Cyfleusterau'r Ysgol Gwyddorau'r Eigion

Cyfleusterau

Mae gan Ysgol Gwyddorau’r Eigion gyfleusterau cefnogi rhagorol ar gyfer addysgu ac ymchwil.

Mae ganddi ystod eang o gyfleusterau:

o labordai addysgu mawr, modern, â chyfarpar da, i
labordai ymchwil â’r dechnoleg ddiweddaraf;
o longau bychain i wneud ymchwil gyda’r glannau, i long ymchwil morwrol 35 metr - Prince Madog.
o rwydwaith cyfrifiadurol ardal leol ar gyfrifiaduron personol, i weithfannau pwerus prosesu rhifau a ddefnyddir wrth fodelu’r cefnforoedd yn rhifiadol;
o systemau graffeg cyhoeddi bwrdd gwaith a chyhoeddi ffotograffig, i weithdai trydanol a mecanyddol mewnol sy'n gallu dylunio ac adeiladu offer eigioneg o'r radd flaenaf;
o lyfrau a chyfnodolion traddodiadol, i'r adnoddau llyfrgell electronig diweddaraf (trwy'r Brif Lyfrgell Wyddoniaeth ym Mangor);
o gyflenwad dŵr môr wedi'i hidlo yn uniongyrchol o’r Fenai, i acwaria môr dŵr oer a throfannol

Llong Ymchwil y Prince Madog

�Ѳ��’r Prince Madog yn llong ymchwil bwrpasol o’r radd flaenaf a gomisiynwyd gan Brifysgol ��ϲʹ�� gan ddefnyddio grant Cyd-gronfa Isadeiledd gwerth £3.5 miliwn ac sy’n galluogi gwyddonwyr morol y Deyrnas Unedig i astudio bioleg, cemeg, daeareg a ffiseg ein moroedd.

Labordai

Mae nifer o labordai arbenigol ar safle Porthaethwy, gyda llawer ohonynt wedi’u cysylltu’n barhaus â chyflenwad dŵr môr. Mae'r labordai hyn yn darparu ar gyfer gwaith olrhain radio; magu larfâu, pysgod ac organebau trofannol amrywiol; cemeg forol; gwaddodeg; geotechneg a geoffiseg; hydrodynameg a datblygu a chynnal offeryniaeth ar gyfer rhaglenni morwrol mewn eigioneg ddeinamig a geoffiseg.

Labordy cemeg forol

Sbectromedr Màs Cymarebau Isotopau SIRA II
Sbectromedr Màs Cymarebau Isotopau GEO 20/20 gyda CAPS (System Baratoi Awtomatig Carbonad)

Labordy sglerogronoleg

Mae carbonadau biogenig morol yn archifau naturiol o wybodaeth balaeoamgylcheddol, a gallant ddarparu cofnodion dirprwyol cydraniad uchel o amrywioldeb hinsawdd cefnforol y gorffennol a’r presennol. Rydym yn defnyddio data cynyddran twf (sglerogronoleg) a gwybodaeth geocemegol (sclerocemeg) o folysgiaid a charbonadau biogenig eraill i astudio amgylcheddau cefnfor modern a hynafol.

Defnyddir techneg o’r enw Ultrasonic Doppler Velocimetry i fesur cyflymder llif un cyfeiriad a deugyfeiriadol. Mae'r dull hwn wedi'i deilwra ar gyfer crynodiadau uchel o waddod mewn daliant, lle mae dulliau eraill yn methu â chasglu data dibynadwy.

Labordy hydrodynameg

Mae Labordy Hydrodynameg Ysgol Gwyddorau’r Eigion yn gyfleuster arbrofol ar gyfer efelychu symudiadau dŵr a gwaddodion gan donnau, y llanw, afonydd a cherhyntau dwysedd. Mae'r 'Hydrolab' yn gartref i dri chafn arbrofol ac ystod o offeryniaeth i fesur paramedrau llif ac ansawdd dŵr.

Mae'r cafn mwyaf yn 10m o hyd, 0.3m o led, a 0.5m o ddyfnder. Mae dŵr a gwaddod yn cael eu hailgylchredeg gan bwmp sgriw pwlsadur allgyrchol Hidrostal sy'n caniatáu i solidau mawr basio drwyddo ac sy'n trin deunydd cain gyda'r difrod lleiaf posibl. Mae system bibellau pwrpasol yn caniatáu cynhyrchu llifoedd un cyfeiriad, llifoedd afonol a llifoedd llanw deugyfeiriadol. Mae gan y cafn gynhyrchydd tonnau sy'n cynhyrchu tonnau arwyneb dŵr rheolaidd. Gellir cyfuno'r cynhyrchydd tonnau â'r pwmp i gynhyrchu llifau cyfun. Mae'r cafn hefyd wedi'i ddefnyddio i gynhyrchu ceryntau dwysedd llawn gronynnau.

Mae'r cafn lleiaf yn 2m o hyd, 0.2m o led, a 0.14m o ddyfnder. Mae'r cafn hwn yn arbennig o ddefnyddiol er mwyn astudio prosesau erydol mewn gwaddod cydlynol ac anghydlynol.

Defnyddir prob Optegol Ôl-wasgaru i gasglu crynodiadau o waddod mewn daliant.
Mae mesuryddion tonnau ar gael i fesur uchder, hyd, cyfnod a chyflymder lluosogi tonnau arwyneb dŵr.
Mae camerâu treigl amser yn darparu cofnodion amser hir o newid morffolegol, er enghraifft, ffurfiau gwely gwaddodol.
Mae camera fideo digidol o’r safon uchaf ar gael ar gyfer recordio prosesau deinamig.

�Ѳ��’r Hydrolab wedi’i ddefnyddio ar gyfer ystod eang o brojectau ymchwil ffisegol, biolegol a gwaddodegol gan gynnwys ymchwil i’r pynciau canlynol:

Datblygiad crychdonnau cerrynt mewn tywod cydlynol biolegol a ffisegol
Modyliad tyrfedd mewn llifoedd clai mewn daliant
Datblygiad crychdonnau tonnau mewn cymysgeddau o dywod a chlai
Llif dŵr llawn maetholion a dŵr sy'n brin o faetholion dros hadau cregyn gleision
Sefydlogrwydd gwaddod morfeydd heli fel un o swyddogaethau gwreiddiau planhigion, yn ôl math, amrywiaeth a dwysedd
Ymsymudiad pysgod
Erydiad o amgylch modelau wrth raddfa o strwythurau peirianneg forol
Deinameg tirffurf gwely’r llanw
Pwysau croesrym critigol gwely tywod lleidiog
Hydrodynameg a gwaddodiad cynefinoedd Sabellaria alveolata
Cregyn bylchog yn agor ac effaith claddu a gwaddodi
Effaith anghymesuredd dargyfeirio llif ar diwnio tyrbinau llanw
Rhyngweithio hylif-gwaddod mewn ceryntau cymylogrwydd yn symud dros welyau mwdlyd meddal

Llongau Ymchwil ar y Glannau

Mae gan yr Ysgol nifer o gychod gwaith sy'n addas ar gyfer amrywiaeth o dasgau ac o amodau'r môr. Mae'r llynges hon o longau llai yn galluogi samplu biolegol, cemegol, cefnforol a daearegol mewn dyfroedd basach gyda'r glannau lle na-all y Llong Ymchwil Prince Madog. bob amser gael mynediad atynt.

Cwch arolygu catamarán Cheetah 7.9m, wedi’i ardystio i gategori 3 y MCA
System amlbaladr SeaBat Reson 7101 (240 kHz)
caban mawr ar gyfer gosod offer eigioneg eraill
winsh, camlath a nenbont ar gyfer anfon cyfarpar dros ochr neu starn cwch
twll bychan yng nghorff y cwch at ddiben gosod trawsddygiaduron acwstig ar gyfer ADCP a systemau sonar amlbaladr
moduron allfwrdd gefeilliol 130 H.P. -> cyflymder uchaf o 25 not -> cludiant cyflym i safleoedd arolwg.

Cwch arolygu Leeward 18 5.5m, wedi’i ardystio i gategori 4 y MCA
digon bach i gael ei dynnu ar hyd y ffordd fawr
caban ar gyfer gosod offer arolwg eigioneg

Cwch gwaith agored alwminiwm 4.2m
ar gyfer gwaith mwy cysgodol mewn aberoedd ac ar y Fenai

������ϲʹ�������