������ϲʹ�������

• Rydym yn gwerthfawrogi bod dechrau rhaglen Meddygaeth yn gam mawr i bob un o’n myfyrwyr newydd, ac yn cydnabod mai dyma’r rhaglen academaidd hiraf sydd ac un o’r mwyaf heriol.
• Rydym yn ymfalchïo mewn darparu cefnogaeth bersonol i’n holl fyfyrwyr, ac o’r diwrnod cyntaf byddwch yn cael Tiwtor Personol, sef aelod o staff academaidd a fydd yn gweithredu fel eich mentor trwy gydol y rhaglen gyfan.��
• Mae'r brifysgol yn rhoi blaenoriaeth uchel i��ofalu am fyfyrwyr a'u cefnogi��fel eu bod yn gallu ffynnu ym mhob agwedd o’u hamser ym Mangor, felly o’r Wythnos Groeso ymlaen, byddwch yn cael cymaint o gymorth a chefnogaeth ag sydd ei angen o ran iechyd a lles yn ogystal â’ch gwaith academaidd.
• Ymhlith y gwasanaethau a gynigir mae cyngor ariannol, cefnogaeth o ran iechyd a lles, cyngor ynglŷn â thai preifat, cefnogaeth dyslecsia a chwnsela a sgiliau astudio.
• Mae gan y Brifysgol gynllun��arweinwyr cyfoed��ac mae myfyrwyr meddygaeth hŷn yr ysgol ei hun yn cael eu paru â myfyrwyr iau fel y gallant rannu eu profiad.

• Mae ein dull, sy'n canolbwyntio ar y dysgwr, yn cynnwys addysgu a dysgu mewn grwpiau bach felly byddwch yn elwa o gael mwy o amser cyswllt gyda'ch darlithwyr.����
• Mae cwricwlwm blwyddyn 1 a 2 yn seiliedig ar addysgu mewn grwpiau bach, gan gynnwys Dysgu ar sail Achosion sy’n ffordd o gysylltu eich dysgu gwyddonol gyda straeon cleifion go iawn ac mae’n gosod y claf wrth wraidd eich astudiaethau.��
• Wrth Ddysgu ar sail Achosion cewch eich rhoi mewn grwpiau o rhwng 10 a 12 o fyfyrwyr gyda hwylusydd academaidd hyfforddedig a fydd yn tywys y myfyrwyr trwy bob achos.��
• Rydym yn defnyddio amrywiaeth eang o ddulliau addysgu ond ychydig iawn o ddarlithoedd traddodiadol sydd gennym er ein bod yn cynnal 'sesiynau llawn' (sef sesiynau rhyngweithiol lle mae myfyrwyr yn derbyn gwybodaeth gan wyddonwyr arbenigol neu glinigwyr).��
• Hefyd ceir seminarau arbenigol, tiwtorialau a gweithdai rhyngweithiol, sgiliau ymarferol, efelychu a hyfforddiant rhithrealiti.��
• Rydym yn annog dysgu hunan-gyfeiriedig gyda chefnogaeth i’ch helpu i ddatblygu eich sgiliau datrys problemau a’ch sgiliau cyfathrebu eich hun, sef dwy set o sgiliau sy’n hanfodol i ddarpar feddygon.��
• Mae defnyddio dulliau amrywiol o addysgu, dysgu ac asesu yn eich helpu i ehangu eich arddull dysgu eich hun ac yn hyrwyddo dysgu gydol oes, a fydd yn rhan hanfodol o'ch gyrfa fel meddyg yn y dyfodol.

• Caiff anatomi ei addysgu trwy fanteisio ar dechnoleg fodern, gan gynnwys bwrdd dyrannu electronig '', sgriniau Fideo 3D di-wydr ac apiau symudol.��
• Mae ystafell addysgu Anatomi bwrpasol gyda modelau plastig tra chywir o holl gydrannau'r corff��
• Gellir ymarfer sgiliau ac ymyriadau clinigol ymarferol yn electronig ac mewn efelychwyr gan gynnwys ystafell rhithrealiti.��
• Mae sesiynau Gloywi Anatomi a sesiynau Dysgu Hunan-gyfeiriedig ar gael ar ddechrau lleoliad arbenigol Blwyddyn 4 a 5.

• Rydym yn darparu cyfleoedd o ran addysg ryngbroffesiynol i adlewyrchu'r byd gwaith clinigol lle bydd ystod eang o weithwyr gofal iechyd proffesiynol yn cydweithio er budd cleifion o fewn timau clinigol.
• "Mae Addysg Ryngbroffesiynol yn digwydd pan fydd dau neu ragor o weithwyr proffesiynol yn dysgu oddi wrth ei gilydd ac am ei gilydd i wella cydweithredu ac ansawdd gofal.” Y Ganolfan er Hyrwyddo Addysg Ryngbroffesiynol (CAIPE), 2002.��
• Rydym yn frwd dros hyrwyddo a chyflwyno addysg ryngbroffesiynol a bydd nifer o gyfleoedd i wneud hynny trwy gydol eich amser ym Mangor.

• Mae llawer o gyfleoedd yn ystod Clerciaeth Integredig Hydredol Blwyddyn 3 ac ar draws lleoliadau Blwyddyn 4 a 5 i gael profiad o feddygaeth anghysbell, wledig a mynyddig a hynny o fewn prydferthwch Gogledd Cymru.
• Mae’r rhaglen yn cynnwys diwrnod unigryw i efelychu Iechyd Gwledig 'yn y maes' a ddarperir mewn partneriaeth â gwasanaethau gwirfoddol, gan gynnwys y Gwasanaeth Achub Mynydd, Gwasanaeth Ambiwlans Cymru, Gwasanaeth Tân ac Achub Gogledd Cymru, Sefydliad Brenhinol y Badau Achub, a staff arbenigol y Brifysgol a’r Bwrdd Iechyd.

• Rydym yn eich paratoi ar gyfer sesiynau Cyswllt Cynnar â Chleifion trwy ddysgu sgiliau clinigol sylfaenol yn ein Canolfan Hyfforddiant Efelychu a Sgiliau a Rhithrealiti, lle ceir cyfleusterau o'r radd flaenaf.��
• Byddwch hefyd yn dysgu gwrando'n astud a siarad â chleifion trwy ddefnyddio actorion proffesiynol a chleifion-wirfoddolwyr sy’n arbenigwyr, a chaiff yr addysgu ei gyflwyno'n ddwyieithog.

• Mae sesiynau cyswllt cynnar â chleifion yn helpu i’ch ysbrydoli wrth ddysgu am wyddoniaeth feddygol yng nghamau cynnar y rhaglen.
• Cyn hynny cewch sesiynau paratoi a gaiff eu cynnal mewn cyfleusterau meddygol a ddewisir yn ofalus, fel nad yw ein myfyrwyr yn cael eu llethu gan eu profiad clinigol cyntaf.��
• Mae cyswllt cynnar â chleifion yn cynyddu dros ddwy flynedd gyntaf y rhaglen, gan amlygu ein myfyrwyr i amgylcheddau clinigol cynyddol gymhleth.����

• Mae ein Canolfan Efelychu a Sgiliau yn cynnwys efelychwyr����������sef cyfleusterau recordio a dangos fideo.
• Bydd pob myfyriwr yn derbyn hyfforddiant ac yn cael ardystiad mewn technegau Cynnal Bywyd a diogelwch cleifion cyn ymgymryd â hyfforddiant clinigol.��
• Mae’r ystafell rhithrealiti yn darparu hyfforddiant senarios trochol sy'n galluogi myfyrwyr i ddod yn gymwys ag ymdrin â phroblemau clinigol sydd bron byth yn digwydd ond y mae angen gallu eu hadnabod a gweithredu yn eu cylch ar unwaith.��
• Bydd myfyrwyr bydwreigiaeth a myfyrwyr Obstetreg Blwyddyn 4 yn ymgymryd â hyfforddiant addysg ryngbroffesiynol gyda'i gilydd.

• Ym Mlwyddyn 3 byddwch yn ymgymryd â Chlerciaeth Integredig Hydredol, sef y lleoliad clinigol cyntaf sy’n flwyddyn o hyd.��
• Bydd y Glerciaeth Integredig Hydredol yn cael ei chynnal yn bennaf mewn practis meddyg teulu dan oruchwyliaeth tiwtor meddygaeth teulu arbenigol, a bydd cyfle i ddilyn taith eich cleifion drwy ofal cychwynnol a thrwy gyfleusterau’r ysbyty i gael ymchwiliadau a thriniaethau.��
• Byddwch yn ennill profiad o waith aelodau eraill o'r tîm gofal iechyd cychwynnol amlddisgyblaethol gan gynnwys Bydwragedd Cymunedol, Nyrsys Seiciatrig Cymunedol, Ymwelwyr Iechyd, Gweithwyr Cymdeithasol ac eraill. Ochr yn ochr â hyn, byddwch hefyd yn ennill profiad mewn Dermatoleg, Clust-Trwyn-Gwddf, Rhiwmatoleg a Meddygaeth Gyffredinol. ��
• Mae Clerciaethau Integredig Hydredol yn fath cymharol newydd o addysg feddygol sydd ar hyn o bryd yn cael ei werthuso ledled y byd lle mae myfyrwyr yn dilyn amrywiaeth o gleifion am gyfnodau hwy ac yn datblygu perthynas agos â mentor sy'n arwain y dysgu.
• Gwelwyd bod lleoliadau hydredol yn gwella dealltwriaeth myfyrwyr o bwysigrwydd canolbwyntio ar y claf, persbectif bywyd cyfan, deinameg y teulu a chyd-destun cymdeithasol symptomau’r claf.��
• Bydd y profiad o wneud Clerciaeth Integredig Hydredol yn eich helpu i ddatblygu dealltwriaeth fwy cyfannol am ofal cleifion, gan wella eich sgiliau clinigol, eich gallu i gyfathrebu a’ch empathi.��
• Byddwch yn gweld ystod eang o gyflyrau, yn ymgynghori’n uniongyrchol â chleifion, ac yn derbyn addysgu ar sail 1:1 gan eich tiwtor meddygaeth teulu, wedi'i ategu gan ddiwrnod o addysgu ar y campws bob wythnos ynghyd â chyfle i ymgyfarwyddo ag ymarfer ysbyty.��
• Bydd treulio eich blwyddyn gyntaf yn bennaf ym maes Meddygaeth Teulu yn baratoad ardderchog ar gyfer y lleoliadau arbenigol mewn ysbyty sy’n dilyn ym mlynyddoedd 4 a 5.��
• Mae'r Ysgol yn aelod o��.

• Bydd y lleoliadau ysbyty yn digwydd ar draws y tri ysbyty acíwt ym��: Ysbyty Gwynedd (������ϲʹ�������), Ysbyty Glan Clwyd (Bodelwyddan) ac Ysbyty Maelor Wrecsam.��
• Ar ben hynny ceir profiad hefyd yn rhai o’r 22 o ysbytai Cymunedol ar draws Gogledd Cymru, y mae llawer ohonynt yn gwasanaethu cymunedau bach, anghysbell.
• Mae’r holl brif arbenigeddau sy’n ofynnol ar gyfer hyfforddiant meddygol israddedig ar gael yng Ngogledd Cymru, ond gellir gwneud yr elfen ddewisol yn y flwyddyn olaf yn unrhyw gyfleuster meddygol yn y byd sydd wedi’i gymeradwyo ar gyfer hyfforddiant meddygol israddedig.��

• Mae astudio meddygaeth yng Nghymru, sy’n wlad ddwyieithog, yn eich helpu i ddatblygu sgiliau cyfathrebu gwerthfawr. Bydd gallu teimlo’n hyderus wrth drin cleifion sydd â mamiaith wahanol i chi yn eich galluogi i weithio yn unrhyw le yn y byd, a byddwch yn ymgynghori’n aml â chyfieithwyr ar y pryd sy’n gweithio yn y Deyrnas Unedig..
• Fel siaradwr Cymraeg gallwch ddewis bod rhan sylweddol o’ch cwrs, a rhai asesiadau, yn cael eu cynnal trwy gyfrwng y Gymraeg ac efallai y byddwch yn gymwys i wneud cais am Ysgoloriaeth gan y Coleg Cymraeg Cenedlaethol. Bydd tiwtor personol Cymraeg ei iaith ar
• gael i'r rhai sy'n dewis astudio rhan o'u cwrs yn Gymraeg. Fel rhan o’n hagenda ehangu mynediad, mae siaradwyr Cymraeg hefyd yn gymwys i sicrhau cynnig cyd-destunol.
• Mae Prifysgol ������ϲʹ������� wedi ymrwymo i gefnogi siaradwyr a dysgwyr Cymraeg ac mae dwyieithrwydd wedi’i wreiddio ym mhob agwedd ar brofiad myfyrwyr. Mae llawer o gyfleoedd i ddechreuwyr pur ddysgu'r iaith, i siaradwyr presennol i fagu hyder neu i siaradwyr Cymraeg rhugl gael mynediad at adnoddau arbenigol.
• Mae Gogledd Cymru yn gartref i nifer sylweddol o siaradwyr Cymraeg ac mae hyn yn rhoi llawer o gyfleoedd i ddefnyddio’r iaith tra byddwch ar leoliad, boed hynny fel dysgwr neu siaradwr rhugl.

Y flaenoriaeth ym Mlwyddyn 1 yw rhoi sylfaen gref i chi yn y gwyddorau sylfaenol, sgiliau clinigol, cyfathrebu a phroffesiynoldeb.

Dyma ddadansoddiad o'r elfennau allweddol:

Y 12 Wythnos Gyntaf (Rhagarweiniad):

• Bydd yr wythnosau rhagarweiniol yn canolbwyntio ar ddatblygu gwybodaeth graidd mewn anatomeg, biocemeg, ffisioleg, bioleg y celloedd a’r moleciwlau, imiwnoleg, microbioleg, a phatholeg.
• Bydd pwyslais ar ddatblygu sgiliau cyfathrebu sylfaenol, sgiliau clinigol, a'r proffesiynoldeb sy'n ofynnol gan feddyg.

Gweddill Blwyddyn 1:

Bydd gweddill y flwyddyn yn integreiddio'r gwyddorau sylfaenol â chyflyrau clinigol cyffredin trwy gyfres o senarios clinigol.

• Dysgu mynd i'r afael â phroblemau meddygol o'r egwyddorion sylfaenol a datblygu sgiliau rhesymu gwyddonol.
• Yn gefn i sesiynau mewn grwpiau bach, darlithoedd, a seminarau bydd adnoddau gwyddorau bywyd a sgiliau clinigol.
• Ymwneud yn rheolaidd â chleifion yn yr ysbytai, meddygfeydd teulu, a gwasanaethau eraill yn y gymuned yng Ngogledd Cymru
• Bydd cyfleoedd cynnar i ennill profiad clinigol a chwrdd â chleifion sy'n briodol i'r achos a staff y Gwasanaeth Iechyd Gwladol. Bydd hynny’n ategu eich dysgu a hynny’n seiliedig ar achosion.
• Dilyniant o’r strwythur a’r swyddogaeth arferol i ymgyflwyniadau clinigol mwy cymhleth sy’n canolbwyntio ar strwythur a swyddogaeth annormal.

At ei gilydd, nod y cwricwlwm yw darparu addysg gynhwysfawr sy'n cyfuno gwybodaeth ddamcaniaethol â phrofiad clinigol ymarferol. Byddwch yn dysgu am sylfeini gwyddorau meddygol ac yn datblygu'r sgiliau angenrheidiol i ddod yn feddygon cymwys. Mae'r rhaglen hefyd yn pwysleisio’r angen dros gysylltiad cynnar â chleifion i wella’r dysgu a dealltwriaeth o senarios meddygol y byd go iawn.

Ym Mlwyddyn 2, byddwch yn cymryd rhan mewn gweithgareddau a phrofiadau dysgu amrywiol, gan gynnwys:

1. Dysgu yn y Gymuned: Mae'r rhaglen Dysgu Clinigol Cymunedol yn pwysleisio pa mor bwysig yw deall cleifion yn eu cymunedau eu hunain. Mae'r rhaglen yn adeiladu ar y dull Dysgu Seiliedig ar Achosion ac mae’n cynnwys dysgu sy'n seiliedig ar dasgau.

Byddwch ar leoliadau lle byddwch yn rhyngweithio â chleifion, a fydd yn fodd i chi ddatblygu portffolio o brofiadau dysgu clinigol. Nod y rhaglen yw eich helpu chi gysylltu â phobl go iawn, datblygu agweddau proffesiynol, deall darpariaeth gwasanaeth iechyd, a meithrin sgiliau arwain.�� Uchafbwynt nodedig yw'r��Efelychiad Iechyd Cefn Gwlad, lle byddwch yn agored i heriau darparu gofal iechyd mewn ardaloedd gwledig o’u cymharu ag ardaloedd trefol. Byddwch yn ymarfer sgiliau clinigol a chyfathrebu wrth ymateb i argyfwng efelychiedig ochr yn ochr â meddygon a pharafeddygon.

2. Mae'r rhaglen Rhannau a Ddewisir gan Fyfyrwyr (SSC) yn cynnig pedwar cyfle dysgu gwahanol:

• Dau Broject trwy Brofiad:��Mae'r projectau hyn yn eich cyflwyno i amrywiol leoliadau a phynciau. Cewch gyfle i ddatblygu sgiliau ymchwil ar lefel uwch. Bydd rhai projectau hefyd yn caniatáu ichi archwilio meysydd y tu hwnt i feddygaeth draddodiadol, megis gwaith cymdeithasol, meddygaeth gyflenwol, a phroffesiynau sy'n gysylltiedig â meddygaeth.
• Erthygl Newyddiadurol:��Mae'r erthygl newyddiadurol yn eich galluogi i arddangos sgiliau academaidd critigol, gan gynnwys chwilio’r llenyddiaeth a gwerthuso deunydd gwyddonol cymhleth sy'n seiliedig ar dystiolaeth. Cewch eich herio i gyfleu eich neges mewn modd deniadol ac ysgogol.
• Cynhadledd Blwyddyn 2/Blwyddyn 5:��Dyma gynhadledd unigryw sy’n dod â myfyrwyr Blwyddyn 2 a Blwyddyn 5 ynghyd. Mae'n cynnwys sesiynau llawn a’r prif siaradwyr gwadd yn ymdrin â themâu amrywiol sy'n ymwneud â ffynnu a goroesi mewn ysgol feddygol a moeseg feddygol.�� Bydd grwpiau bach o fyfyrwyr Blwyddyn 2 yn paratoi cyflwyniadau poster sy’n seiliedig ar eu project profiad cyntaf o’r Cydrannau a Ddewisir gan Fyfyrwyr (SSC), a bydd myfyrwyr Blwyddyn 5 yn rhoi adborth ac yn gweithredu fel beirniaid ar gyfer y posteri. Mae'r gynhadledd yn gyfle gwych i fynychu a chyflwyno mewn cynhadledd wyddonol/feddygol ac ymwneud â chyfoedion hŷn.

Ym Mlwyddyn 3 eich cwrs byddwch yn ymgymryd a��Clerciaeth Integredig Hydredol (LIC). Yn ystod y lleoliad clinigol hwn byddwch yn gweithio o fewn y gymuned a phractis Meddyg Teulu am flwyddyn gyfan. Bydd hynny’n eich galluogi i ddilyn taith lawn y claf ym maes gofal sylfaenol ac eilaidd, a sylwi ar effaith y cyflyrau meddygol a thriniaeth y cyflyrau hynny ar gleifion.

Caiff mwy na 90% o ofal iechyd ei reoli mewn gofal sylfaenol, sy’n golygu y bydd y profiad yn baratoad cadarn at arbenigeddau’r ysbyty ac ar gyfer lleoliad arall mewn Meddygfa Deulu yn y flwyddyn olaf.

Lleoliad mewn gofal sylfaenol yw hwn yn bennaf ac mae o werth i'r rhai sy'n gweld eu dyfodol mewn Meddygaeth Deulu, ac i'r rhai sy'n dymuno dilyn gyrfa mewn arbenigeddau eraill. Mae'n galluogi myfyrwyr i weld cleifion yn ymgyflwyno gyda chyflyrau eang, a rhoi sylfaen wybodaeth ehangach o bosibl na’r cyrsiau modiwlaidd traddodiadol sy'n caniatáu iddynt baratoi'n dda at eu blynyddoedd F1 ac F2.

Derbynnir yn gyffredinol bod gan fyfyrwyr sy’n dilyn LIC feddwl clinigol uwch erbyn diwedd y cyfnod hwn, oherwydd y berthynas un i un a gânt gyda’r tiwtor am y flwyddyn academaidd gyfan - rhywbeth na fyddant yn ei ennill ar unrhyw adeg arall ar gwrs meddygol.

Mae eu canlyniadau academaidd mewn profion cynnydd ac arholiadau yn y rhai sy'n dilyn LIC cystal â'r rhai a ddilynodd y cyrsiau traddodiadol.

Mae LIC yn hyrwyddo dull sy'n canolbwyntio mwy ar y claf, ac mae’n eich annog i ddod yn eiriolwr dros y cleifion. Mae hefyd yn fodd i chi brofi amrywiaeth o leoliadau a thriniaethau clinigol sylfaenol ac eilaidd, a rhoi gwell ymwybyddiaeth i chi o'r system gofal iechyd.

Bydd y lleoliad LIC yng Ngogledd Cymru. Cewch eich lleoli mewn meddygfa, byddwch yn dod yn rhan o dîm gofal iechyd amlddisgyblaethol, gan ddatblygu sgiliau gwych mewn meithrin tîm a fydd yn gefn i chi yn eich gyrfa yn y dyfodol.

Ym Mlwyddyn 4, byddwch yn canolbwyntio ar achosion cynyddol arbenigol ac yn cymhwyso’r sgiliau craidd a ddysgoch ym Mlwyddyn 3 mewn gwahanol sefyllfaoedd clinigol. Rhennir y flwyddyn yn gyfleoedd dysgu lluosog, gan gynnwys lleoliadau clinigol arbenigol a’r Gydran a Ddewisir gan Fyfyrwyr.

Lleoliad Merched, Plant a Theulu

Nod y lleoliad hwn yw datblygu eich sgiliau asesu a gofalu am ferched, plant a theuluoedd. Byddwch yn treulio amser gydag obstetryddion a phaediatregwyr ledled Cymru. Cewch gipolwg ar gydweithio amlddisgyblaethol mewn sefyllfaoedd gofal cymunedol ac eilaidd. Bydd y ffocws ar y claf, a chewch gyfle i ryngweithio â merched, plant a rhieni sy'n defnyddio'r system gofal iechyd.

Seiciatreg, Niwrowyddoniaeth Glinigol ac Offthalmoleg

Cewch brofi ymarfer mwy arbenigol mewn niwrowyddoniaeth glinigol a byddwch yn deall sut mae sylfaen gref mewn sgiliau generig yn gefn i resymu clinigol a diagnostig. Cewch gyfle hefyd i arsylwi cleifion ac arnynt salwch seiciatrig ac ennill dealltwriaeth o anhwylderau seiciatrig yn y boblogaeth. Yn ogystal, byddwch yn treulio wythnos benodol mewn offthalmoleg, i ehangu eich gwybodaeth o batholeg sy'n gysylltiedig â'r llygaid, sgiliau archwilio, a rheoli cleifion.

Drws Blaen yr Ysbyty

Bydd y lleoliad yma fydd yn fodd i leoli myfyrwyr yn yr Adran Achosion Brys yn un o'r tri Ysbyty Cyffredinol yng Ngogledd Cymru. Cânt brofiad o ymdrin ag achosion brys acíwt, trawma (Damweiniau ffordd/damweiniau ar y mynydd ac yn y blaen) yn ogystal â dilyn y claf trwy wahanol gamau eu hymchwiliadau a’u triniaeth yn yr ysbyty e.e. Uned Asesu Llawfeddygol a Meddygol, ITU a’r Adran Anesthetig.

Cynlluniwyd Blwyddyn 5 i integreiddio a pharatoi myfyrwyr meddygol ar gyfer y Rhaglen Sylfaen a'ch gyrfaoedd at y dyfodol fel meddygon yn y Gwasanaeth Iechyd Gwladol (GIG) neu astudiaethau ôl-radd pellach. Dyma nodweddion a chydrannau allweddol y flwyddyn:

1. Mwy o Gyfrifoldeb dros Ofal Cleifion: Trwy gydol y flwyddyn olaf o astudio, caiff y myfyrwyr eu hintegreiddio’n raddol ac yn gynyddol mewn timau clinigol sydd â gofal am ofal cleifion.
2. Asesu a Rheoli Ymgyflwyniadau Clinigol:��Mae ffocws y flwyddyn olaf ar asesu a rheoli ymgyflwyniadau clinigol acíwt a chronig. Bydd y myfyrwyr yn ennill cyfrifoldebau cynyddol yn hynny o beth a hwythau’n symud ymlaen trwy'r flwyddyn.
3. Lleoliadau Clinigol: Bydd lleoliad clinigol wyth wythnos mewn ysbyty. O dan oruchwyliaeth, disgwylir i fyfyrwyr gyfrannu at ofal cleifion yn ystod y lleoliadau hyn.
4. Dysgu Seiliedig ar Waith:��Bydd y rhan fwyaf o ddysgu’r flwyddyn olaf yn digwydd yn y gweithle, a fydd yn galluogi’r myfyrwyr i ennill profiad ymarferol. Yn ogystal, bydd sesiynau mewn canolfan sgiliau efelychu a sesiynau grŵp bach i fireinio sgiliau meddwl clinigol a gwneud penderfyniadau.
5. Bydd bloc 8 wythnos o addysg feddygol ac arweinyddiaeth feddygol unigryw yn y brifysgol i roi sgiliau ychwanegol i chi a fydd yn eich cefnogi wrth i chi drosglwyddo i hyfforddiant Sylfaen.
6. Dewis y Myfyriwr:��Ar ôl y lleoliadau clinigol, bydd y myfyrwyr yn cael cyfnod dewisol o wyth wythnos lle cânt ddewis astudio’r agweddau ar Feddygaeth sydd o ddiddordeb iddynt. Gall hynny ddigwydd bron unrhyw le yn y byd.
7. Uwch Gynorthwyydd Myfyrwyr: Swydd Uwch Gynorthwyydd Myfyrwyr am saith wythnos, a’r myfyrwyr yn gweithio fel rhan o dîm clinigol ac yn rheoli cleifion yn uniongyrchol o dan oruchwyliaeth. Mae'r profiad hwnnw’n digwydd yn yr ysbyty lle mae myfyrwyr yn ymgymryd â'u swydd sylfaen gyntaf����os yng Nghymru neu yng Ngogledd Cymru os yw'r swydd sylfaen yn rhywle arall.

��

Sylwer:

• nid yw'r rhaglen hon ar gael i fyfyrwyr rhyngwladol ar hyn o bryd.
• nid ydym yn derbyn ceisiadau gohiriedig.

Cymwysterau Safon Uwch

Cymwysterau Safon Uwch - graddau AAA (neu gyfwerth) yn ofynnol. Rhaid i hyn gynnwys Bioleg a gwyddor ychwanegol o'r rhestr isod:

• Cemeg
• Ffiseg
• Economeg
• Mathemateg / Mathemateg Bellach / Ystadegau

Bydd angen i chi lwyddo yn elfen wyddonol ymarferol y Safon Uwch os yw hynny’n rhan o'r rhaglen astudio.

Lle mae angen graddau AAA (neu gyfwerth) ar gyfer Safon Uwch, rhaid i'r gwyddorau gorfodol fod â gradd A neu uwch. Ni dderbynnir Astudiaethau Cyffredinol a Sgiliau Allweddol. Caiff pynciau ansafonol eraill eu hadolygu fesul achos ac efallai na chânt eu derbyn.

Gellir gwneud cynnig cyd-destunol o AAB i siaradwyr Cymraeg iaith gyntaf �Ա��’r rhai sy’n bodloni gofynion ein cynnig cyd-destunol. Sylwer: (1) rhaid cael gradd A neu uwch yn y gwyddorau Safon Uwch gorfodol a nodir uchod; (2) os ydych yn siaradwr Cymraeg iaith gyntaf, rhaid i'ch cais ddangos bod gennych TGAU Cymraeg (Iaith Gyntaf).

Bagloriaeth Ryngwladol

36 i gyd (ac eithrio Theori Gwybodaeth a'r Traethawd Estynedig) gan gynnwys 19 ar Lefel Uwch. Rhaid cynnwys gradd 6 mewn Bioleg a Chemeg. Gellir cymryd Gradd 7 mewn Bioleg neu Gemeg Lefel Sylfaenol yn lle Bioleg neu Gemeg Lefel Uwch os oes gennych radd 6 mewn Mathemateg, Ffiseg neu Ystadegaeth Lefel Uwch hefyd.
Graddedigion gyda gradd Baglor/MSc/PhD: gradd 2.1 neu uwch a 32 yn gyffredinol gyda Graddau 5 gan gynnwys Bioleg a Chemeg.

Bagloriaeth Sgiliau Uwch Cymru (Lefel 3)

Derbyniwn y cymhwyster hwn yn lle un Safon Uwch, ar y marciau a restrir uchod heb gynnwys unrhyw bynciau penodol.

Irish Highers a Thystysgrifau Gadael Ysgol

• H1 mewn Bioleg, H1 mewn Cemeg a H2 mewn pedwar pwnc arall. Hefyd, 8 Tystysgrif Iau gan gynnwys Mathemateg, Saesneg a Gwyddoniaeth gydag o leiaf gradd B a gradd O3 mewn Saesneg a Mathemateg yn y Dystysgrif Gadael.
• Graddedigion gyda gradd 2:1 neu uwch: H2 mewn Bioleg a Chemeg, a H2 mewn pedwar pwnc arall. Hefyd, 8 Tystysgrif Iau gan gynnwys Mathemateg, Saesneg a Gwyddoniaeth gyda gradd B a gradd O3 mewn Saesneg a Mathemateg yn y Dystysgrif Gadael.
• Graddedigion gydag MSc/PhD: gradd 2:1 neu uwch a H2 mewn Bioleg a Chemeg, H2 mewn 2 arall, H3 mewn 2 arall. Hefyd, 8 Tystysgrif Iau gan gynnwys Mathemateg, Saesneg a Gwyddoniaeth gyda gradd B a gradd O3 mewn Saesneg a Mathemateg yn y Dystysgrif Gadael.

Scottish Highers a Thystysgrifau Gadael Ysgol

• Graddau AAB yn yr Advanced Higher gan gynnwys Bioleg a Chemeg.
• Graddedigion gyda gradd 2.1 neu uwch: graddau BBC – rhaid i ddwy wyddor orfodol fod yn radd B.
• Graddedigion gyda MSc/PhD: gradd 2.1 neu uwch a graddau BCC – gradd B mewn Bioleg.

Bydd cymwysterau ‘National 5’ a ‘Highers’ yn cael eu derbyn yn lle TGAU. Rhaid bodloni gofynion cyfatebol o ran lefel, gradd a phwnc. Ni chaiff pynciau dyblyg eu cyfrif ddwywaith.

Mynediad Graddedig

Os ydych yn ymgeisydd graddedig, rhaid i chi fod wedi cael, neu yn gweithio tuag at radd 2.1 (Anrh.). Rhaid i chi hefyd feddu ar raddau Safon Uwch BBB/ABC (neu gyfwerth) gan gynnwys gofynion pwnc ac yn achos ABC, ni all y gwyddorau gorfodol fod ar radd C. Rhaid i chi hefyd fodloni isafswm gofynion o ran TGAU.

Os ydych wedi cwblhau MSc/PhD, y gofyniad Safon Uwch lleiaf yw BBC (neu gyfwerth) gan gynnwys gofynion pwnc gyda gwyddorau gorfodol ar radd B neu uwch.

Gofynion Mynediad Ychwanegol

TGAU:

• Saesneg Iaith neu Gymraeg Iaith gradd B/6 a
• Gwyddoniaeth Ddwbl graddau BB/66 (neu raddau B/6 mewn Bioleg a Chemeg) a,
• Mathemateg gradd B/6 a,
• Pedwar TGAU arall gyda gradd B/6��

Rhaid i chi hefyd ddangos ymwybyddiaeth o system gofal iechyd y Deyrnas Unedig a natur yr hyfforddiant meddygol yn eich datganiad personol. Os ydych yn siaradwr Cymraeg iaith gyntaf, gwnewch hynny’n glir yn eich datganiad personol.
Sylwer: Nid ydym yn derbyn BTEC na Lefelau T ar y rhaglen. ��

Nid ydym ychwaith yn derbyn Meddwl yn Feirniadol, Astudiaethau Cyffredinol, Astudiaethau Dinasyddiaeth, neu bynciau eraill tebyg. ��

Ailsefyll cymwysterau

Dim ond o fewn 12 mis i sefyll yr arholiadau gwreiddiol y byddwn yn derbyn ailsefyll Lefel 2 (e.e. TGAU). Rhaid cwblhau'r rhain cyn gwneud cais. Yr eithriad i hyn yw Saesneg Iaith lle nad oes unrhyw derfyn amser ar gyfer ailsefyll, ond mae'n rhaid ei gynnwys fel ‘wedi'i gyflawni’ (achieved) neu’n ‘aros am ganlyniad’ (pending) ar y ffurflen gais.

Nid ydym yn derbyn ailsefyll Lefel 3 (e.e. Safon Uwch). Fodd bynnag, dylid nodi nad yw arholiadau sy’n cael eu sefyll ar ôl cael graddau a aseswyd gan ganolfan yn cael eu hystyried gennym fel ailsefyll.

Ystyrir achosion o ailsefyll unedau modiwl Safon Uwch ar yr amod nad yw'r arholiad terfynol eisoes wedi'i gynnal a bod gradd wedi'i dyfarnu.

Derbyniadau Cyd-destunol

Rydym yn ystyried eich data cyd-destunol yn ofalus (yr amgylchiadau y buoch yn astudio ynddynt) pan fyddwch yn ymgeisio. Byddwn yn ystyried hynny yn y cynigion a wneir, a all fod yn is na'r hyn a hysbysebwyd. Ceir rhagor o fanylion am gynigion cyd-destunol yma.

Gwneud Cais

Rhaid cyflwyno cais cyflawn i UCAS erbyn y dyddiad cau. Efallai na fyddwn yn ystyried gwybodaeth atodol a dderbynnir gan y Brifysgol ar ôl y dyddiad cau hwn.

Prawf Derbyn

Rhaid i chi sefyll prawf UCAT cyn cyflwyno'ch cais. Rhaid i chi sefyll yr UCAT ym mlwyddyn y cais. Nid oes gennym sgôr trothwy isaf; ond, byddwn yn defnyddio sgoriau UCAT fel rhan o'r broses ddethol.

Cyfweliadau

Os cewch eich dewis, cewch eich gwahodd i gyfweliad. Rydym yn defnyddio'r dull mini gyfweliadau lluosog, sef cyfres o gyfweliadau byr, wedi'u hamseru'n ofalus, un ar ôl y llall. Rhaid i bob ymgeisydd ddod i gyfweliad os gwahoddir ef.

Os yw ymgeisydd wedi llwyddo ac wedi cael gwahoddiad i ddod i gyfweliad, bydd dyddiad ffug yn cael ei gyhoeddi ar UCAS. Mae hyn yn ofyniad gan UCAS ond NID dyna fydd dyddiad eich cyfweliad. Bydd y cynnig yn nodi y dylech ddiystyru’r dyddiad hwn ac yn dweud y byddwn yn cysylltu â chi trwy e-bost yn fuan.

Dylai ymgeiswyr gael e-bost y diwrnod canlynol yn uniongyrchol gan Brifysgol ������ϲʹ������� yn eu gwahodd i ddewis amser i’w cyfweliad. Cyfrifoldeb yr ymgeisydd yw sicrhau eu bod yn edrych ar eu negeseuon, gan gynnwys y ffolder sothach, yn rheolaidd ac yn trefnu amser i’w cyfweliad. Os nad ydych wedi cael e-bost o fewn 48 awr i dderbyn y gwahoddiad trwy UCAS, rhaid i ymgeiswyr anfon e-bost i derbyniadaumeddygaeth@bangor.ac.uk. Os na fyddwch yn cysylltu a/neu'n trefnu eich slot cyn y dyddiad cau, ni fyddwn yn gallu gwneud trefniadau eraill.

Amodau ymrestru

Cyn dechrau’r cwrs, bydd angen gwiriad iechyd ar bob ymgeisydd llwyddiannus, gan gynnwys sgrinio am firysau a gludir yn y gwaed a thwbercwlosis, gan ein Gwasanaeth Iechyd Galwedigaethol. Os nad ydych yn imiwn i Hepatitis B, bydd angen i chi gwblhau rhaglen imiwneiddio lawn cyn cymryd rhan mewn gweithdrefnau clinigol. Os oes gennych firws a gludir yn y gwaed neu glefydau heintus eraill ni wnaiff hynny eich rhwystro rhag cwblhau'r cwrs a chofrestru gyda'r Cyngor Meddygol Cyffredinol, ond ni fydd rhai arbenigeddau’n agored i chi yn yr hyfforddiant ac yn eich gyrfa. Os oes gennych broblem gydag iechyd y credwch y gallai effeithio ar eich gallu i astudio neu ymarfer, cysylltwch â ni cyn gwneud cais.

Er nad yw'n orfodol, byddem yn annog pob ymgeisydd i gael eu brechu rhag Covid-19 er mwyn eu hamddiffyn eu hunain a chydweithwyr a chleifion.

Euogfarnau troseddol

Os bydd eich cais yn llwyddiannus, bydd gofyn i chi gwblhau cais DBS (Gwasanaeth Datgelu a Gwahardd) cyn cael eich derbyn ar y cwrs.
Os oes gennych euogfarn droseddol berthnasol, caiff hynny ei nodi yn y gwiriad a gallai effeithio ar eich gallu i gofrestru ar y cwrs. Dylai’r ymgeiswyr hynny sydd ar y rhestr waharddedig fod yn ymwybodol bod gwneud cais am y cwrs hwn yn debygol o gael ei ystyried yn drosedd. Dylai'r rhai sydd ag euogfarnau troseddol nad ydynt ar y rhestr wahardd e-bostio derbyniadaumeddygaeth@bangor.ac.uk cyn gwneud cais.

Astudiaeth flaenorol o feddygaeth

Mae'n ofynnol i'r rhai sydd wedi astudio rhaglen feddygaeth neu raglen iechyd broffesiynol arall yn flaenorol roi gwybod i ni cyn gwneud cais. Os na wnaethoch gwblhau eich cwrs oherwydd euogfarnau troseddol neu fethiant academaidd dylech anfon e-bost at derbyniadaumeddygaeth@bangor.ac.uk cyn gwneud cais. Os na wnaethoch gwblhau eich cwrs am resymau iechyd dylech gysylltu â ni cyn gwneud cais.

Gwybodaeth bwysig

• Gall y gofynion mynediad newid o flwyddyn i flwyddyn.
• Dylai pob ymgeisydd fod yn breswylydd parhaol yn y Deyrnas Unedig ar ddiwrnod y cais. Ni fyddwn yn ystyried y rhai sy’n aros am gymeradwyaeth am breswyliad parhaol yn y Deyrnas Unedig.
• Rhaid i bob ymgeisydd fod yn 18 oed ar ddechrau'r cwrs.
• Dim ond am uchafswm o ddau gylch y gall ymgeiswyr wneud cais i Brifysgol ������ϲʹ�������.
• Ni ddylai cymwysterau mynediad lefel 3 yr ymgeisydd fod yn fwy na phum mlwydd oed ar ddechrau'r cwrs. Bydd hyn yn wir oni bai bod yr ymgeisydd wedi parhau mewn addysg mewn maes pwnc perthnasol sy'n gysylltiedig ag iechyd, neu'n gweithio mewn swydd sy'n gysylltiedig â gofal iechyd. Dylai'r cymwysterau fod wedi eu hennill y naill ar ôl y llall ers gadael addysg lefel 3 gyda bylchau cyfyngedig neu ddim bylchau o gwbl. Ni ddylai bylchau rhwng dau bwnc gwyddoniaeth Safon Uwch gwahanol (neu gyfwerth) a restrir ar ein gwefan fod yn fwy na 3 mlynedd. E-bostiwch am eglurhad pellach cyn gwneud cais.
• Ystyrir cymwysterau rhyngwladol fesul achos. E-bostiwch derbyniadaumeddygaeth@bangor.ac.uk gyda chopïau o'ch cymwysterau cyn gwneud cais.

Os oes gennych unrhyw gwestiynau pellach am ofynion mynediad, e-bostiwch derbyniadaumeddygaeth@bangor.ac.uk.