ϲʹ

Fy ngwlad:
Fy ngwlad:

Chwilio

Cau
Person holds a moulded paper cup

Prifysgol ϲʹ yn gweithio ar botel wisgi bapur eco-ymwybodol

Gallai defnyddwyr fod yn arllwys wisgi allan o botel bapur cyn bo hir, gyda phroject pecynnu cynaliadwy bron â chael ei gwblhau ym Mhrifysgol ϲʹ.

Mae aelodau o Ganolfan Biogyfansoddion y brifysgol wedi partneru â chonsortiwm pecynnu gwyrdd byd-eang Pulpex i ddylunio potel bapur i'w defnyddio gan nifer o gwmnïau nwyddau pecynnu defnyddwyr byd-eang, gan gynnwys Diageo.

Wedi'u gwneud o fwydion pren o ffynonellau cynaliadwy, wedi'u hardystio gan FSC, mae'r poteli wedi'u cynllunio i gydbwyso ymarferoldeb ac ansawdd â'r gallu i'w hailgylchu. Y bwriad yw creu cynhwysydd gwydn a fydd yn caniatáu oes silff hirdymor a’r gallu i gynhyrchu nifer ohonynt yn syml.              

Mae Prifysgol ϲʹ wedi gweithio ochr yn ochr â Pulpex ers 2020 ar y fenter ac meddai cyfarwyddwr Canolfan Biogyfansoddion Prifysgol ϲʹ, Dr Rob Elias: “O ystyried y gost ynni a charbon uchel sy'n gysylltiedig â gwneud hyd yn oed un botel wydr, mae'n hanfodol bod dulliau mwy cynaliadwy o becynnu'n cael eu datblygu i leihau costau a'r ôl-troed carbon byd-eang.

“Mae gweithio gyda diwydiant yn hanfodol os ydym am symud ymlaen i’r cam nesaf o arloesi; Mae'r wybodaeth a'r gefnogaeth y mae Pulpex wedi'u darparu wedi bod yn amhrisiadwy i'n helpu i ymchwilio a gwneud y gorau o gyfansoddiad delfrydol y botel yn ogystal â gwneud profion mwy trwyadl i ddarparu canlyniadau mwy cynhwysfawr.”

Mae Pulpex yn gydweithrediad ymchwil a datblygu rhwng Diageo a Pilot Lite, cwmni rheoli menter.

Mae wedi bod yn fantais ac yn bleser pur gweithio ochr yn ochr â'r unigolion talentog yng Nghanolfan Biogyfansoddion Prifysgol ϲʹ.

“Mae eu gwybodaeth a’u profiad ym maes asesu diwedd oes deunyddiau wedi dod yn estyniad anhepgor o’n tîm yma yn Pulpex.

Scott Winston,  Prif Weithredwr, Pulpex
person testing out a new product
Technegydd deunyddiau Prifysgol ϲʹ Sean Baxter yn ystod y broses o brofi gwaith y Ganolfan Biogyfansoddion gyda chonsortiwm byd-eang pecynnu gwyrdd Pulpex i ddylunio potel bapur ar gyfer cwsmeriaid.

Sean Baxter, technegydd deunyddiau o Brifysgol ϲʹ, yn ystod y broses o brofi gwaith y Ganolfan Biogyfansoddion gyda chonsortiwm pecynnu gwyrdd byd-eang Pulpex i ddylunio potel bapur at ddefnydd cwsmeriaid

Ychwanegodd Rob: “Mae hwn yn gam enfawr ymlaen ac rydym yn gyffrous i barhau i weithio ymhellach gyda diwydiant i rannu ein harbenigedd ym maes bio-gyfansoddion a phecynnu cynaliadwy, fel y gall diwydiant fynd ymlaen i ddatblygu atebion addas a chynaliadwy sy'n lleihau'r defnydd o blastig yn fyd-eang.”

I ddarganfod mwy am Pulpex, ewch i , ac i gael rhagor o wybodaeth am ganolfan Biogyfansoddion Prifysgol ϲʹ, ewch i .

Newyddion Perthnasol