i chi dynnu'n ôl o'r rhaglen honno er mwyn derbyn lle neu i barhau â'ch astudiaethau at Ddoethuriaeth mewn Seicoleg Glinigol. Os ydych yng nghamau olaf unrhyw raglen o'r fath, h.y. rydych wedi cyflwyno traethawd ymchwil neu ar fin gwneud hynny ar adeg ymgeisio, efallai y gellir ystyried eich cais.

��

Mae ein rhaglen wedi cyflwyno prosesau recriwtio cyd-destunol ers y myfyrwyr a dderbyniwyd yn 2022. Mae hyn yn seiliedig ar dystiolaeth y gall gosod llwyddiannau unigolion yn eu cyd-destun gan ddefnyddio gwybodaeth ychwanegol am eu cefndir addysgol, cymdeithasol ac economaidd arwain at brosesau dewis tecach a mwy cynhwysol. Gall y wybodaeth hon ein helpu i adnabod unigolion sydd â photensial cryf ar gyfer llwyddiant ar lefel doethuriaeth ac o fewn y proffesiwn, na fyddent efallai wedi cael eu hadnabod fel arall.

Bydd y Tŷ Clirio yn eich gwahodd i gwblhau arolwg i gasglu data Dethol Cyd-destunol ar wahân i’r ffurflen gais. Mae’r Grŵp Hyfforddwyr mewn Seicoleg Glinigol wedi cytuno ar y cwestiynau yn yr arolwg hwn, sydd â thystiolaeth ar gyfer gwella cynwysoldeb a thegwch prosesau recriwtio.

Mae cwblhau’r arolwg hwn yn ddewisol, fodd bynnag, os gallwch ateb unrhyw un o’r cwestiynau sy’n rhoi rhywfaint o gefndir ychwanegol amdanoch, a’ch bod yn hapus i ddarparu hwn i ni drwy’r Tŷ Clirio, yna byddem yn eich annog i wneud hynny.

Rydym yn cynnwys eich gwybodaeth gyd-destunol yng ngham olaf ein proses llunio rhestr fer, ar ôl cymhwyso’r gofynion mynediad gofynnol a ddisgrifiwyd yn gynharach.

Bydd yr ymgeiswyr sy'n bodloni ein holl ofynion sylfaenol, ac nad ydynt yn cael eu gwahodd am gyfweliad ar sail eu safle neu am gael adolygu eu cais o dan y cynllun Hyderus o ran Anabledd, wedyn yn cael eu hadolygu gan ystyried y wybodaeth gyd-destunol a ddarparwyd.

Caiff y rhai sydd â'r nifer uchaf o 'faneri' eu gwahodd am gyfweliad.

Bydd nifer y lleoedd sydd ar gael i ymgeiswyr a wahoddir am gyfweliad gyda detholiad cyd-destunol yn amrywio'n flynyddol. Mae gennym nifer cyfyngedig o leoedd am gyfweliad, ac maent yn cael eu llenwi gan y rhai a wahoddwyd yn seiliedig ar eu sgôr a'r cynllun Hyderus o ran Anabledd. Yna bydd y lleoedd sy'n weddill yn cael eu dyrannu i ymgeiswyr â'r nifer uchaf o faneri.

Yn ystod y broses ddewis byddwn yn cysylltu â chi drwy e-bost yn unig. Felly, edrychwch ar eich negeseuon e-bost, yn ogystal ag unrhyw e-byst a all fod wedi mynd i'ch ffolder sbam, a rhowch wybod i ni am unrhyw newidiadau i'ch manylion cyswllt.

Mae Seicolegwyr Clinigol y GIG lleol, aelodau o Banel y Bobl a staff y rhaglen yn cyfrannu at bob agwedd ar y broses ddewis, gan gymhwyso’r meini prawf fel y nodir hwy o dan Ofynion Mynediad. Os nad ydych wedi cyrraedd y rhestr fer am gyfweliad, rydym yn argymell eich bod yn gwirio eich manylion yn erbyn ein meini prawf dewis.

Disgwylir i'r cyfweliadau ar gyfer 2025 gael eu cynnal 24-28 Mawrth a byddant yn digwydd wyneb yn wyneb ym Mhrifysgol ������ϲʹ�������. Gofynnir i chi hefyd gwblhau tasg ysgrifenedig yr wythnos flaenorol. Os cewch wahoddiad i ddod am gyfweliad, byddwch yn cael eich gwahodd hefyd i ymuno â ni am ddigwyddiad gyda’r nos (y noson cyn eich cyfweliad fel rheol). Yno cewch gyfle i siarad â hyfforddeion presennol a chlywed tipyn mwy am y rhaglen hyfforddi.�� Ni fydd aelodau'r panel cyfweld yn bresennol yn y digwyddiad hwn.

Os cewch eich gwahodd am gyfweliad, byddwn yn gofyn i chi gyflwyno tystiolaeth i gadarnhau pwy ydych chi neu dystiolaeth o'ch statws, er enghraifft, darparu eich pasbort, trwydded yrru ffoto-gerdyn ac ati.

Fel rheol byddwn yn cyfweld tair gwaith y nifer o leoedd wedi eu hariannu sydd ar gael.�� Mae’r paneli cyfweld fel rheol yn cynnwys seicolegwyr clinigol lleol, aelodau o Banel y Bobl ac aelodau o dîm y rhaglen, ac yn y cyfweliad asesir sgiliau clinigol, academaidd, ymchwil ac adfyfyrio, yn ogystal â’ch addasrwydd ar gyfer hyfforddiant clinigol. Trwy gydol y broses gyfweld cewch eich cefnogi gan staff y rhaglen a fydd yn gwneud popeth o fewn eu gallu i wneud i chi deimlo’n gyfforddus.

Cysylltir â phob ymgeisydd cyn gynted ag y bydd y paneli cyfweld wedi gwneud ei benderfyniad. Cynigir amser hefyd i chi ffonio'n ôl i gael sylwadau pellach.

Byddwn yn anfon pecyn gwybodaeth i hyfforddeion newydd ynglŷn â'r rhaglen a'r ardal leol cyn i chi ddechrau hyfforddi. Bydd angen i chi hefyd roi tystiolaeth o'ch cymwysterau trwy ddarparu tystysgrif wreiddiol a dogfennau perthnasol eraill.

Mae Addasrwydd i Ymarfer yn ofynnol i'r holl broffesiynau sydd wedi'u cofrestru â'r Cyngor Proffesiynau Iechyd a Gofal (HCPC). �� Yn ystod hyfforddiant (cyn-gofrestru), y Rhaglenni sy'n gyfrifol am fonitro Addasrwydd i Ymarfer.�� Dylai ymgeiswyr gyfeirio at y��. ��

Gellir nodi pryderon ynghylch Addasrwydd i Ymarfer yn ystod y broses ddewis. �� Bydd hyn yn cynnwys natur a thôn cyfathrebiadau ysgrifenedig a llafar gyda'r rhaglen yn ystod unrhyw gam o'r broses ddewis, yn ogystal ag ymddygiad yn ystod y broses gyfweld.

Yn ystod y broses ddewis, bydd materion a allai amharu'n sylweddol ar eich gallu i ymarfer yn cael eu nodi mewn modd agored ac adfyfyriol. Gallai'r rhain gynnwys, er enghraifft, a ydych yn fodlon derbyn sylwadau ynghylch unrhyw bryderon perthnasol, yn dangos hunanymwybyddiaeth briodol mewn perthynas ag anawsterau sy'n effeithio ar eich gallu i weithio, ac yn fodlon cydweithio â staff perthnasol i roi sylw iddynt (a'u goresgyn gobeithio). ��

Ar ôl i chi gael cynnig lle, caiff eich Addasrwydd i Ymarfer ei asesu trwy weithdrefnau sgrinio. Mae cael cynnig lle i wneud hyfforddiant yn amodol ar wiriadau boddhaol gyda'r Gwasanaethau Iechyd Galwedigaethol lleol a'r Gwasanaeth Datgelu a Gwahardd (DBS).������ Os ydyw gwiriad y Gwasanaeth Datgelu a Gwahardd yn datgelu bod yr ymgeisydd wedi cael euogfarnau, bydd Pennaeth y Gwasanaeth Seicoleg Clinigol a Chyfarwyddwr y Rhaglen yn ystyried a ellir derbyn yr ymgeisydd ar y rhaglen.

Os codir pryderon yn y gwiriad iechyd galwedigaethol, gellir tynnu’r cynnig yn ôl os na ellir gwneud addasiadau rhesymol i alluogi’r ymgeisydd i ddilyn yr hyfforddiant.

Mae'r rhaglen yn gyflogwr cyfle cyfartal ac mae’n croesawu ymgeiswyr o bob cefndir ac o bob oed. Mae'r rhaglen yn gweithredu'r .

Cysylltwch â Carolien Lamers (Cyfarwyddwr Recriwtio a Dewis) ��c.lamers@bangor.ac.uk i gael rhagor o wybodaeth ac i drafod y gefnogaeth a all fod ar gael i chi yn ystod y broses ddewis ac unrhyw addasiadau rhesymol y gallech fod eu hangen yn ystod yr hyfforddiant. Gellwch nodi ar y ffurflen gais (Cynllun Hyderus o ran Anabledd) eich bod yn dymuno i’ch cais gael ei ystyried dan y cynllun. Bydd y meini prawf gofynnol a nodir o dan y gofynion mynediad gyda * yn cael eu cymhwyso i'ch cais.

Gallwch hefyd gysylltu â'n Swyddfa Myfyrwyr Anabl am ragor o wybodaeth a chefnogaeth sydd ar gael i ymgeiswyr.

Mae gallu siarad Cymraeg yn nodwedd ddymunol yn y gofynion personol am seicolegydd clinigol dan hyfforddiant Rhaglen Seicoleg Glinigol Gogledd Cymru, gan mai Cymraeg yw iaith gyntaf cyfran sylweddol o gleientiaid. Ystyrir felly fod siarad Cymraeg yn sgil dymunol ac felly pan fydd gan ddau ymgeisydd sgoriau tebyg (tebyg i ddau bwynt degol) yn ystod y cam llunio rhestr fer neu gyfweliad, a bod un ymgeisydd yn siaradwr Cymraeg, cynigir cyfweliad neu le hyfforddi i’r siaradwr Cymraeg.

Rydym yn defnyddio gweithredu cadarnhaol fel y caniateir o dan Ddeddf Cydraddoldeb 2010. Rydym yn cydnabod bod ymgeiswyr o leiafrifoedd hil a dynion heb gynrychiolaeth ddigonol yn y proffesiwn seicoleg glinigol. Mae'r ddau yn nodweddion gwarchodedig o dan y Ddeddf Cydraddoldeb.

I grynhoi: Os bydd gan ymgeiswyr sgôr tebyg ar y cam llunio rhestr fer neu gyfweld, yna bydd y cyfweliad neu le hyfforddi yn cael ei gynnig, yn nhrefn blaenoriaeth, i ymgeisydd sy’n siarad Cymraeg, ymgeisydd o gefndir hil, ac ymgeisydd sy’n hunaniaethu fel gwryw.

��

Mae DCP Pre-Qualification Group yn cynrychioli buddiannau seicolegwyr cynorthwyol a seicolegwyr clinigol dan hyfforddiant. Bob blwyddyn, gofynnir i hyfforddeion am eu barn ar wahanol agweddau ar eu cwrs, a chaiff y canlyniadau eu llunio i ffurfio'r llawlyfr amgen. Mae'r llawlyfr yn rhoi gwir flas ar bob rhaglen ac yn cynnig barn defnyddiwr am bob rhaglen, sy'n cael ei diweddaru bob blwyddyn, a gall hyn helpu ymgeiswyr benderfynu i ble i wneud cais, a pha gynnig i'w dderbyn.�� Gellir cael llawlyfrau gan y canlynol:

The BPS
DCP Affiliates Alternative Handbook Request
48 Princess Road East Leicester LE1 7DR